Morgunblaðið - 08.12.2020, Blaðsíða 28

28 MENNING
MORGUNBLAÐIÐ ÞRIÐJUDAGUR 8. DESEMBER 2020
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Helgi Snær Sigurðsson
helgisnaer@mbl.is
Söngvaskáldið Sváfnir Sigurðarson
sendi í liðinni viku frá sér sína aðra
sólóplötu, Jæja gott fólk. Tíu lög eru
á skífunni sem telst því breið og
komu 20 tónlistarmenn að gerð
hennar með einum eða öðrum hætti,
að sögn Sváfnis. Nokkur laga henn-
ar hafa notið vinsælda hin síðustu
misseri, m.a. lagið „Fólk breytist“
og spanna lögin tíu þriggja ára
tímabil.
Hefur verið lengi að
En hver er eiginlega Sváfnir Sig-
urðarson? „Ég hef verið nokkuð
lengi að í tónlist en það er fyrst núna
hin síðari ár sem ég kýs að koma úr
skápnum sem
sólólistamaður.
Ég er auk þess
meðlimur í hljóm-
sveitinni Menn
ársins sem gaf út
samnefndan
geisladisk árið
2008 og svo hef ég samið talsvert af
tónlist fyrir áhugaleikhús og stutt-
myndir svo dæmi séu nefnd. En síð-
ustu fjögur árin hef ég verið mest í
að spila, semja og gefa út mitt eigið
efni,“ svarar Sváfnir.
– Þetta er önnur sólóplatan þín, að
hvaða leyti er hún ólík þeirri fyrri,
fyrir utan hið augljósa að á henni
eru önnur lög?
„Jæja gott fólk er önnur sólóplata
mín en sú fyrri, Loforð um nýjan
dag, kom út árið 2016. Sú plata var
nokkuð ólík þessari en ég einsetti
mér í upphafi árs 2016 að semja,
æfa, hljóðrita og gefa út heila plötu á
einu ári og það hafðist. Jæja gott
fólk hefur verið lengur í smíðum, eða
tvö til þrjú ár og það hefur verið
nostrað meira við hana. Það er ekki
endilega betra að hanga svona yfir
hlutunum, en maður verður alltaf að
prófa að nálgast hluti á annan hátt
en síðast. Annars staðnar maður
bara.“
Ávarp til tónleikagesta
– Titill plötunnar, Jæja gott fólk,
virðist vera einhvers konar inn-
gangur að stöðufundi eða hvernig
myndir þú lýsa honum og nafngift-
inni?
„Titil plötunnar sótti ég í þennan
frasa, sem mér skilst að sé eitthvað
sem ég segi gjarnan, ekki síst þegar
ég ávarpa tónleikagesti,“ svarar
Sváfnir og minnist þess tíma trega-
fullur þegar halda mátti tónleika og
engin var farsóttin. „Merkingin er
kannski líka sú að á tímum aukinnar
dómhörku og þverrandi umburðar-
lyndis væri okkur kannski hollt að
taka stundum eitt skref til baka áður
en við bregðumst við. Í titlinum felst
því líka hvatning til okkar allra að
anda aðeins með nefinu áður en við
rjúkum í skotgrafirnar og býsnumst
yfir einhverju sem við erum örugg-
lega öll búin að gleyma sólarhring
síðar.“
– Þú hefur náð nokkrum lögum
inn á vinsældalista á undanförnum
misserum, það virðist hafa komið
einhver listrænn kippur í þig, eða
hvað?
„Ég leyfði mér að sleppa þremur
lögum plötunnar lausum undanfarið
ár og það er ánægjulegt að segja frá
því að þau hafa öll fengið frábærar
viðtökur. Lögin „Fólk breytist“,
„Fer sem fer“ og „Líttu aftur“ sátu
t.a.m. öll í margar vikur á vinsælda-
lista Rásar 2. Svo eru sjö lög í viðbót
á plötunni sem hafa ekkert heyrst og
eru því ný upplifun fyrir hlust-
endur.“
Lög við texta frekar en öfugt
– Um hvað ertu að syngja, get-
urðu nefnt mér dæmi?
„Yrkisefnið sæki ég hingað og
þangað. Ég verð alltaf að hafa ein-
hvern þráð í textum sem ég elti.
Stundum ýkir maður eigin upplif-
anir og stundum reynir maður bara
að taka sér skáldaleyfi og vera bara
sögumaður. Mér fellur betur að
setja lög við texta en texta við lög,“
svarar Sváfnir.
– Hvernig tónlist er þetta?
