Fréttablaðið - 02.02.2021, Side 8

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Björk
Eiðsdóttir
bjork@frettabladid.is

Að stöðva
nú loks
birtingu
myndbands,
sem hann
sjálfur stóð
fyrir án þess
að kanna
sannleiks-
gildi þeirra
aðdróttana
sem þar
birtust, er
ekki stór-
mannlegt
útspil hjá
Bolla
Kristins-
syni.

Allir voru
sammála um
þetta góða
markmið.
Vandinn er sá
að þetta góða
markmið
hefur ekki
náðst.
ára
Hatursorðræða hefur verið töluvert í umræðunni undanfarin misseri og þó að merking orðsins liggi svolítið í þess hljóðan, er lagaleg skilgreining þess sú að um sé að ræða orðræðu sem hvetji til ofbeldis eða saknæms athæfis gegn
einstaklingi eða hópi sem nýtur verndar laganna.
Fyrrverandi forseti Bandaríkjanna, Donald Trump,
situr nú undir ákæru fyrir að egna stuðningsmenn sína
til árásar á þinghús Bandaríkjamanna. Í beinu fram-
haldi af þeirri árás lokaði samfélagsmiðillinn Twitter á
aðgang forsetans fyrrverandi vegna aukinnar hættu á
að hann væri notaður til að kynda undir ofbeldi.
Lögreglan á höfuðborgarsvæðinu hefur nú til rann-
sóknar skotárás á bifreið Dags. B. Eggertssonar, borgar-
stjóra Reykjavíkur, við heimili hans í miðbænum.
Dagur sem setið hefur sem borgarstjóri frá árinu
2014 hefur þurft að þola óvægna gagnrýni á störf sín
og persónu á þeim tíma en segja má að baráttan um
miðbæinn hafi verið blóðugri en efni hafi staðið til. Þar
fer fremst hópur sem kallar sig Björgum miðbænum
sem birti myndband þar sem Óðinstorg og heimili
borgarstjóra, þar við, er gert að aðalatriði.
Það er borgarfulltrúinn Vigdís Hauksdóttir sem les
undir myndbandinu ásakanir hópsins á hendur Degi,
um valdníðslu, skuldasöfnun og bruðl, en Bolli Krist-
insson, fyrrverandi verslunarmaður við Laugaveg og
einn þeirra sem hæst hafa haft vegna málefna Mið-
bæjarins, er einn forsvarsmanna hópsins.
Þegar leitað var til forsvarsmanna hópsins undir
lok síðasta árs stóðu þeir við þær ásakanir sem fram
koma í myndbandinu en borgarstjóri hafði þó hrakið
efnislega. En nú, þegar myndbandið hefur verið harð-
lega gagnrýnt sem vopn í hatursorðræðu og fjöldi fólks
hefur tíundað áhyggjur sínar af því að myndbandið
gæti hafa leitt til téðrar skotárásar á einkabíl borgar-
stjóra, var það loks tekið niður.
Var það gert með þeim orðum Bolla Kristinssonar að
hann harmaði eina rangfærslu sem þar hefði birst. Efni
þeirrar rangfærslu sannreyndi Bolli ekki fyrir birtingu
en segist hafa fengið heimildir í gegnum síma og verið
tjáð að þær væru áreiðanlegar.
Nú þegar hver sá sem býr yfir sæmilegri nettengingu
getur haldið uppi efnisveitu á veraldarvefnum er næsta
ómögulegt að hafa taumhald á umræðunni. Einhverjir
kenna athugasemdakerfum fjölmiðla um aukna hörku,
en þar grasserar á tíðum vægast sagt ómálefnaleg
umræða og vilja að slökkt sá á því. En er það lausnin, að
takmarka frelsið til skoðanaskipta? Þurfum við ekki
frekar að sjá til þess að þeir, sem birta rangfærslur ofan
í rangfærslur að hætti Trumps, axli ábyrgð á þeim?
Að stöðva nú loks birtingu myndbands, sem hann
sjálfur stóð fyrir án þess að kanna sannleiksgildi þeirra
aðdróttana sem þar birtust, er ekki stórmannlegt
útspil hjá Bolla Kristinssyni. Orðum fylgja ábyrgð og
þeim sem gerast sekir um hatursfulla orðræðu skyldi
gert að svara fyrir hana. Ríkislögreglustjóri hefur látið
