Fréttablaðið - 02.02.2021, Blaðsíða 16

Tesla hefur tekið eftir sam-
keppninni sem er að verða á raf-
bílamarkaði og lætur nú hendur
standa fram úr ermum. Komnar
eru endurbættar útgáfur Model S
og X bílanna með nýrri innrétt-
ingu og meira afli.
njall@frettabladid.is
Tesla kynnti á dögunum nýjar
útgáfur Model S og X bílanna auk
þess sem að Plaid-útgáfur þeirra eru
nú komnar á sölulista. Þótt hægt
sé að panta þessar útgáfur núna
er ekki líklegt að við sjáum þær á
götunum fyrr en á næsta ári.
Mesta breytingin á bílunum er
innandyra en Model S fær meðal
annars nýtt mælaborð og endur-
hannaðan upplýsingaskjá ásamt
fjórum þráðlausum farsíma-
hleðslum. Aftursætisfarþegar fá
einnig sinn eigin upplýsingaskjá.
Mesta sjónræna breytingin er
þó án efa ferhyrningslaga stýrið
sem minnir meira á stjórntæki úr
flugvél. Er stýrið eins og ferningur
með tveimur pílárum sem inni-
halda takkaborð báðum megin,
en búið er að taka efri hluta þess í
burtu. Fyrir vikið verður útsýnið
betra, sérstaklega á mælaborðið.
Yfir 1.000 hestöfl í Plaid útgáfu
Tesla Model S verður nú bara í
tveimur útgáfum, Long Range
eða Plaid. Í Long Range útgáfunni
á bíllinn að hafa 663 km drægi
samkvæmt EPA-staðlinum. Í Plaid-
útgáfunni er drægið aðeins minna
eða 628 km. Long Range útgáfan
er áfram með tvo rafmótora sem
skila samtals 661 hestafli en Plaid
útgáfan er með þrjá sem eiga að
skila 1.006 hestöflum og upptaki
upp á aðeins 1,9 sekúndur í hund-
raðið. Hámarkshraði verður 322 km
á klst. Því til viðbótar verður hægt
að fá Plaid+ útgáfu með meira drægi
sem keppa á við Porsche Taycan.
Plaid+ á að komast 837 km á einni
hleðslu sem er 350 km betra en hjá
þeim þýska. Verðið á Model S er
11.320.000 kr. samkvæmt heima-
síðu Tesla en Plaid-útgáfan kostar
frá 15.160.000 kr. Öll verðin eru án
virðisaukaskatts.
Tesla Model S og X fá
andlitslyftingu og meira afl
Að utan eru breytingarnar litlar og miðast helst við endurhannaðan fram-
stuðara og nýjar álfelgur.
Talsverð breyting er á mælaborði og nýtt ferkantað stýri grípur augað.
Meiri breyting er á Plaid-útgáfunni en hún fær stærri brettakanta og endur-
hannað loftflæði á undirvagni, auk breiðari hjólabúnaðar.
Umsjón blaðsins
Njáll Gunnlaugsson
njall@frettabladid.is
Auglýsingar: Ruth Bergsdóttir, ruth@frettabladid.is, s. 694 4103
Útgáfufélag: Torg ehf. | Kalkofnsvegur 2 | 101 Reykjavík | Sími 550 5000
Bílablaðið
Renault hefur tilkynnt að árið
2025 verði sjö nýir rafbílar komnir
frá merkinu á markað. Einn þeirra
verður endurgerð útgáfa hins vin-
sæla Renault 5 smábíls, en Renault
hefur látið frá sér myndir af til-
raunaútgáfu hans.
Bíllinn kallast Renault 5
Prototype og mun eflaust keppa
við bíla eins og Mini Electric
og Honda e. Einnig er þó von á
öðrum smábíl sem kallaður er
Renault 4 fyrir 2025. Aðeins tók
sex mánuði að hanna frumgerð-
ina sem sækir útlit sitt að miklu
leyti til Renault R5. Auðvitað eru
ljósabúnaður og felgur nýtísku-
legri en línur bílsins fylgja gamla
bílnum í meginatriðum. Yfir-
hönnuður Renault 5 Prototype
er Gilles Vidal sem Renault réð til
sín frá Peugeot, en hann hannaði
áður E-Legend tilraunabílinn sem
var með svipaðar áherslur.
