Fréttablaðið - 06.02.2021, Blaðsíða 88

ÞEGAR FERLIÐ VAR
LANGT KOMIÐ FÉKK
ÉG SKILABOÐ FRÁ FRAMLEIÐ-
ANDANUM UM AÐ NICKI VILDI
HITTA MIG HEIMA HJÁ SÉR.
Jónas
Tv í b u r a r n i r J ó n a s Bragi og Jakob Gabrí-el Þórhallssynir voru byrjaðir að fikta við kvikmyndagerð ellefu ára gamlir og komust
snemma að því hvað þeir vildu
gera þegar þeir yrðu stórir. Tæp-
lega fimmtán ára gamlir voru þeir
komnir með YouTube-síðu þar
sem þeir einbeittu sér að litlum
stuttmyndum og æfðu sig í tækni-
brellum.
„Þegar við síðan byrjuðum í
Verzlunarskólanum vorum við
mjög ákveðnir í því að við vildum
halda áfram í kvikmyndagerð og
stofnuðum okkar eigið litla fyrir-
tæki, IRIS Films, ásamt Andra Páli
vini okkar,“ segir Jakob og bætir við
að skólinn hafi þarna verið „High
School Musical“ Íslands og sérstak-
lega mikið unnið í tónlistarmynd-
böndum. „Við eyddum miklu meiri
tíma í myndböndin en alþjóðahag-
fræðina.“
Þeir gerðust strax nokkuð um-
svifamiklir í gerð tónlistarmynd-
banda en Jónas segir hápunkt þessa
tímabils hafa verið Eurovision-
myndbandið sem þeir gerðu fyrir
Maríu Ólafs sem keppti fyrir Ísland
2015. „Þetta var stærsta verkefnið
sem við höfðum tekið að okkur og
margir reynsluboltar sem komu
að því, en við sáum um fram-
leiðslu, klippingu og tökur.“
Stefnan mörkuð
„Eftir þetta fannst okkur við
vera komnir á beinu brautina
og við vissum hvert við vildum
stefna og að loknu stúdents-
prófi fórum við til London
í þriggja ára BA-nám í
kvikmyndatöku við
MetFilm School.“
B r æ ð u r n i r
ú t s k r i f u ð u s t
2017 og reyndu
í kjölfarið fyrir
sér sem óháðir
k v i k m y n d a -
gerðarmenn í
London í eitt
ár. Um þetta
leyti kynntist
Jakob kærust-
unni sinni, Patri-
ciu, sem hafði einn-
ig verið við nám í
MetFilm. Saman
unnu þau þrjú að margs konar verk-
efnum.
„Við sáum um að skjóta, leikstýra,
klippa, lita og gera tæknibrellur – í
rauninni tókum við að okkur allan
pakkann, alveg eins og við höfðum
verið að gera áður en við fórum út,“
segir Jakob.
Snemma árs 2018 fór Jónas að
láta sig dreyma um að komast til
háborgar kvikmyndabransans,
Los Angeles, og flutti hann þangað
um haustið. „Ég hafði verið að taka
að mér verkefni með svokölluðum
„steadicam-búnaði“ og fyrstu verk-
efnin mín í LA voru flest af þessum
toga, en þetta er græja sem heldur
myndavélinni stöðugri þótt töku-
maður sé á hreyfingu. Fljótlega
byrjaði ég svo líka að fá verkefni
við að klippa myndbönd og það
hefur verið mitt aðal-
starf síðan,“ segir Jónas.
„En mér finnst líka góð
tilbreyting og gaman
að mæta á tökustað og
taka upp með „steadi-
c a m - g r æ j u n n i “
minni.“
Sterk bræðrabönd
Um þetta leyti var
Jakob far inn að
einbeita sér nán-
ast eingöngu að
eftirvinnslunni,
b æ ð i t æ k n i -
brellum og litum.
„Eftirvinnslan er
þannig að hana
er hægt að vinna
hvar sem er á
hnettinum, en
auðvitað hjálp-
ar það mikið
að þekkja sam-
starfsmanninn
nánast jafn vel
og sjálfan sig.
Við treystum
hvor ö ðr u m
algjörlega og
v it u m hvað
hvor ok k a r
kann og getur.
