Dagblaðið Vísir - DV - 22.01.2021, Page 2

Sundurfylkingin
E kkert er öruggt í þess-um heimi nema dauðinn og skatturinn, segja
þeir. Svarthöfði veit þó um
annað sem er álíka öruggt,
rifrildi meðal vinstri manna.
Svona álíka öruggt og að sólin
rísi í austri og Davíð Oddsson
níði reglulega skóinn af Degi
B. Eggertssyni.
Nú hafa Samfylkingarmenn
ákveðið að losa sig við Ágúst
Ólaf Ágústsson, sem hefur
verið ótrúlega fyrirséð í þessi
tvö ár síðan hann ákvað að fá
sér einum of marga bjóra og
reyna að stinga tungunni upp í
blaðamann í hennar óþökk, og
það ítrekað. Varla ættu menn
að taka andköf af furðu yfir að
þetta sé að gerast, hér er um
að ræða flokk sem gerir sig út
fyrir að vera jafnréttisflokk-
ur með frekar femínískum
gildum. Varla hægt að hafa í
framlínu slíks flokks mann
sem hefur opinberlega verið
sakaður um, og enn fremur
gengist við, kynferðislegri
áreitni.
Treystum þó Samfylkingar-
mönnum til að missa engu að
síður svefn yfir þessu. Enda
hefur mesta púðrið verið í
þessum blessaða flokki þegar
kemur að innanbúðarátökum.
Ef þeir gætu stundað þing-
störf af jafn miklum eldmóð
þá kannski sæi sér einhver
fært að kjósa þau svona til til-
breytingar.
En þetta hefur verið vandi
krata á Íslandi að geta aldr-
ei verið sammála um neitt
og geta ekki fyrir sitt litla
líf staðið saman eða fórnað
nokkru af hugsjónum sínum
til að bola íhaldinu frá völdum.
Hér mætti vinstrið taka
hægrið sér til fyrirmyndar
og afgreiða sín blóðugu inn-
anhússátök þar sem þau eiga
heima – innanhúss – og heilsa
síðan lýðnum við útidyrnar
með breiðu brosi.
Ágúst Ólafur má þó eiga
það að hann ásamt Helgu Völu
Helgadóttur hefur nánast
staðið fyrir Samfylkingunni
eins og hún leggur sig undan-
farin ár. Formaðurinn, Logi
Einarsson, virðist ganga með
veggjum, Guðmundur Andri
Thorsson talar eiginlega bara
í bundnu máli sem enginn
skilur, Guðjón S. Brjánsson
hefur ekkert unnið sér til
frægðar og Oddný G. Harð-
ardóttir – hvar er hún eigin-
lega? Hvað á svo að gera við
Albertínu Friðbjörgu Elías-
dóttur? Hún hefur líka verið
hálf ósýnileg.
Heyrst hefur úr herbúðum
Samfylkingar að þar stígi nú
hver Ágústar-grúppían fram
eftir aðra og kvarti sáran yfir
meðferðinni á þingmanninum.
Líklegast standa vonir til að
hægt sé að grenja kallinn inn
á lista. Ágúst virðist þó sjálf-
ur hafa gefist upp og farið í
fýlu, honum mun hafa verið
boðið þriðja sætið en stoltið
hafi ekki boðið upp á annað en
annað sæti að lágmarki.
Nú vill flokkurinn fá okk-
ar atkvæði í kosningunum.
Flokkur sem virðist ekki
einu sinni standa með sínum
eigin þingmönnum. Hvernig
í drottins nafni er slíkum
flokki treystandi fyrir at-
kvæði, hvað þá meirihluta-
valdi? Flokkur sem er meira
sundur en saman en kallar sig
samt Samfylkingu, þrátt fyrir
að vera hvorki saman, né fylk-
ing. Frekar sundurleitur hóp-
ur af fólki sem þreytist ekki
á þófinu. n
SVART HÖFÐI
Aðalnúmer: 550 5060
Auglýsingar: 550 5070
Ritstjórn: 550 5070
FRÉTTA SKOT
550 5070
abending@dv.is
Fnykur af fúski
Þ
að hefur ekki farið fram hjá neinum
að flutningur skimana vegna legháls-
og brjóstakrabbameins frá Leitarstöð
Krabbameinsfélags Íslands til opinberra
stofnana hefur ekki gengið snurðulaust
fyrir sig.
Samhliða flutningnum um áramótin var tilkynnt að
hætta ætti að skima konur fyrir brjóstakrabbameini
frá fertugu og hefja skimunina um fimmtugt. Engin
kynning hafði farið fram á þessari breytingu og kon-
ur voru aldeilis ósáttar. Á mettíma söfnuðust yfir
35 þúsund undirskriftir þar sem þessu var mótmælt
og heilbrigðisráðherra dró ákvörðunina tímabundið
til baka. Að baki þessari ákvörðun var mat færra
vísindamanna en þeim upplýsingum hafði bara ekki
verið komið til almennings.
Þrátt fyrir að uppi hefðu verið hugmyndir um
flutning þessara skimana um árabil vildi ekki betur
til en svo að þegar Landspítalinn tók við
brjósta skimuninni var þar engin aðstaða,
engin tæki og ekkert sérhæft starfs-
fólk. Landspítalinn leigir því aðstöðuna
af Leitarstöðinni þangað til í vor.
