Fréttablaðið - 02.02.2021, Blaðsíða 4

ÞORL ÁK SHÖFN Brimbrettafélag
Íslands (BBFÍ) hefur sett af stað
undirskriftasöfnun til að mótmæla
fyrirhugaðri stækkun Sveitarfélags-
ins Ölfuss á hafnargarðinum í Þor-
lákshöfn.
Stækkun hafnarinnar í Þorláks-
höfn hefur verið á aðalskipulagi
bæjarins frá árinu 2010 en í lok
síðasta árs tryggði fjármögnun
ríkisins stækkun hafnarinnar og
nýtt deiliskipulag var samþykkt.
Heildarkostnaður framkvæmdanna
er um fjórir milljarðar króna. And-
mælaréttur vegna deiliskipulagsins
stendur til miðvikudags.
Brimbrettaiðkendur eru ekki
sáttir við breytinguna á deiliskipu-
laginu en þar mun hluti brimbretta-
svæðisins hverfa undir athafna-
svæði og nýja og stærri bryggju.
Steinarr Lár, formaður BBFÍ, segir
að fari framkvæmdin í gegn muni
einn vinsælasti og áreiðanlegasti
brimbrettastaður á Íslandi eyði-
leggjast. „Um ræðir mjög einstaka
náttúruperlu. Þeir sem stunda ekki
brimbretti átta sig kannski ekki á
hvað það er fágætt að sjór og alda
hagi sér eins og það gerir í Þorláks-
höfn. Við fundum þennan stað fyrir
25 árum og hér er íþróttin. Þetta er
eini staðurinn sem við höfum á
Íslandi til þess að iðka þessa íþrótt,“
segir Steinarr.
Elliði Vignisson, bæjarstjóri
Ölfuss, segist ekki geta svarað því
hvort þær áhyggjur sem hafi verið
viðraðar verði grundvöllur ein-
hverra breytinga. „Við sýnum þess-
um sjónarmiðum fulla virðingu og
förum yfir stöðu mála með þeim.
Þetta er hins vegar áratugaþróun
hafnarinnar og fjárfestingar upp á
vel fjóra milljarða og þetta er full-
fjármagnað,“ segir Elliði.
Hann bætir því við að horft sé til
umhverfissjónarmiða í öllum þeim
framkvæmdum sem sveitarfélagið
standi fyrir. – uö
Framkvæmdir í Þorlákshöfn ógni besta brimbrettastað á Íslandi
Meira á frettabladid.is
Þeir sem stunda
ekki brimbretti átta
sig kannski ekki á hvað það
er fágætt að sjór og alda hagi
sér eins og það
gerir í Þor-
lákshöfn.
Steinarr Lár, for-
maður BBFÍ
SAMGÖNGUR Vegagerðin mun í dag
kynna stórauknar kröfur og hertar
reglur til verktaka og eftirlitsaðila
með framkvæmdum þar sem lögð
eru út malbik og klæðing.
Gerðar verða ýmsar nýjar kröfur
og aðrar auknar til að tryggja að ekki
skapist aðstæður að lokinni fram-
kvæmd sem geta reynst hættulegar
vegfarendum.
Samkvæmt tilkynningu er til-
efnið banaslys sem varð á Kjalarnesi
í sumar þar sem tveir bifhjólamenn
létust en nýlagt malbikið var svo hált
að yfirlögregluþjónn lýsti slysstað
sem skautasvelli. Stjórn Sniglanna
lýsti yfir vantrausti á Vegagerðina í
haust og forstjóra hennar, Bergþóru
Þorkelsdóttur, eftir að fréttaskýr-
ingaþátturinn Kveikur fjallaði um
aðdraganda slyssins og vegakerfið í
heild sinni.
Alþingi fól ríkisendurskoðanda að
gera úttekt á starfsemi Vegagerðar-
innar um miðjan janúar. Þar verður
gerð fjárhags- og stjórnsýsluúttekt
og metnir þættir sem snúa að stjórn-
sýslu og stjórnun Vegagerðarinnar,
meðferð almannafjár og ráðstöfun
til vegaframkvæmda, öryggi vegfar-
enda á þjóðvegum landsins og eftirlit
með vegaframkvæmdum. – bb
Vegagerðin gerir
meiri kröfur til
verktaka sinna
Yfirlögregluþjónn lýsti slysstað sem
skautasvelli. FRÉTTABLAÐIÐ/ANTON
Ríkisendurskoðandi
vinnur nú að úttekt á
Vegagerðinni.
DÓMSMÁL Sigurjón Þ. Árnason, fyrr-
verandi bankastjóri Landsbankans,
og Sigríður Elín Sigfúsdóttir, fyrrver-
andi framkvæmdastjóri fyrirtækja-
sviðs bankans, gáfu bæði skýrslur
við aðalmeðferð Ímon-málsins svo-
kallaða í Hæstarétti í gær.
Þau gáfu síðast skýrslu í sama máli
í héraði árið 2014 og voru í kjölfarið
sýknuð af ákærum fyrir markaðs-
misnotkun. Þau voru hins vegar sak-
felld í Hæstarétti ári síðar en málið
hefur nú verið endurupptekið auk
annars máls Sigurjóns.
Þetta er í annað skiptið í sögu rétt-
arins sem sönnunarfærsla með aðila-
og vitnaskýrslum fer fram í Hæsta-
rétti. Ástæðan eru áfellisdómar og
gagnrýni frá Mannréttindadómstól
Evrópu um að Hæstiréttur hafi snúið
sýknudómum í héraði við og sakfellt
án þess að fram færi bein sönnunar-
færsla fyrir réttinum.
