Dagblaðið Vísir - DV - 22.01.2021, Page 26

Það er alltaf
smá drasl
Y fir ellefu þúsund manns eru í Facebook-hópi þar sem fólk deilir myndum
af ýmiss konar óreiðu sem
finna má á venjulegum heim-
ilum. Hópurinn kallast Family
living – the true story – ICE-
LAND og á hann mun stærri
systurhóp í Svíþjóð, sem lista-
konan og feminíski aktívistinn
Lotta Sjöberg stofnaði.
„Mér þótti full ástæða til að
stofna hóp með sama tilgang
á Íslandi þar sem ég skynja
mikla pressu í garð kvenna
um hið fullkomna heimili,”
segir Elín Oddný Sigurðar-
dóttir sem stofnaði íslenska
hópinn. „Tilgangur síðunnar
er fyrst og fremst sá að sýna
hvernig getur oft litið út inni á
venjulegum heimilum á þeim
stundum sem ekki er venju-
lega deilt á samfélagsmiðlum.
Lífið er nefnilega alls konar
og alls ekki jafn fullkomið
og í heimi áhrifavalda á sam-
félagsmiðlum.
Það er mín einlæga trú,
að með því að deila slíkum
myndum getum við skapað
gagnmenningu gegn ríkjandi
óraunsæjum birtingarmynd-
um hinna fullkomnu heimila
og losnað undan því oki sem
því fylgir fyrir marga. Í
hópnum erum við aðallega að
sýna hvernig ástandið getur
stundum verið, það er alltaf
eitthvað smá drasl, allavega
oftast.
Viðbrögðin komu mér satt
best að segja á óvart, sérstak-
lega skilaboð frá oft buguðum
konum sem eru að ströggla
daginn út og inn. Það felst
styrkur í því að finna sam-
takamátinn, að við erum ekki
einar.“ n
Erla
Hlynsdóttir
erlahlyns@dv.is
Þúsundir deila opinskáum mynd-
um af eigin heimilum í vinsælum
Facebookhópi. Myndatextar þar
sem húmorinn fær að njóta sín
vekja sérstaka kátínu. ELÍN ODDNÝ SIGURÐARDÓTTIR
ÚTPÆLT GULT LITAÞEMA
Sniðug lausn fyrir svona opið hol, athugið að fleiri sam-
setningar eru mögulegar. Endilega prófa sig áfram.
HUGMYND FYRIR EINHLEYPA
Eitt það leiðinlegasta við að vera einhleyp er að hafa
engan að kúra með uppi í bóli. Bjó því til þennan fína
„þvottamann” á rúmhelmingnum sem var auður.
#ástinsigrarallt
NÚTÍMALEG VINNUAÐSTAÐA
Heimaskrifstofan þarf ekki að vera óþægileg eða
ósmekkleg. Vel má nýta vannýtt rými innan íbúðar til
að búa til hágæða og nútímalega vinnuaðstöðu.
NÝSTÁRLEGT GLUGGASKRAUT
Er alltaf á leiðinni að ganga frá spilunum, lagði frá mér
fægiskófluna að fara loksins í að ganga frá þeim en fór
óvart að gera eitthvað annað og gleymdi fægiskóflunni
sem bætist þá við verkefnalistann.
HÆTTUM AÐ VERA MEÐ SAMVISKUBIT
„Ég var alltaf að keppast við að reyna að hafa fínt og
flott eins og maður sér á mörgum Instagram-myndum,
sat í fatahrúgu í sófanum að horfa á Snapchat þar sem
allt var svo hreint og flott hjá öðrum og hugsaði: „Hvað
er eiginlega að mér að vera alltaf með svona drasl?“
segir Kristrún Úlfarsdóttir.
„Ég er sjálf að snappa (krissa4) og sýni þegar heimilið
er á öðrum endanum, ég var alltaf að afsaka draslið en
fékk svo boð í þennan Facebook-hóp.“
Hópurinn hefur algjörlega bjargað samviskubitinu mínu
og hreinlega geðheilsunni. Þarna sá ég bara svart á
hvítu að það má alveg vera með dót hér og þar, og vera
ekkert síðri mamma eða amma en þessi með fallega
heimilið.
Hættum að vera með samviskubit yfir því að komast
ekki í Hús og híbýli og höfum húmor fyrir sjálfum okkur.
ÞARNA TEKUR FÓLK NIÐUR GRÍMUNA
„Ég hef ekki orku í að hafa alltaf fínt og ég er ekkert
sérlega húsleg að eðlisfari, og þess vegna er þessi
hópur algjör lífsbjörg fyrir mig,“ segir Elva Dögg Haf-
berg Gunnarsdóttir.
„Að horfa yfir heimilið, sem er stundum næstum því
eins og eftir sprengjuárás, og vera á bömmer yfir
ástandinu, verður svo miklu auðveldara þegar maður
veit að maður er ekki eina manneskjan sem þarf að díla
við akkúrat þetta. Þarna tekur fólk grímuna niður, sýnir
raunverulegt ástand heimilisins og fær tækifæri til þess
að hlæja að sjálfu sér og öðrum án skammar. Fólk setur
inn myndir og fyndinn texta og þetta er einfaldlega afar
hressandi, að sjá hvernig flest okkar lifa og hvernig við
tæklum draslið í lífi okkar.“
HÓPURINN LÉTTIR FÓLKI LUND
„Ég játa að ég lít ekki á mig sem
heilagan stríðsmann í baráttu gegn
staðalímyndum Húsa og híbýla. Fyrir
mér snýst þetta bara um að hafa
bara smá húmor fyrir sjálfum sér,“
segir Pawel Bartoszek.
Ég held að hópurinn sé fyrst og
fremst mikilvægur fólki því hann
léttir fólki lund. Maður veit að maður
mun ekki rekast á færslur um sölu
Íslandsbanka, eða nýjan skort á
COVID-bóluefni. Ég hef orðið var við
fleiri svona hópa, þar sem fólk vill
ekki þras eða illindi. Bara að setja
eitthvað sniðugt og fá gleði á móti.
Ég sjálfur er ekki lengur neinn
svaðalegur draslari. Ég tek alveg
til og held heimilinu hreinu. En það
helst auðvitað aldrei lengi. En ég er
kannski í svona öfugri ímyndarvinnu
myndi frekar taka mynd af fatahrúgu
og setja inn heldur en að monta mig
af vel hreinsaðri spanhellu.
KRISTRÚN ÚLFARSDÓTTIRELVA DÖGG HAFBERG GUNNARSDÓTTIR
PAWEL BARTOSZEK
26 FÓKUS 22. JANÚAR 2021 DV