Bæjarins besta - 20.12.2001, Blaðsíða 13
FIMMTUDAGUR 20. DESEMBER 2001 13
Opinn kynningarfundur um Landsmót UMFÍ 2004
Ennþá margir lausir
endar í undir-
búningnum
Lítið virðist enn fast í hendi
um fjármagn frá ríkinu vegna
Landsmóts UMFÍ á norðan-
verðum Vestfjörðum sumarið
2004. Fram kom á opnum
fundi um undirbúning móts-
ins, sem haldinn var á Ísafirði
í síðustu viku, að þegar Ísa-
fjarðarbær samþykkti aðild
sína að mótshaldinu hafi bæj-
aryfirvöld sett ákveðna fyrir-
vara um að ríkið kæmi með
einhverjum hætti að fjár-
mögnun nauðsynlegra fram-
kvæmda. Að sögn Kristins
Jóns Jónssonar, formanns
Héraðssambands Vestfirðinga
(HSV), var á fundinum reynt
að ná fram sem gleggstum
upplýsingum þannig að flest-
um yrði ljóst hver staðan væri.
Liðlega þrjátíu manns sátu
fundinn sem haldinn var á
Hótel Ísafirði og var farið
rækilega yfir stöðu mála varð-
andi undirbúning mótsins.
Héraðssamband Vestfirðinga
boðaði til fundarins en auk
forsvarsmanna þess voru á
fundinum fulltrúar í lands-
mótsnefndinni hér vestra,
bæjarfulltrúar í Ísafjarðarbæ
og fulltrúar frá UMFÍ.
Sæmundur Runólfsson,
framkvæmdastjóri UMFÍ,
ræddi almennt um landsmót
og starfið í kringum þau.
Helsta umræðuefni fundarins
var þó fyrirhugað landsmót
2004 og þau íþróttamannvirki
til stæði að reisa vegna þess.
Einkum vildu menn fá að vita
hvað bæjarstjórn ætlaði sér í
þeim efnum og eins hvar um-
rædd mannvirki skyldu vera.
Bæjarfulltrúar grein fyrir
stefnu bæjarins í málinu og
skýrðu jafnframt frá því að
enn væri margt óljóst en skýr-
ari svör myndu væntanlega
liggja fyrir fljótlega eftir ára-
mót. Töluverðar umræður
voru á fundinum og segir
Kristinn Jón að svo virðist
sem fólk sé mjög áhugasamt
um þetta mál. Langflestir hafi
verið þeirrar skoðunar að ekki
kæmi annað til greina en að
mannvirkin vegna mótsins
yrðu við Skutulsfjörð.
Kristinn Jón segir að menn
hefðu einnig yfirleitt verið
sammála um að málið væri í
góðum farvegi en látið í ljós
áhyggjur yfir því hversu hægt
það gengi og að mikilvægur
tími færi forgörðum. Fram-
undan væri kosningaár og
vitað væri að bæjarstjórnir séu
óvirkar í nokkurn tíma bæði
fyrir og eftir kosningar meðan
verið er að raða saman meiri-
hluta og nýtt fólk að koma sér
fyrir í starfinu.
Ekki þarf minna en tvö ár
til að gera íþróttavöll sem
stenst tilskildar kröfur þar sem
jarðvegurinn þarf að síga og
jafna sig einn vetur áður en
hægt er að ganga frá yfirborð-
inu. Kristinn Jón segir þetta
þó vera í lagi ennþá en hafa
verði í huga að tíminn fram
að landsmóti styttist óðum og
mikið verk sé fyrir höndum.
Gera þarf útboðslýsingu,
bjóða verkið út og semja við
verktaka. Á heildina litið var
þetta góður fundur að mati
Kristins og taldi hann að fólk
hefði fengið svör við spurn-
ingum sínum. Staða mála hjá
landsmótsnefnd og bæjaryfir-
völdum hafi einnig skýrst.
Birna Lárusdóttir, formaður
bæjarráðs Ísafjarðarbæjar,
segir að fundurinn hafi bæði
verið gagnlegur og þarfur.
Þarna hafi menn sest niður,
farið yfir málin og skipst á
skoðunum. Hún segir að í um-
ræðum hafi greinilega komið
fram að fólk óskaði eftir
svörum frá sveitarfélaginu
varðandi stefnu þess í málinu.
Hins vegar væri nú verið að
skoða það allt og ekki væri
von á að línur skýrðust fyrr en
eftir áramót. Að sögn Birnu á
enn eftir að ganga frá kostn-
aðaráætlun vegna þessarar
framkvæmdar allrar og ekki
verður hægt að taka neinar
ákvarðanir fyrr en hún liggur
fyrir.
Gerðar hafa verið úttektir
vegna nauðsynlegra mann-
virkja og staðsetningar þeirra
en nákvæmir kostnaðarút-
Magnús Reynir Guðmundsson í undirbúningsnefnd, Kristinn Jón Jónsson formaður HSV og Björn B. Jónsson formaður
UMFÍ í ræðustól.
reikningar hafa enn ekki farið
fram. Birna segir að unnið sé
að því máli núna en hafa verði
í huga, að þegar bærinn sam-
þykkti landsmótshaldið setti
hann ákveðna fyrirvara um að
ríkið kæmi að fjármögnun
þeirra framkvæmda sem fyrir-
séðar væru af þessu tilefni.
Fyrir liggur að gera þarf nýjan
frjálsíþróttavöll og eins þarf
að koma upp sundlaug í þeirri
lengd sem krafist er á lands-
móti. Varðandi frjálsíþrótta-
völl segir Birna að skoðaðir
hafi verið tveir kostir: Annars
vegar að völlurinn verði við
Skutulsfjörð og hins vegar að
nýtt verði þau mannvirki sem
þegar eru til staðar á Þingeyri.
