Fréttablaðið - 02.02.2021, Side 9

Mið. 3. febrúar
kl 13:00-14.30
www.samorka.is
Dagskrá:
Einkenni kórónukreppunnar
Anna Hrefna Ingimundardóttir, forstöðumaður efnahagssviðs SA
Lykillinn að grænni endurreisn
Páll Erland, framkvæmdastjóri Samorku
Pallborðsumræður:
Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra
Halldór Benjamín Þorbergsson, framkvæmdastjóri Samtaka atvinnulífsins
og Kristín Linda Árnadóttir, aðstoðarforstjóri Landsvirkjunar
Á fundinum koma einnig fram:
Berglind Rán Ólafsdóttir, framkvæmdastýra Orku náttúrunnar
Bjarnheiður Hallsdóttir, formaður Samtaka ferðaþjónustunnar
Guðlaugur Þór Þórðarson, utanríkis- og þróunarsamvinnuráðherra
Guðmundur Ingi Ásmundsson, forstjóri Landsnets
Hildur Ingvarsdóttir, skólameistari Tækniskóla Íslands
Sigurður Hannesson, framkvæmdastjóri Samtaka iðnaðarins
Sigurður Markússon, nýsköpunarstjóri hjá Landsvirkjun
Tómas Már Sigurðsson, forstjóri HS Orku
Fundarstjóri:
Lovísa Árnadóttir, upplýsingafulltrúi Samorku
Náttúra heimsins heyir um þessar mundir örvænting-arfullt varnarstríð. Mann-
skepnan herjar á hana sem aldrei
fyrr. Skógum er eytt, mýrar þurrk-
aðar, gróandi náttúra og villt dýra-
líf víkur fyrir mannabústöðum,
umferðarmannvirkjum og iðnaðar-
starfsemi. Allt skal víkja fyrir hvers
konar manngerðri athafnasemi.
Losun gróðurhúsalofttegunda út í
andrúmsloftið kemur vanabundnu
gangverki náttúrunnar úr skorðum.
Of hitun hnatthjúpsins, bráðnun
heimskautanna, tíðir fellibyljir,
of þurrkun landa og margs konar
öfgar í veðurfari. Er náttúran að
svara fyrir sig ? Sumir gera því skóna
að jafnvel megi rekja hnattrænan
veirufaraldur til viðbragða náttúr-
unnar. Yfir mannkyninu vofir lofts-
lagsvá sem umbylta mun lífi á jörðu.
Við Íslendingar erum engin und-
antekning frá hernaðinum gegn
náttúrunni. Við höfum að ýmsu
leyti gengið lengra en margar aðrar
þjóðir. Uppblástur hálendisins,
illa farin gróðurlönd, framræsla
mýrlendis umfram ýtrustu þarfir
búvöruframleiðsla og í seinni tíð,
ágangur ferðafólks eru dæmi um það
sem veldur aukningu á losun gróður-
húsategunda hérlendis.
Á degi votlendisins 2. febrúar,
verðum við að heita landinu okkar
bót og betrun og fylgja heitinu
eftir með aðgerðum. Margar fagrar
hátíðaryfirlýsingar hafa verið gefn-
ar. Raunhæfum aðgerðum hefur
þó sífellt verið ýtt aftar á forgangs-
lista stjórnmálamanna. Þeir álíta,
eflaust réttilega, að atkvæðin ráðist
af öðru en endurreisn vistkerfa eða
stöðvun gróðurhúsalofttegunda.
Votlendissjóðurinn hefur það mark-
mið að draga úr losun gróðurhúsa-
lofttegunda úr framræstu landi. Af
nægu er að taka. Sjóðurinn er hvorki
hagnaðardrifinn né ríkisrekinn. Við
ætlum að endurheimta vistkerfi og
vatnsbúskap mýranna. Vatnið er
lífsgjöf allra lifandi vera. Mýrarnar
eru lungu landsins (HKL). Lifandi
vatnið hefur verið sett í skurði og því
þannig bægt frá að vernda gróður og
binda koldíoxíð. Það þarf að endur-
heimta vatnsbúskap mýranna.
