Lögmannablaðið - 2020, Page 34

34 LÖGMANNABLAÐIÐ TBL 04/20
KOMPÁS
FYRIR LÖGMENN OG
LÖGMANNSSTOFUR
Það er ýmislegt sem netið hefur að geyma.
Fræðslu- og þekkingarvefurinn Kompás er
byggður á samstarfi fyrirtækja, stofnana,
háskóla, stéttarfélaga og fleiri um miðlun og
gerð hagnýtrar þekkingar er lýtur að stjórnun
og starfsmannahaldi fyrirtækja. Lögmanna-
blaðið rýndi í hvað af því efni sem þar er í
boði gæti komið sér vel fyrir lögmenn og
lögmannsstofur.

Stjórnendur lögmannsstofa
Mikið af upplýsingum er um mannaráðningar og hvað
stjórnendur þurfa að hafa í huga við starfslok. Þá eru
leiðbeiningar og hagnýt ráð varðandi starfsmannasamtöl
og gagnleg eyðublöð til nota fyrir stjórnendur.
Ertu að stofna lögmannsstofu?
Í verkfærakistu Kompás eru helstu efnisþættir í góðri
viðskiptaáætlun tíundaðir og hvernig gera á markaðsáætlun.
Breytingastjórnun
Leiðbeiningar eru um átta þrepa ferli breytingastjórnunar,
Adkar módelið (sem er þekkt aðferðafræði á sviði
breytingastjórnunar) og algeng mistök sem stjórnendur
gera auk greina um hvernig takast eigi á við breytingar og
andstöðu starfsmanna við þær.
Stefnumótun og markmiðasetning
Eyðublöð til markmiðasetningar eru á vefnum og svokallaðir
lykilárangursmælikvarðar (Key Performance Indicators)
kynntir. Allt til að setja upp framtíðarsýn í rekstri og flétta
inn gæðaviðmið.
Ráðning starfsmanna
Hvað þarf að hafa í huga við ráðningu starfsmanna?
Framkvæmd ráðningarferlis frá A-Ö er tíunduð, greining
starfs og starfslýsing, gátlisti við ráðningu, spurningar í
ráðningarviðtölum, úrvinnsla ferilskráa og samanburður á
umsækjendum. Þá eru uppköst að ráðningarsamningum,
móttaka nýliða, innleiðing mentor-kerfis í fyrirtækjum,
um launamál og fjöldi annarra upplýsinga á einum stað.
Samskipti við fjölmiðla
Gátlisti fyrir fyrirtæki um hvernig hafa á góð samskipti við
fjölmiðla.
Í Kompás má auk þess finna:
• Viðbragðsáætlun og verkfæri í úrvinnslu eineltismála á
vinnustað.
• Kynbundin áreitni, kynferðisleg áreitni og ofbeldi.
Eyðublöð og leiðbeiningar um hvernig takast á við slík
mál.
• Jafnlaunavottun (leiðbeiningar um jafnlaunakerfi).
• Ábyrgð stjórnenda í netöryggismálum.
• Hvenær er best að deila efni á samfélagsmiðlum?
• Fyrirbyggjandi aðgerðir gegn netárásum og vírusum.
Stutt kennslumyndbönd
• Dreifing valds og verkefna
• Erindi um leiðtoga
• Markmiðasetning
• Samningatækni
• Starfsmannajóga
• Starfsmannasamtöl
• Stefnumótun
• Stjórnun með aðferðum markþjálfunar
• Þekkingarstjórnun
Á tímum heimsfaraldrar
• Upplýsingaöryggi í fjarvinnu
• Góð ráð um heimavinnu
• Góð ráð um fjarfundi
• Tíu helstu atriði varðandi netöryggi
EI