„Ef ég ætti að skilgreina þessa
tónlist, sem mér er yfirleitt meinilla
við að gera, þá er þetta líklegast in-
die-folk-popp … æ ég veit það ekki.
Má þetta ekki bara vera tónlist?“
spyr Sváfnir á móti og svarið við því
er vitaskuld „jú“. Tónlist er tónlist,
eins og doktorinn segir gjarnan.
Þarf að kaupa plötuspilara
En hvað er fram undan hjá Sváfni
í kófinu?
„Það er alltaf stór áfangi að senda
frá sér heila plötu en nú er annar
áfangasigur á sjóndeildarhringnum
þar sem ég kaus að gefa þessa músík
líka út á vínyl. Því miður þá næst
vínylplatan ekki í hús fyrr en eftir
áramót. En það verður skemmtilegt
að handleika gripinn þegar hann
kemur. Vínyllinn er á hraðri uppleið.
Já vel á minnst, ég þarf að drífa í því
að fara að kaupa mér plötuspilara.
En endilega rennið þessari plötu í
gegn á tónlistarveitunum þangað til
vínyllinn kemur. Hún bíður eftir
ykkur þar.“
Ljósmynd/Olga Helgadóttir
Söngvaskáld Sváfnir Sigurðarson hefur gefið út tvær sólóplötur og nefnist sú seinni Jæja gott fólk.
Hvatning til að anda með nefinu
 Sváfnir Sigurðarson gefur út Jæja gott fólk  Frasi sem honum er tamur  „Stundum ýkir
maður eigin upplifanir og stundum reynir maður bara að taka sér skáldaleyfi,“ segir Sváfnir
Sýning á verkum danska listmálarans Ole
Ahlberg hefur verið opnuð í Galleríi Fold
við Rauðarárstíg. Ahlberg hefur sýnt
verk sín nokkrum sinnum hér á landi og
er einna þekktastur fyrir verk sín af
teiknimyndahetjunni Tinna og félögum
hans. Ahlberg sýnir persónur úr Tinna-
bókunum í ýmsum óvenjulegum, óvænt-
um og stundum erfiðum aðstæðum.
„Stundum eru verk hans dökk eða erótísk
en í öðrum ríkir gleði og leikur en þau
bjóða áhorfandanum alltaf upp á óvænta
upplifun og vísa gjarna út fyrir sig,“ segir
í tilkynningu. Á sýningunni eru prent í
takmörkuðu upplagi auk þriggja olíu-
verka en þetta er í fyrsta sinn sem olíu-
verk eftir Ole eru sýnd hér á landi.
Verk Ole Ahlberg í Galleríi Fold
Tinni Hluti verks eftir Ahlberg.
Um langan veg heitir barnabók eftir
Gunnar Bender, sem þekktastur er
fyrir bækur og umfjöllun um veiði og
veiðimenn. Bókin segir frá lítilli
stúlku á kínversku munaðarleys-
ingjahæli sem er svo ættleidd til Ís-
lands.
Gunnar segist byggja bókina á eig-
in upplifun, því hann og þáverandi
eiginkona hans ættleiddu einmitt
stúlku frá Kína fyrir sextán árum.
„Við vorum í níu manna hópi, fjórar
fjölskyldur, sem fórum til Kína og
heimsóttum barnaheimili fyrir mun-
aðarlaus börn í Hunan-héraði. Þetta
var frábær hópur sem heldur sam-
bandi enn þann dag í dag,“ segir
Gunnar og bætir við að þó vel hafi
verið hugsað um börnin hafi aðbún-
aður verið fátæklegur og börnin til að
mynda bundin í rúmið á næturnar.
„Það voru svo mörg börn þarna,
næstum allt stelpur, en hver for-
stöðukona passaði sinn hóp og gerði
það ágætlega. Þetta var mikil lífs-
reynsla.“
Gunnar segir að Kínaheimsóknin
hafi setið í sér og síðustu ár hafi hann
langað að skrifa bók sem hann kom
sér svo loks í og fékk Guðna Björns-
son til að myndskreyta hana. Honum
og eiginkonu hans fyrrverandi bregð-
ur fyrir í bókinni, en hann segir þó að
hún sé skáldskapur að miklu leyti.
– Hvað finnst dóttur þinni um það
að vera orðin sögupersóna?
„Henni finnst það bara gaman að
sjá sjálfa sig í bók. Hún fékk að fylgj-
ast með bókinni og skoða hana áður
en hún fór í prentun.“ arnim@mbl.is Áritun Gunnar Bender sést hér árita nýja barnabók sína, Um langan veg.
Mikil lífsreynsla
 Gunnar Bender
skrifar sína fyrstu
barnabók