Öllu starfsfólki Leitarstöðvarinnar
var síðan sagt upp og var þar með í
óvissu um framtíð sína. Hluta þessa
starfsfólks var síðar boðin vinna,
til að mynda við brjóstaskimun hjá
Landspítalanum. Það hefði óneitan-
lega verið skemmtilegra að bjóða
þessu fólki nýja vinnu strax því
það hefði átt að vera fyrirséð að
það þyrfti starfsfólk til að sinna
þessu verkefni.
Síðan er það leghálsskim-
unin. Síðustu leghálssýnin
voru tekin á Leitarstöðinni
í nóvember og þau flutt til
heilsugæslunnar. Heilsu-
gæslan og Sjúkratrygg-
ingar Íslands voru hins
vegar ekki búnar að ganga
frá samningum um hver
ætti að greina sýnin.
Nú stendur til að senda
þau til Danmerkur. Í
millitíðinni hafa um tvö
þúsund sýni verið lokuð ofan í kassa á heilsugæslu-
stöð. Á sama tíma hafa þær konur sem fóru í legháls-
skimun í nóvember beðið í von og óvon eftir fregnum
af því hvort þær hafi greinst með frumubreytingar í
leghálsi. Ljóst er að biðin verður eitthvað lengri. Eftir
fréttum af því hvort þú sért kannski með krabbamein.
Þarna er síðan hópur sérhæfðs starfsfólks sem
starfaði við greiningar á leghálssýnum á Leitarstöð-
inni, fólk sem hefur aflað sér einstakrar þekkingar á
undanförnum árum, sem er að leita sér að vinnu því
sýnin eru á leið út fyrir landsteinana til greiningar.
Þetta hljómar ekki eins og sérlega skilvirkt kerfi, ekki
einu sinni þó heilbrigðisráðherra hafi sagt að mögu-
lega yrðu sýnin bara greind tímabundið erlendis.
Fastlega má reikna með því að sérhæfða starfsfólkið
verði komið með aðra vinnu ef og þegar greiningin
verður færð aftur til Íslands. Kaldar kveðjur til þessa
mikilvæga starfsfólks frá ríkisstjórninni.
Loks víkur sögunni að hópskimunum vegna krabba-
meins í ristli. Þetta verkefni hefur verið á dagskrá um
árabil og töluvert fé lagt til þess. Með þessari skimun
væri beinlínis hægt að koma í veg fyrir dauðsföll. Það
deyja fleiri úr ristilkrabbameini en úr brjóstakrabba-
meini. En þetta er alltaf á áætlun hjá hinu opinbera,
aldrei í framkvæmd.
Einn af hverjum þremur fær krabbamein einhvern
tímann á lífsleiðinni. Við hljótum að geta gert svo
miklu betur. n
Það hefði
óneitanlega
verið skemmti-
legra að bjóða
þessu fólki nýja
vinnu strax.
UPPÁHALDS
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Þorbjörg Marinósdóttir, tobba@dv.is
FRÉTTASTJÓRI: Erla Hlynsdóttir, erlahlyns@dv.is AUGLÝSINGAUMSJÓN: Sigurbjörn Richter,sigurbjorn@dv.is PRENTUN: Torg prentfélag DREIFING: Póstdreifing
DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds.
Öll viðtöl blaðsins eru hljóðrituð. Notkun á efni blaðsins er óheimil án samþykkis. DV, Kalkofnsvegi 2, 101 Reykjavík Sími: 550 7000.
Eva Kristjánsdóttir er 28
ára tveggja barna móðir úr
Reykjavík sem hefur verið
vegan í fimm ár. Hún er
dugleg að deila frá lífinu,
uppskriftum og vegan ráðum
á Instagram, @evakristjansd.
Hún deilir með okkur sætum
lista af uppáhalds vegan vör-
unum sínum, sem innihalda
enga pálmaolíu.
1 Kanelbullar
Frosnir kanilsnúðar frá Find-
us sem er gott að hita í ofni
eða í örbylgjuofni. Passið að
lesa innihaldslýsinguna þar
sem það eru aðrar týpur sem
innihalda mjólk.
2 Snúður með súkkulaði-
glassúr úr Bónus
Þessi snúður var keyptur
inn heima þegar ég var lítil
en svo komst ég að því fyrir
nokkrum árum að hann er
óvænt vegan!
3 Betty Crocker Devil mix
Mitt go to þegar ég vil styttri
leiðina fyrir afmæli. Í stað
olíu, vatns og eggja bætirðu
við 0,33 lítrum af sódavatni,
hrærir saman og fylgir leið-
beiningum varðandi bök-
unartíma, og þá ertu komin
með vegan köku!
4 Lay’s rautt
Klassískar flögur með salti.
Hefur lengi verið í uppáhaldi
hjá mér.
5 Suðusúkkulaði 54%
Klassíka súkkulaðið sem
flestir þekkja er vegan og
hentar vel í bakstur og flest
sætt.
VEGAN GÓÐGÆTI
2 EYJAN 22. JANÚAR 2021 DV