Sigurjón lýsti því fyrir rétti í gær
að í kjölfar dóms Hæstaréttar hefði
hann farið að afla gagna til að fá
málið endurupptekið. Hann lauk
þeirri gagnaöflun haustið 2016 en í
desember sama ár hefði svo komið
í ljós að dómarar sem dæmdu mál
þeirra í Hæstarétti hefðu verið van-
hæfir í málinu.
„Það er bara viðbót sem kom upp
í hendurnar á okkur. Við sóttum
um endurupptöku byggt á öllum
þessum gögnum sem hér eru til
meðferðar en áttum aldrei von á að
hitt kæmi. Sem voru í mínum huga
eiginlega vonbrigði því þá fóru allir
að horfa bara á það en ekki gögnin
í málinu,“ sagði Sigurjón en mál
þeirra Sigríðar Elínar eru endur-
upptekin á grundvelli hlutafjár-
eignar dómara í Landsbankanum
fyrir hrun og hefur Mannréttinda-
dómstóll Evrópu einnig kveðið upp
áfellisdóm yfir ríkinu á þeim grund-
velli í máli Elínar.
Sigurjón dvaldi þó lengst við
umgjörð um lánamál í Landsbank-
anum.
„Þegar Björgúlfarnir, eða Samson,
keyptu bankann hafði fjármálaeft-
irlitið áhyggjur af því að þeir myndu
skipta sér of mikið af lánamálum
og án efa skynsamlegt hjá þeim. […]
Þess vegna er það þannig að í Lands-
bankanum var ekki nein lánanefnd
stjórnar, sem æðsta lánavald eins
og var í f lestum bönkum,“ sagði
Sigurjón. Farið hefði verið eftir sér-
stökum lánareglum sömdum og
samþykktum af bankastjórunum
en mál sem fóru út fyrir þær þurfti
að afgreiða á lánanefndarfundum
eða milli slíkra funda. Ímon-málið
hefði verið áþekkt fjölda slíkra mála
og fyrrnefndri gagnaöflun ekki síst
ætlað að varpa ljósi á það.
Skýrsla Sigurjóns tók rúmar þrjár
klukkustundir. „Ég biðst afsökunar
á hvað ég tala mikið, mér er bara
svo mikið niðri fyrir. Þetta er búið
að liggja svo þungt á mér,“ sagði
Sigurjón þegar hann steig úr vitna-
stúkunni.
Skýrsla  Elínar  tók um það bil
klukkustund. Hún sagði auðvelt að
reiðast yfir því hve lítill vilji hefði
verið til þess að hlusta á og skoða
málsvarnir þeirra á sínum tíma og
hve málið hefði verið slitið úr sam-
hengi. Það væri enginn fótur fyrir
því að hvatinn að baki lánveiting-
unni hefði verið að gefa ranga mynd
af verði á hlutabréfum bankans. 
Elín sagðist einnig hafa fundið
fyrir sjálfsásökun yfir því að hafa
ekki náð að koma sínu máli nógu vel
til skila á sínum tíma. „Í kjölfarið sat
ég í fangelsi, dvaldi á áfangaheimil-
inu Vernd og gekk með ökklaband,“
sagði Elín.
Munnlegur málf lutningur fer
fram í málinu á fimmtudaginn.
adalheidur@frettabladid.is
Gáfu skýrslu á ný eftir sjö ár
Dómfelldu lýstu bæði þungum tilfinningum við meðferð endurupptekinna markaðsmisnotkunarmála
Landsbankans sem hófst í gær. Þetta er í annað skipti í sögunni sem skýrslutökur fara fram í Hæstarétti.
Fimm dómarar dæma málið, þar af þrír settir sérstaklega fyrir þetta mál, en skýrslutökur fóru fram í húsnæði
Héraðsdóms Reykjavíkur, þar sem upptökukerfi Héraðsdóms er betra en í Hæstarétti. FRÉTTABLAÐIÐ/VALLI
ÞJÓNUSTUVERKSTÆÐI, VARA- OG AUKAHLUTAVERSLUN
Pallbílahús frá ARE á alla USA pallbíla
Varahlutaverslun ÍSBAND býður upp á gott úrval vara- og aukahluta og
íhluta til breytinga. Allir helstu varahlutir í okkar vörumerkjum eru til á
lager. Sérpöntum varahluti í aðra USA bíla.
Úrval af felgum fyrir
Jeep® og RAM
Upphækkunarsett
í Wrangler
Upphækkunarsett
í RAM
Falcon demparar
ÍSLENSK-BANDARÍSKA EHF • VERKSTÆÐI OG VARAHLUTAVERSLUN • SMIÐSHÖFÐA 5 • 110 REYKJAVÍK
SÍMI 590 2323 • THJONUSTA@ISBAND.IS • WWW.ISBAND.IS • OPIÐ VIRKA DAGA 07:45 - 18:00 • OPIÐ FÖSTUDAGA 07:45 - 17:00
ALMENNT BÍLAVERKSTÆÐI OG
SMURÞJÓNUSTA FYRIR ALLA BÍLA
ALLIR VINNA - ENDURGREIÐSLA VSK.
FIAT HÚSBÍLAR - ÁBYRGÐAR OG
ÞJÓNUSTUVERKSTÆÐI
BREYTINGAR Á JEEP®, RAM
OG ÖÐRUM USA PALLBÍLUM
ALLIR BÍLAR SÓTTHREINSAÐIR
STUTTUR BIÐTÍMI SÍMI 590 2323
UMBOÐSAÐILI
2 . F E B R Ú A R 2 0 2 1 Þ R I Ð J U D A G U R4 F R É T T I R ∙ F R É T T A B L A Ð I Ð