Hvað varðar framkvæmdir
vegna sundlaugar, þá hafi
komið þar fram spennandi
tillögur en ekki er búið að
taka neina ákvörðun um
hvernig það mál verður leyst.
Birna segir ennfremur að
fram hafi komið í máli fram-
kvæmdastjóra UMFÍ, að ekki
sé óeðlilegt þótt hlutirnir
tækju þennan tíma. Hún segir
að nokkuð hafi þótt standa
upp á Ísafjarðarbæ í þessu
máli en reyndin sé sú, að ekki
hafi verið hægt að vinna málið
hraðar. Töluverður tími hafi
farið í að leita eftir fjármagni
frá ríkisvaldinu. Rætt hafi
verið við flesta þá sem geta
komið að málinu en lítið sé
fast í hendi enn sem komið er.
Þó fengust tíu milljónir á fjár-
lögum til mannvirkjagerðar
vegna landsmótsins.
Pétur Jónsson, Sigurjón Hallgrímsson, Marinó Hákonarson og Guðni G. Jóhannesson
voru á meðal fundargesta.
Breytingar hjá yfirstjórn og í starfsliði Menntaskólans á Ísafirði
Birna tekur við formennsku í skólanefnd
Birna Lárusdóttir, formað-
ur bæjarráðs Ísafjarðarbæjar,
var kjörin formaður skóla-
nefndar Menntaskólans á
Ísafirði á síðasta fundi
nefndarinnar. Fyrir einu ári
skipaði ráðherra nefndina til
fjögurra ára en hún kýs sér
formann til eins árs í senn.
Ekki komu fram aðrar tillög-
ur og varð Birna því sjálf-
kjörin. Hún tekur við for-
mennsku nefndarinnar af
Ólafi Helga Kjartanssyni.
Gunnar Þórðarson verður
áfram varaformaður og Elísa-
bet Gunnarsdóttir ritari.
Fyrir nokkru var auglýst eft-
ir tveimur kennurum að skól-
anum. Verður Eyvindur P. Ei-
ríksson ráðinn í stöðu dönsku-
kennara en hann hefur kenn-
sluréttindi. Tvær umsóknir
bárust um stöðu raungreina-
kennara en hvorugur umsækj-
enda hefur kennsluréttindi í
þeim greinum sem auglýstar
voru. Skólanefnd samþykkti
þá tillögu skólameistara að
Kristinn Harðarson verði ráð-
inn leiðbeinandi.
Ástvaldur Björnsson hús-
vörður Menntaskólans á Ísa-
firði verður sjötugur í mars
og verður honum þá sagt
upp störfum. Hann hefur
óskað eftir því að starfa út
skólaárið og er skólameist-
ara heimilt að gera við hann
nýjan samning til hálfs árs
og auglýsa eftir nýjum hús-
verði áður en sá samningur
rennur út.
Kynningarferð Listaháskóla Íslands frestað
Ætlunin að koma á Sólrisu síðar í vetur
Á haustdögum kom vestur
til Ísafjarðar sendinefnd á veg-
um Listaháskóla Íslands. Er-
indið var fyrst og fremst að
undirbúa kynningu sem fram
átti að fara hér vestra seinustu
helgina í nóvember. Enn hefur
ekkert orðið af kynningunni
né heldur sýningu á Túskild-
ingsóperunni sem nemendur
Listaháskólans ætluðu að
setja hér upp við sama tæki-
færi.
Að sögn Hjálmars Ragnars-
sonar, rektors Listaháskóla Ís-
lands, varð af óviðráðanlegum
ástæðum að fresta þessum fyr-
irætlunum. Bæði komu upp
veikindi meðal þeirra sem
tóku þátt í uppfærslunni og
eins varð röskun vegna þeirrar
óvissu sem ríkti meðan á verk-
falli tónlistarkennara stóð.
Þrátt fyrir að kennarar
Listaháskólans hafi ekki verið
í verkfalli þótti hvorki viðeig-
andi né ráðlegt að sýna óper-
una eða flytja aðra tónlist hér
fyrir vestan meðan tónlistar-
kennarar börðust fyrir bættum
launakjörum. Hjálmar segir
að Listaháskólinn sé þó síður
en svo hættur við ferðina vest-
ur og er nú stefnt að því að
koma á Sólrisuhátíð Mennta-
skólans á Ísafirði.
Fyrirkomulagið verður með
líkum hætti og fyrirhugað var,
að Listaháskólinn mun kynna
það nám sem hann býður.
Fyrirtæki til sölu!
Til sölu er Vélsmiðja Ísafjarðar ehf., en um
er að ræða fyrirtæki í fullum rekstri.
Nánari upplýsingar um eignina gefur Björn
Jóhannesson hdl., í síma 456 4577.
Sérstæður viðburður á aðventunni
Hópur fólks að setja
niður blómlauka
Undir lok síðustu viku
kom saman stór hópur fólks,
bæði fullorðnir og börn, til
að setja niður blómlauka á
opnu svæði á Flateyri.
Veðrið og umhverfið voru
eins og á vordegi, jörðin
marauð og hitinn kringum
tíu stig.
Laukarnir voru settir nið-
ur á minningarreitnum um
snjóflóðið mikla og þar í
kring. Það mun vera fátítt
að blómjurtir séu gróður-
settar á Vestfjörðum um
miðjan desember.
51.PM5 19.4.2017, 09:5213