Morgunblaðið - 08.12.2020, Blaðsíða 10

10 FRÉTTIRInnlent
MORGUNBLAÐIÐ ÞRIÐJUDAGUR 8. DESEMBER 2020
Færeyska uppsjávarskipið Christi-
an í Grótinum hefur verið selt til
Grænlands og fær nafnið Tasiilaq.
Kaupandi er fyrirtækið Pelagic
Greenland, sem er dótturfyrirtæki
Royal Greenland. Fram kemur á
vef færeyska útvarpsins að kaup-
verðið sé 123,7 milljónir danskra
króna eða sem nemur um 2,5 millj-
örðum íslenskra króna. Christian í
Grótinum er 17 ára gamalt skip,
byggt í Noregi 2003 og keypt til
Færeyja 2013.
Ísfélagið í Vestmannaeyjum á
þriðjung í Pelagic Greenland. Ís-
félagið seldi frystiskipið Guðmund
VE og fjölveiðiskipið Þorstein ÞH
til Grænlands 2014. Fyrrnefnda
skipið bar nafnið Tasiilaq og var
selt í sumar, en síðarnefnda skipið
ber nafnið Tuneq í Grænlandi.
Á vegum útgerðar Christian í
Grótinum er nú verið að byggja
nýtt uppsjávarskip hjá Karstens-
ens-skipasmíðastöðinni í Skagen í
Danmörku og er kostnaðurinn við
smíðina 6,1 milljarður íslenskra
króna að sögn Kringvarpsins. Nýja
skipið er væntanlegt til Færeyja í
byrjun árs 2022.
Í Skagen er einnig verið að smíða
nýjan Vilhelm Þorsteinsson fyrir
Samherja á Akureyri og nýjan
Börk fyrir Síldarvinnsluna í Nes-
kaupstað. Vilhelm er væntanlegur
til landsins í byrjun næsta árs og
Börkur um mitt næsta ár.
aij@mbl.is
Ljósmynd/cig.fo
Christian í Grótinum Nýtt og fullkomið skip kemur til Færeyja eftir ár.
Christian í Grótin-
um til Grænlands
 Láta smíða nýtt skip í Skagen
Sigtryggur Sigtryggsson
sisi@mbl.is
Skipulags- og samgönguráð Reykja-
víkur hefur samþykkt að nokkrar
götur í Kvosinni verði gerðar að
vistgötum. Á slíkum götum hefur
umferð gangandi vegfarenda og
hægfara farartækja forgang fram
yfir umferð bíla. Hámarkshraði bíla
er 10 km/klst. á vistgötum eða litlu
meiri en gönguhraði fólks.
Göturnar eru eftirfarandi: Aðal-
stræti, Grófin, Naustin norðan
Tryggvagötu, Tryggvagata milli
Lækjargötu og Grófarinnar og Vest-
urgata milli Grófarinnar og Mjó-
strætis. Einnig var samþykkt að
bílastæði við Aðalstræti 9 verði sér-
staklega merkt hreyfihömluðum.
Það var skrifstofua samgöngustjóra
og borgarhönnunar sem lagði þetta
til. Nú þegar eru vistgötur í Kvos-
inni eftirtaldar: Vesturgata,
Tryggvagata, Pósthússtræti auk
gatna Grjótaþorpsins. Málið fer nú
til lokaafgreiðslu í borgarráði.
Í tilefni af þessari samþykkt voru
gerðar fjórar bókanir. Í þremur
þeirra var samþykktinni fagnað.
Fulltrúar Sjálfstæðisflokksins vildu
einnig benda á að mikilvægt væri að
áfram verði tryggt gott aðgengi með
aðföng og aðgengi leigubifreiða væri
ekki raskað.
Við annan tón kvað í bókun Vig-
dísar Hauksdóttur, borgarfulltrúa
Miðflokksins, sem sagði að enn væri
verið að þrengja að bílaumferð í
Reykjavík með því að loka allri
Kvosinni. Þetta væri löngu komið
yfir eitthvert þráhyggjustig hjá
borgarstjóra og meirihlutanum.
„Þetta er hrein ögrun gagnvart
Reykvíkingum og landsmönnum öll-
um. Það er bæði sorglegt og
óhuggulegt hvernig búið er að
skemma miðbæinn undanfarinn
rúman áratug undir stjórn vinstri-
manna í borgarstjórn. Einnig er það
ábyrgðarleysi að verið er að loka að-
gengi að opinberum stofnunum rík-
isins. Borgin ber skyldu gagnvart
ríkinu. Sú skylda er hunsuð í þessu
máli – enda mega að sjálfsögðu eng-
ir bílar vera fyrir góða fólkinu þeg-
ar verið er að flýta sér úr ráðhúsinu
yfir á Vinnustofu Kjarvals,“ bókaði
Vigdís.
Ný umferðarlög tóku gildi um
síðustu áramót. 9. grein laganna
fjallar um vistgötur. Samkvæmt
þeim var hámarkshraði lækkaður
úr 15 í 10 km/klst. „Heimilt er að
dveljast og vera að leik á vistgötu.
Ökumaður skal sýna gangandi veg-
faranda sérstaka tillitssemi og víkja
fyrir honum,“ segir þar.
Hámarkshraði lækkar
á götum í Kvosinni
 Vistgötur samþykktar  Ögrun gagnvart Reykvíkingum
og landsmönnum öllum, segir borgarfulltrúi Miðflokksins
Morgunblaðið/Kristinn Magnússon
Aðalstræti Framvegis er vissara fyrir ökumenn að gæta vel að hraðanum.