Bíllinn verður fimm manna og
verða handföng hurða felld inn
í yfirbygginguna. Engar myndir
hafa verið birtar af innréttingu
bílsins en sjá má framrúðuskjá á
myndinni. Þegar bíllinn kemur á
markað mun hann nota CMF-B
undirvagninn sem er sá sami og
undir nýjum Renault Zoe. Sá bíll
er með 50 kWst rafhlöðu, 132
hestafla rafmótor og um 400 km
drægi.
Renault 5 snýr aftur sem rafbíll
Það er óhætt að segja að útlitið minni mjög á Renault R5 sem var vinsæll
kringum 1980.
Smábílaframleiðandinn Smart
hefur tilkynnt að von sé á fyrsta
smájepplingi merkisins árið 2022.
Bíllinn mun koma á nýjum,
breytanlegum rafundirvagni sem
þróaður hefur verið af kínverska
framleiðandanum Geely. Þetta
er fyrsta tilkynningin frá Smart
síðan Daimler fór í samstarf
við Geely, sem meðal annars á
Volvo-merkið, snemma árs 2020.
Til stóð að Smart myndi fram-
leiða nokkurs konar smájeppling
árið 2005 sem hét ForMore en sá
bíll var lagður á hilluna áður en
hann fór í framleiðslu. Nýi bíllinn
verður fjögurra manna líkt og
ForFour-bíllinn en ívið stærri, en
hann verður hannaður af Merc-
edes en smíðaður í verksmiðju
Geely í Kína.
Samkvæmt sölustjóra Smart,
Daniel Lescow, er stefnan sett á að
bjóða bílinn í Evrópu og að bíllinn
fái fimm stjörnur í árekstrarprófi
EuroNCAP.
Smart með smájeppling á næsta ári
Bíllinn líkst að einhverju leyti öðrum bílum Smart en er stærri og verður
100% rafdrifinn. MYND/AVARVARII
Toyota Motor Corp tók fram úr
Volkswagen Group í sölu bíla árið
2020 og er nú mest selda bílamerki
heimsins. Þetta er í fyrsta skipti í
fimm ár sem merkið nær þessum
árangri en COVID-19 heims-
faraldurinn bitnaði harðar á þýska
framleiðandanum.
Hjá Toyota féll sala um 11,3%
niður í 9,5 milljónir ökutækja á
meðan sala minnkaði um 15,2%
hjá Volkswagen niður í 9,3 millj-
ónir ökutækja. Þakkar Toyota það
að hluta því að heimsfaraldurinn
hefur ekki bitnað eins hart á
austurhluta Asíu þar sem merkið
er mjög sterkt.
Toyota mest selda
merkið 2020
Lexus áætlar að frumsýna nýjan
tilraunabíl í vor en hann mun
marka upphaf nýs útlits hjá merk-
inu. Bíllinn hefur ekki fegnið nafn
ennþá en að sögn Koji Sato, for-
stjóra Lexus, mun tilraunabíllinn
sýna hvernig næsta kynslóð Lexus
mun líta út í framtíðinni. Myndin
sýnir aðeins afturenda bíls sem er
með lágu þaki sem er skipt í miðju
með eins konar uggalaga formi.
Neðri hluti bílsins og stuðari hans
er mun breiðari en efri hlutinn og
sjá má Lexus-merkið með nýrri
stafagerð. Þó að bíllinn sjáist ekki
vel er þó hægt að sjá að þetta er
ekki sá rafdrifni jepplingsbíll
sem Toyota var búið að nefna að
væri væntanlegur á árinu. Þar
sem við sjáum ekki framendann
verður við að bíða og sjá hvort hið
áberandi, trapísulaga grill Lexus
verði áfram í notkun eða ekki. Til
stóð að bíllinn yrði frumsýndur
á bílasýningunni í Genf í mars en
þar sem henni hefur verið frestað
annað árið í röð, verður bíllinn
líklega frumsýndur á sérstakri
kynningu á netinu nálægt þeirri
dagsetningu. Sato hefur sagt að
Lexus muni kynna nýjan fram-
leiðslubíl á árinu en ekki er vitað
hvort sá bíll verður beint framhald
af þessum tilraunabíl eða ekki.
Lexus frumkynnir nýtt útlit bíla sinna
Tilraunabíll
Lexus mun
kynna nýja kyn-
slóð merkisins
til sögunnar.
2. febrúar 2021 ÞRIÐJUDAGUR2 BÍLABLAÐIÐ