Ég er þá fyrsti
leggurinn í eft-
irvinnslunni,“
segir Jónas. „Ég
klippi og sendi
síðan Jakobi
og hann heldur áfram og bætir við
tæknibrellum og litum.“
Bræðurnir segja að í raun hafi
þeir haft þessa verkaskiptingu
alveg frá því þeir voru fimmtán
ára. „Ég hafði alltaf gaman af því að
gera tæknibrellurnar en Jónas var
meira í að klippa efnið saman,“ segir
Jakob. „Í MetFilm var mikið fjallað
um lýsingu og hvernig hún hefur
áhrif á litina í myndinni og hvernig
þetta spilar allt saman í sögunni
sem verið er að segja.
Mér fannst þetta mjög spennandi
þáttur í náminu og eftir skólann fór
ég að vinna meira með liti í mynd-
böndunum. Þetta eru svona tvær
aðskildar greinar í eftirvinnslunni
en stundum fæ ég verkefni þar sem
ég er beðinn um bæði liti og tækni-
brellur.“
Þrautsegja og þolinmæði
Jakob segist smám saman hafa
myndað tengsl við viðskiptavini og
samstarfsaðila í London og svipað
megi segja um Jónas í Los Angeles.
„Svo hefur þetta þróast þannig að ég
er að fá verkefni sem Jónas útvegar
í L.A. og hann að fá verkefni hér í
London frá mér,“ segir Jakob.
Það þurfti þrautseigju, þolin-
mæði og smá heppni til þess að
komast áfram í L.A. „Fyrstu verk-
efnin voru kannski ekki alltaf
skemmtileg eða spennandi, en þau
voru liður í að kynnast fólki sem ég
hef síðan unnið meira með og með
aukinni reynslu hafa verkefnin líka
orðið meira spennandi,“ segir Jónas.
„Ég sótti bara um allt sem bauðst
og svo byrjaði maður hægt og rólega
að mynda tengslanet. Það er mjög
algengt í þessum bransa að nota
samfélagsmiðla til að kynna sig og
kynnast öðrum og ég nota Insta-
gram og Facebook mikið til þess,“
segir Jónas og bendir á að tengslanet-
ið þéttist jafnt og þétt ef unnið er vel.
„Mikið af okkar vinnu í dag má
rekja til fólks sem við kynntumst
snemma eftir að Jónas flutti til L.A.
Þarna er svo mikið af upprennandi
leikstjórum og framleiðendum og
við höfum verið heppnir að kynnast
þarna mörgu hæfileikaríku fólki,“
segir Jakob.
Rappdömurnar kalla
Bræðrunum ber saman um að tón-
listarmyndband sem þeim bauðst
að gera fyrir rapparann Wiz Khalifa
snemma árs 2019 hafi verið fyrsta
verkefnið þar sem þeir fundu virki-
lega fyrir því að allt væri að smella.
„Boltinn byrjaði svolítið mikið að
rúlla með því myndbandi og eftir
það fengum við hvert verkefnið á
fætur öðru og umfangið hefur farið
stöðugt vaxandi,“ segir Jakob.
„Þetta var stærsta verkefnið
okkar á þessum tímapunkti og svo
bara þróast þetta frekar hratt og
við fáum að vinna myndbönd fyrir
Megan Thee Stallion,“ segir Jónas,
Tvíburarnir
skoruðu með
rappboltanum
Bræðrunum Jónasi og Jakobi gengur vel að
hasla sér völl í kvikmyndabransanum í Los
Angeles og London þar sem þeir hafa unnið
fyrir sjálfa Nicki Minaj og Manchester City.
Bræðurnir í Stokkhólmi í febrúar í fyrra en þótt COVID-19 hafi truflað kvikmyndabransann geta þeir ekki kvartað yfir verkefnaskorti. MYND/AÐSEND
Jónas hefur nóg að gera og er hér í tökum á stuttmynd sem var tekin í Lancaster í Kaliforníu. MYND/AÐSEND

Sergio Aguero er
meðal viðfangsefna
Jakobs í eftirvinnslunni.
FRÉTTABLAÐIÐ/GETTY
6 . F E B R Ú A R 2 0 2 1 L A U G A R D A G U R50 L Í F I Ð ∙ F R É T T A B L A Ð I Ð
LÍFIÐ