Bæjarins besta - 20.12.2001, Blaðsíða 8

8 FIMMTUDAGUR 20. DESEMBER 2001
Óskum starfsfólki okkar til
sjós og lands gleðilegra jóla
og farsældar á komandi ári.
Þökkum árið sem er að líða.
Sparisjóður Bolungarvíkur
Bolungarvík – Suðureyri
Sendum Bolvíkingum, Súgfirðingum og öðrum Vestfirðingum bestu
óskir um gleðileg jól og farsælt komandi ár með þökk fyrir viðskiptin.
Óskum starfsfólki okkar,
viðskiptavinum og Vestfirð-
ingum öllum gleðilegra jóla
og farsæls nýs árs með þökk
fyrir viðskiptin á árinu sem er að líða.
Sendum okkar bestu óskir um gleðilega jóla-
og nýárshátíð og þökkum árið sem er að líða.
Súðavíkurhreppur
Hugvekjuna ritar sr. Stína Gísladóttir, sóknarprestur í Holti í Önundarfirði
Brátt kemur gesturinn
Aðventan er undirbúningstími.
Undirbúningstími getur verið erilsamur en
hann getur líka verið skemmtilegur
og eftirvæntingarfullur.
Hvað erum við að undirbúa?
Orðið aðventa þýðir koma.
Hver er að koma? Jesús Kristur heitir hann,
konungur konunganna og konungur englanna.
Yfirskrift aðventunnar er þessi:
Sjá, konungur þinn kemur til þín.
Þegar von er á góðum gestum undirbúum við
okkur til að geta tekið vel á móti þeim.
Konungskoma þykir merkileg. Á aðventunni
erum við að undirbúa komu konungs himn-
anna. Gætum þess þó að vera ekki svo
upptekin við undirbúning, að við gleymum
gestinum sjálfum.
Aðventuljósin lýsa upp skammdegið og eru
tákn gleði og lífs. Þau eru einnig tákn þess
að Jesús Kristur er ljós heimsins.
Aðventukransinn hefur fjögur kerti, eins og
sunnudagar aðventunnar eru fjórir. Fyrsta
sunnudag í aðventu kveikjum við á því fyrsta
og síðan bætist eitt við hvern sunnudag þar
til þau loga öll. Birtan, fegurðin
og eftirvæntingin eykst.
Jólakortin sýna ættingjum og vinum að okkur
þykir vænt um þá, að við munum eftir þeim
og viljum gleðja þá.
Jólagjafirnar eiga að vera gleðigjafar, sem
minna á jólagjöfina stærstu: Jólabarnið sjálft,
frelsarann, sem gaf sjálfan sig til að við mætt-
um eignast eilíft líf.
Hreingerningin getur skapað tilfinningu fyrir
umhyggju og hátíð. Og svo er hægt að hjálpa
öðrum að þrífa! Kökuilmurinn er svo góður,
full kökubox gleðja og kökur eru líka góðar
gjafir.
Jólamaturinn er mikilvægur. Við eigum mikil
gæði þegar við eigum nægan og góðan mat.
Sameiginleg máltíð er um allan heim tákn um
vináttu og gott samfélag. Munum að sumir hafa
lítið og þarfnast hjálpar okkar.
Öll hin margvíslegu gæði okkar, sem ein-
kenna jólaundirbúninginn, eru þakkarefni.
Gætum þess að gleyma ekki tilefninu: Guð
sjálfur kemur til að vera jólagesturinn. Hvað
viljum við gera til að það geti sem best
einkennt jólin okkar?
Kirkjan kallar okkur til helgihalds á aðventu.
Aðventuhátíðir, tónleikar, guðsþjónustur,
sálmasöngur, lestur Biblíunnar, heimsóknir,
kertaljós og kyrrðarstundir í einrúmi og sam-
félagi – allt getur það hjálpað okkur til að
eignast jólafrið og jólagleði, sem er for-
senda þess að við getum flutt öðrum frið og
gleði.
Fjórða sunnudag í aðventu kveikjum við öll
fjögur ljós aðventukransins og syngjum:
Við kveikjum fjórum kertum á,
brátt kemur gesturinn,
og allar þjóðir þurfa að sjá,
að það er frelsarinn.
Jólaboðskapurinn er gleðiboðskapur.
Jólaboðskapurinn er friðarboðskapur.
Aðventan vísar okkur veginn. Hjálpumst því
að við að nota aðventuna rétt. Við þurfum
ekki allt þetta tilstand. Tökum kyrrðar-
stundirnar fram yfir. Hið eina nauðsynlega er
að hleypa jólagestinum sjálfum inn í undir-
búninginn og jólin með frið sinn og fögnuð.
Þá verða gleðileg og friðsæl jól.
51.PM5 19.4.2017, 09:528