Endurheimt votlendis er árang-
ursríkasta framlag okkar til að
draga úr losun gróðurhúsaloft-
tegunda á Íslandi. Hvort það tekst,
er ekki hvað síst undir því komið að
samvinna takist milli landeigenda
og Votlendissjóðs um endurheimt
votlendis á landsvæðum sem ekki
nýtast til búvöruframleiðslu. Endur-
heimtin er þegar hafin, en betur má
ef duga skal. Mikið er í húfi að allir
leggi sitt af mörkum. Sameiginlega
verðum við að draga verulega úr
losun gróðurhúsalofttegunda úr
framræstum mýrum á Íslandi. Það
tekst ekki nema með nánu samstarfi
um verkefnið og samhug um mark-
miðið.
Dagur
votlendisins
Þröstur
Ólafsson
formaður
stjórnar
Votlendissjóðs
Alþjóðlegur dagur votlendis er í dag 2. febrúar og hann er nýttur til að vekja athygli á
stöðu votlendis í heiminum og um
leið ákall um endurheimt og mikil-
vægi endurheimtar í baráttunni við
hlýnun jarðar og eflingu vistkerfa. Í
upphafi þessa árs tileinkuðu Sam-
einuðu þjóðirnar þennan áratug
endurheimt vistkerfa. Á Íslandi eru
tækifærin í votlendinu gríðarleg.
Með endurheimt votlendis er
ekki bara lagður gríðarlegur ábati
inn í baráttuna við hlýnun jarðar.
Um leið erum við að forða landi frá
fúnun, geyma verðmætt koldíoxíð í
jarðvegi þar sem það nýtist og síðast
en ekki síst efla náttúrulegt lífríki.
Votlendissjóðurinn var stofn-
aður fyrir tveimur og hálfu ári.
Haustið 2019 hófst endurheimtin
af fullum krafti og í lok árs 2020
hafði Votlendissjóðurinn endur-
heimt votlendi á 203 hekturum.
Það eru 32.668 tonn af koldíoxíði
sem sjóðurinn hefur til sölu á móti
kolefnisjöfnun. Heildarlengd skurða
sem við höfum endurheimt er 27 km
og 390 metrar.
Sjóðurinn er sjálfseignarsjóður
og fær ekki framlag frá ríkinu.
Það eru samfélagslega ábyrg fyrir-
tæki og einstaklingar sem veita
vinnu okkar brautargengi. Frá
upphafi hafa um 50 lögaðilar eða
fyrirtæki kolefnisjafnað sig hjá
Votlendissjóði og mörg þeirra
gert það árlega. Skeljungur, Seðla-
banki Íslands, Íslandsbanki, Reg-
inn, Reiknistofa bankanna, Ef la,
Ölgerðin Egill Skallagrímsson,
Askja, Sahara, Verkís, Kemi, Land-
mælingar Íslands, HS Orka og
Orkuveita Reykjavíkur eru meðal
þeirra sem kolefnisjöfnuðu hluta
af eða alla starfsemi sína í gegnum
Votlendissjóð á árinu 2020.
Fjöldi einstaklinga sem kolefnis-
jafna sig með beinum framlögum
eða í gegnum greiðslugáttir telur
hundruð og þá eru hundruð ein-
staklinga á bak við Votlendislykla
Orkunnar sem er í eigu Skeljungs
en saman eru þau stærsti bakhjarl
Votlendissjóðs.
Ég hvet ykkur til að heimsækja
heimasíðu sjóðsins á votlendi.is og
kynna ykkur tækifærin sem þar er
að finna. Því tækifærin til stórkost-
legs árangurs í stöðvun losunar er
þar að finna. Vonin er í votlendinu.
Vonin er í votlendinu
Einar
Bárðarson
framkvæmda-
stjóri
Votlendissjóðs
S K O Ð U N ∙ F R É T T A B L A Ð I Ð 9Þ R I Ð J U D A G U R 2 . F E B R Ú A R 2 0 2 1