Fréttablaðið - 02.02.2021, Síða 20

Rúmtak: 2.755 rsm
Hestöfl: 204
Tog: 500 Nm
Hröðun 0-100 km: 10,7 sek.
Hámarkshraði: 175 km
Eyðsla bl.ak.: 9,4 l/100 km WLTP
CO2 bl.ak.: 245 g/km WLTP
L/B/H: 5.325/1.900/1.815 mm
Hjólhaf: 3.085 mm
Veghæð: 310 mm
Dráttargeta: 3.500 kg
Vaðhæð: 700 mm
Toyota Hilux 10.490.000 kr.
KOSTIR
n Aflmikill
n Betri fjöðrun
GALLAR
n Verð
n Staðsetning rofa
fyrir sætishita
Njáll
Gunnlaugsson
njall
@frettabladid.is
Reynsluakstur
Síðan fyrsti Hiluxinn kom á
markað fyrir meira en hálfri
öld hefur merkinu tekist að
selja meira en 18 milljón stykki
af honum. Það er alveg með
ólíkindum hvað þessi bíll hefur
verið vinsæll gegnum tíðina
eins mikill tréhestur og hann er
en hluti af vinsældum hans er
eflaust hversu ódrepandi hann
er. Undirritaður þekkir það vel
á eigin skinni enda átt slíkan bíl
sem notaður var mikið.
Með mikilli samkeppni á pallbíla-
markaði á undanförnum árum, þar
sem hver framleiðandinn af öðrum
kepptist við að koma frá sér vel
búnum pallbíl, hefur markaðshlut-
deild Hilux minnkað hlutfallslega.
Toyota ákvað að bregðast við
með nýrri og aflmeiri vél ásamt
endurbótum á fjöðrunarkerfi
bílsins. Auk þess fékk bíllinn veg-
lega andlitslyftingu sem gerir hann
ansi verklegan að sjá. Fréttablaðið
fékk bílinn til prófunar snemma í
janúar og auðvitað var ekki hægt
að sleppa því að jeppast aðeins á
honum.
Sneggri af stað
Það sem allir Hilux-eigendur
munu taka eftir er munurinn
á afli nýja bílsins enda er hann
næstum þremur sekúndum fljótari
í hundraðið en bíllinn með 2,4 lítra
vélinni.
Vélin er nú 2,8 lítrar og skilar 201
hestafli sem er bæting um rúm 50
hestöfl. Auk þess er sex þrepa sjálf-
skiptingin búin að fá endurstill-
ingu sem hentar vélinni og aflsviði
hennar mjög vel.
Það var þó ekki það eina sem
Toyota endurbætti í nýja bílnum
því kaupendur hafa krafist æ meiri
búnaðar í pallbílum nútímans.
Meðal búnaðar í Invincible-
útgáfunni má nefna rafstýrð leður-
sæti, díóðuljós, bakkmyndavél,
blátannarbúnað og alvöru hljóm-
kerfi.
Mýkri fjöðrun
Óhætt er að segja að fjöðrunin
hefur fengið yfirhalningu svo um
munar. Þó að blaðfjaðrir séu enn þá
til staðar finnst vel að hann er ekki
eins hastur að aftan og áður enda
fjaðrirnar núna 6% lengri.
Manni líður ekki lengur eins og
það sé verið að hrista mann eins
og spreybrúsa þegar ekið er yfir
ójöfnur. Auk þess er hann ekki að
leggjast eins mikið í beygjurnar
eins og áður. Það má samt ekki
skilja það sem svo að hann sé
eitthvað sportlegur í akstri, síður
en svo, en hann hagar sér allavega
ekki lengur eins og gormahestur á
leikvelli. Þegar kemur hins vegar
að akstri í alvöru torfærum er
fjöðrunin mun betri en áður og þá
sérstaklega að aftan.
Þrátt fyrir breytingar á fjöðrun
eru engar breytingar á flutnings-
eða toggetu Hilux, en hann dregur
áfram 3,5 tonn og tekur meira en
tonn á pallinn.
Aflbreyting til batnaðar
Toyota Hilux er á heimavelli á grófari vegarslóðum. MYNDIR/TRYGGVI ÞORMÓÐSSON
Þrátt fyrir mýkri
fjöðrun leggst
hann ekki eins
mikið í beygj-
urnar hvort sem
er á malbiki eða
möl.
Grunnverð:
2. febrúar 2021 ÞRIÐJUDAGUR6 BÍLABLAÐIÐ