Lögmannablaðið - 2020, Page 17

LÖGMANNABLAÐIÐ TBL 04/20 17
beint eða óbeint hafa opinberað viðskiptasamband eða
falið í sér persónuupplýsingar, viðskiptaleyndarmál eða
aðrar upplýsingar sem lögmaður hefur fengið í starfi
sínu.
• Ákvæði um auglýsingar lögmanna, sbr. 42. gr.
• Ákvæði um að lögmaður skuli sýna dómstólum fulla
tillitssemi og virðingu, sbr. 19. gr.
• Ákvæði um að lögmenn skuli sýna hver öðrum fulla
virðingu, sbr. 25. gr.
Farið varlega á samfélagsmiðlum
Það er mikilvægt að hafa í huga að sá sem setur efni á
samfélagsmiðla stjórnar því ekki í hvaða samhengi efnið er
lesið, af hverjum það er lesið og hvað margir sjá umrædda
færslu. Í ljósi þess er full ástæða til að fara sérstaklega varlega
og hafa í huga að einhver getur lesið innleggið löngu eftir
að það er birt í allt öðru samhengi og með öðrum augum
en ætlunin var í upphafi. Þá er aldrei of oft bent á mikilvægi
þagnarskyldunnar og að afla samþykkis umbjóðanda áður
en settar eru upplýsingar á samfélagsmiðla um mál sem
viðkomandi lögmaður hefur komið að.
Af niðurstöðum í málum frá Norðurlöndunum má ráða
að þó að lögmenn eigi sér að sjálfsögðu einkalíf þá teljist
þeir lögmenn allan sólarhringinn á samfélagsmiðlum.
Þannig virðist það ekki skipta máli hvort þú tjáir þig á
þínum einkareikningi á samfélagsmiðlum heldur skipti
meira máli hvernig aðrir upplifa færsluna og hvort að þeir
tengja hana við lögmannsstörf þín.
Því er gott að hafa eftirfarandi í huga áður en lögmenn
pósta á samfélagsmiðlum:
• Hvað mundi umbjóðanda mínum finnast um þessa
færslu?
• Hvað mundi gagnaðila/brotaþola finnast um færsluna?
• Hvað mundi almenningi finnast um færsluna?
Áslaug Árnadóttir lögmaður
Ásar – þýðingar og túlkun slf
Eftirfarandi þýðendur og túlkar starfa innan vébanda
Ása – þýðinga og túlkunar slf:
Ellen Ingvadóttir, löggiltur dómtúlkjur og skjalaþýðandi, EU-ACI
Bjarni Gunnarsson, löggiltur dómtúlkur og skjalaþýðandi
Niels Rask Vendelbjerg, löggiltur dómtúlkur og skjalaþýðandi
Daníel Teague skjalaþýðandi
Matthías M. Kristiansen, þýðandi
Gísli S. Ásgeirsson, þýðandi
Almennar og löggiltar þýðingar, dóm- og ráðstefnutúlkun, textaráðgjöf.
Aðili að rammasamningi Ríkiskaupa (RK-14.10).
Ásar – þýðingar og túlkun slf » Suðurlandsbraut 30, 4. hæð, 108 Reykjavík
sími: 897 2717 » netfang: ellening@simnet.is
Gleðileg jól og farsælt nýtt ár.
Þökkum ánægjulegt samstarf á hinu liðna.