hafa eftir sér að slík slóð sé könnuð við rannsóknir
glæpa og er það vel.
Enda eru orð til alls fyrst.
Trump er víða
Hreint loft skiptir okkur öll máli. Hrein borg. Svifryk hefur ítrekað farið yfir heilsuvernd-armörk, en talið er að fjölmörg ótímabær
dauðsföll eigi sér stað vegna þess. Umhverfisstofn-
un Evrópu telur að allt að 60 dauðsföll megi rekja
til svifryks hér á landi. Einmitt þess vegna lögðum
við til og fengum samþykkt 4. september 2018 að
svifryk færi ekki yfir heilsuverndarmörk. Allir
voru sammála um þetta góða markmið. Vandinn
er sá að þetta góða markmið hefur ekki náðst.
Farið yfir strikið
Endurskoðuð viðbragðsáætlun borgarinnar um
loftgæði, hefur ekki tryggt að þessum markmiðum
borgarstjórnar hafi verið náð heldur þvert á móti
hefur magn svifryks í Reykjavík ítrekað farið yfir
heilsuverndarmörk, að minnsta kosti 25 sinnum
eftir einróma samþykkt borgarstjórnar frá 2018.
Þetta staðfesta tölur frá Heilbrigðiseftirliti Reykja-
víkur.
Svifrykið burt
Við leggjum til í borgarstjórn að farið verði í
aðgerðir. Í fyrsta lagi er lagt til að auka þrif á götum
borgarinnar. Sem dæmi má nefna að miðborg
Oslóar er þrifin sjö sinnum viku á meðan miðborg
Reykjavíkur er þrifin tvisvar til þrisvar í viku.
Stofnbrautir þrifnar 24 sinnum á ári í Osló á meðan
í Reykjavík eru þær þrifnar tvisvar til þrisvar á
ári. Í öðru lagi leggjum við til bættan viðbragðs-
tíma snjómoksturs þá sérstaklega í efri byggðum.
Í þriðja lagi er lagt til að þeir sem ekki notast við
nagladekk fái afslátt af stöðugjöldum í gjald-
skyldum stæðum borgarinnar, þannig að þeir sem
eru á nagladekkjum greiði meira en þeir sem eru
naglalausir. Þessar þrjár aðgerðir eru hófstilltar og
algjörlega á forræði borgarinnar sjálfrar. Það er því
einboðið að borgarstjórn standi jafn einhuga að
þessum framförum eins og því meginmarkmiði að
svifryk fari ekki yfir viðmiðunarmörk í borginni.
Er ekki kominn tími til?
Bætum loftið í borginni
Eyþór Arnalds
oddviti Sjálf-
stæðisflokksins
í Reykjavík
Dagur og Gagnamagnið
Íslendingum hefur fjölgað um
einn Damon Albarn. Eru allir
ánægðir með að það hafi verið
hann en ekki Gallagher-bróðir.
Það sem helst hefur velkst fyrir
fólki er hvaða f lokkatenging
hafi komið honum í gegn. Þótt
hann sé úr austurhluta Lundúna
er hann of ríkur til að vera mikill
vinstrimaður, hann er þó fylgj-
andi ESB og á móti stríðsrekstri.
Er það þó ekki Framsókn því
slíkt þekkist ekki í siðmennt-
uðum löndum. Mannanafna-
nefnd tók hann fyrir og heitir
hann nú Dagur Aldan Ketilsson.
Það er þó klausa í ríkisborgara-
réttinum; að taka þátt í Eurovisi-
on fyrir okkar hönd.
Senjorítudúkkur og saxbauti
Í nýju frumvarpi fjármálaráð-
herra er ráðgert að tollverðir
fái auknar heimildir til að fara
í gegnum farangur ferðalanga í
því skyni að takmarka hryðju-
verkaógn. En heimildin á að
gilda fyrir hvort tveggja þá sem
koma til landsins og fara frá því.
Verður heimilt að gramsa eftir
senjorítudúkkum og míníat-
úrum með göróttum vökva frá
Magalúff, allt til að koma í veg
fyrir að hryðjuverk verði framin
á arinhillum og fráleggsborðum
landsmanna. Þá verður einnig
hægt að tryggja að hangilæri
og saxbauti í dós frá KEA verði
ekki f lutt á annað menningar-
svæði þar sem enginn kann að
meta þetta hnossgæti.
2 . F E B R Ú A R 2 0 2 1 Þ R I Ð J U D A G U R8 S K O Ð U N ∙ F R É T T A B L A Ð I Ð
SKOÐUN