Stefnir - 01.12.1981, Qupperneq 5

Ritstjórnargrein
Að loknum landsfundi
og prófkjöri í Reykjavík
Þegar þetta er ritað er landsfundur Sjálfstæðis-
flokksins að baki og prófkjör sjálfstæðismanna
vegna borgarstjórnarkosninga í Reykjavík ný-
afstaðið. Báðir marka þessir atburðir viss tíma-
mót og eru mikilvægir áfangar á leið Sjálfstæðis-
flokksins út úr þeim innri erfiðleikum, sem sett
hafa svip sinn á flokksstarfið undanfarin misseri.
Ungir sjálfstæðismenn geta einkar vel við
niðurstöður landsfundar og prófkjörs unað og
svo er vonandi um flest sjálfstæðisfólk. Fram-
bjóðandi yngri manna í flokknum Friðrik
Sophusson, var kjörinn varaformaður flokksins
og fjórir menn úr röðum Sambands ungra sjálf-
stæðismanna náðu kjöri í miðstjórn og hafa full-
trúar SUS í miðstjórn aldrei verið fleiri.
Á sama hátt og ungir sjálfstæðismenn fagna
úrslitum landsfundar er það mikið fagnaðarefni,
að sjálfstæðismenn í Reykjavík skyldu staðfesta
einróma val borgarstjórnarflokks sjálfstæðis-
manna á Davíð Oddssyni sem borgarstjóraefni
flokksins í næstu borgarstjórnarkosningum.
Sigur Davíðs er jafnframt sigur fyrir unga sjálf-
stæðismenn í Reykjavík, sem Iögðu hart að sér í
einarðri og drengilegri baráttu fyrir hann. Hinn
góði árangur Markúsar Amar Antonssonar,
Ingibjargar Rafnar, 1. varaformanns SUS, og
Vilhjálms Þ. Vilhjálmssonar er sömuleiðis mikið
ánægjuefni. Úrslit prófkjörsins sýna, að sjálf-
stæðismenn í Reykjavík vilja að ungt fólk með
nýjar og ferskar hugmyndir séu í forystu í borgar-
stjórn, eins og áratuga hefð er fyrir.
Einna ánægjulegast við úrslit landsfundarins
var kjör þeirra Einars Kr. Guðfinnssonar, Jóns
Ásbergssonar, Óðins Sigþórssonar og Þorsteins
Pálssonar í miðstjóm flokksins. Allir eru þessir
menn innan raða ungra sjálfstæðismanna og hafa
getið sér góðan orðstír hver á sínum starfsvett-
vangi og í sínu byggðarlagi. Er mikill fengur að
þeim í miðstjórn flokksins. í miðstjórn situr
einnig formaður SUS auk þess sem framkvæmda-
stjórar flokksins, þau Kjartan Gunnarsson og
Inga Jóna Þórðardóttir, hafa þar setu- og tillögu-
rétt. Hafa ungir sjálfstæðismenn vafalaust ekki í
annan tíma haft jafngóð tækifæri til að hafa áhrif
á æðstu stjórn flokksins og nú.
Tillaga ungra sjálfstæðismanna um breytingar
á skipulagsreglum flokksins, sem miðaði að því
að koma í veg fyrir að núverandi ástand í flokkn-
um, þar sem hluti hans er í stjórn en hluti í stjórn-
arandstöðu, geti skapast að nýju, hlaut mjög
góðar undirtektir á landsfundi. Tillagan var lögð
fram í endurskoðuðu formi frá því sem var á SUS
þingi og gerðust fórmaður landssambands sjálf-
stæðiskvenna og formaður verkalýðsráðs flokks-
ins meðflutningsmenn tillögunnar. Greinilegt var
að tillaga þessi hafði mjög sterkan hljómgrunn
meðal almennra landsfundarfulltrúa. Hún var
t.d. ekki aðeins samþykkt í skipulagsnefnd fund-
arins heldur bætti nefndin við hana atriðum, sem
felld höfðu verið niður frá upphaflegri samþykkt
á SUS þingi. Þetta gerðist þrátt fyrir að í nefnd-
inni sætu nokkrir helstu stuðningsmenn núver-
andi ríkisstjórnar með landbúnaðarráðherra í
broddi fylkingar.
Formaður flokksins lagðist gegn því að tillagan
yrði samþykkt á þessum landsfundi og óskaði
eftir því, að henni yrði vísað til miðstjórnar. Með
tilliti til þessarar afstöðu formannsins sem og þess
að fram var komin tillaga um að þingflokkur sjálf-
stæðismanna setti sér starfsreglur, sem ljóst var
að mundu að hluta til ganga í sömu átt og tillaga
ungra sjálfstæðismanna, var fallist á þá máls-
meðferð. Með hliðsjón af því að sýnt var að til-
lagan mundi hljóta samþykki á fundinum var hér
um að ræða verulega tilslökun af hálfu flutnings-
manna og skref í átt til sátta af okkar hálfu. Af
nýútkominni samtalsbók forsætisráðherra má
ráða að þessi sáttaviðleitni hefur einskis verið
metin, frekar en vænta mátti, en málflutningur
ráðherrans um þetta mál í bókinni er að flestu
leyti út í hött og ósæmandi.
Eftir nýafstaðinn landsfund og prófkjörið í'
Reykjavík er ljóst að ný kynslóð er að ryðja sér
rúms í vaxandi mæli i Sjálfstæðisflokknum.
Pessi kynslóð vill fá tækifæri til þess að vinna
að framgangi sjálfstæðisstefnunnar í friði í heilum
og óskiptum flokki. Niðurstöður landsfundar og
þær horfur sem eru á víðtækri samstöðu sjálf-
stæðismanna í borgarstjómarkosningunum í
Reykjavík gefa vissulega tilefni til að vona að
betri tímar séu framundan í S jálfstæðisflokknum.
5