Fréttablaðið - 20.02.2021, Blaðsíða 10

Lögreglumenn taka mann höndum í Traðarkotssundi í Reykjavík. Sjónvarpsvélar fylgjast með. FRÉTTABLAÐIÐ/ERNIR
LÖGREGLAN „Þessar niðurstöður
voru í nokkru samræmi við það
sem við bjuggumst við og það sem
hefur komið í ljós í sambærilegum
rannsóknum erlendis,“ segir Katrín
Ingvarsdóttir, sem vann ásamt
Hildigunni Einarsdóttur rannsókn
á viðhorfi Íslendinga gagnvart búk-
myndavélanotkun lögreglumanna.
Rannsóknin er lokaverkefni í
lögreglu- og löggæslufræðum við
Háskólann á Akureyri.
Tæplega þrjú þúsund manns
svöruðu spurningum Katrínar og
Hildigunnar og voru konur í meiri-
hluta þegar kom að þátttakendum.
„Þetta er mjög svipað niðurstöð-
unum sem komu í ljós í Bandaríkjun-
um en það var kannski örlítið stærra
hlutfall sem fannst þetta jákvætt
skref. Þetta gaf góða vísbendingu um
álit Íslendinga á þessu málefni,“ segir
Katrín um könnunina.
Rúmlega níutíu prósent viðmæl-
enda töldu notkun slíkra mynda-
véla auka traust almennings á
störfum lögreglunnar.
Lögreglan á höfuðborgarsvæðinu
tók í notkun fjörutíu búkmynda-
vélar árið 2019 en þá voru fimm ár
frá fyrstu tilraun til notkunar slíks
búnaðar á Íslandi. Fram kemur í
rannsókninni að árið 2016 hafi tíu
búkmyndavélar verið keyptar fyrir
lögregluna í Reykjavík.
Í  niðurstöðum könnunarinnar
kom fram að 90,2 prósent töldu
notkun búkmyndavéla auka traust
almennings til lögreglunnar og
85,3 prósent að það myndi skila sér
í bættri framkomu lögreglunnar í
garð almennings.
Sambærilegt hlutfall taldi að
með búkmyndavél væri lögreglan
líklegri til að axla ábyrgð á störfum
sínum og töldu 92,5 prósent þátt-
takenda að lögreglan ætti að nota
búkmyndavélar í auknum mæli
og 94,4 prósent að búkmyndavélar
gætu aðstoðað við rannsókn saka-
mála.
„Það vakti athygli okkar að
sumir vissu ekki hvað þetta væri
og að þetta væri að einhverju leyti í
notkun á Íslandi,“ segir Katrín, en í
niðurstöðunum kom fram að aðeins
12,5 prósent þátttakenda töldu búk-
myndavélanotkun brjóta að ein-
hverju leyti gegn friðhelgi einkalífs.
Á sama tíma töldu 75,3 prósent að
myndefni búkmyndavélanna ætti
aldrei að vera aðgengilegt almenn-
ingi eða fjölmiðlum, 85,4 prósent
töldu að lögreglumenn ættu ekki
að hafa heimild til að ráðstafa hve-
nær kveikt væri á myndavélunum
og hvenær væri slökkt og 61 prósent
voru ekki sammála því að slökkva
ætti á myndavélum þegar lögreglu-
þjónar koma inn á heimili fólks.
Þá töldu 86 prósent viðmælenda
þeirra að notkun búkmyndavéla
myndi auka gagnsæi lögreglunnar
og rúm 56 prósent að þörf væri á
auknu utanaðkomandi eftirliti með
störfum íslensku lögreglunnar.
Um 78 prósent töldu að búk-
myndavélar myndu koma í veg
fyrir að lögreglumenn myndu beita
einstaklinga úr minnihlutahópum
mismunun í starfi.
Hægt er að nálgast verkefni Hildi-
gunnar og Katrínar á vef Skemm-
unnar, skemman.is.
kristinnpall@frettabladid.is
Langflestir vilja aukna
búkmyndavélanotkun
Yfir níutíu prósent þátttakenda í nýrri rannsókn við Háskólann á Akureyri
voru fylgjandi því að lögreglan yki notkun búkmyndavéla. Um þrjú þúsund
manns tóku þátt. Niðurstöðurnar eru í takti við svör í könnunum erlendis.
Það vakti athygli
okkar að sumir
vissu ekki hvað þetta væri
og að þetta væri að ein-
hverju leyti í
notkun á
Íslandi.
Katrín Ingvars-
dóttir
BANDARÍKIN Joe Biden Banda ríkja-
for seti f lutti ræðu frá Was hington
á Öryggis ráð stefnunni í München
í gær, þar sem hann til kynnti að
ein angrunar stefna for vera hans,
Donalds Trump, heyrði sögunni
til. Banda ríkin væru komin aftur
til leiks og þyrftu að sanna fyrir
heims byggðinni að lýð ræði væri
ekki liðið undir lok, þrátt fyrir að
ráðist hefði verið gegn því, bæði í
Banda ríkjunum og í Evrópu.
For setinn sagði að nú stæði
yfir bar átta um fram tíð stjórnar-
fars heimsins, milli ein veldis og
lýð ræðis, um bestu leiðina til að
mæta þeim á skorunum sem fyrir
mann kyninu standa. Biden vill
styrkja sam starf við banda lags ríki
til að mæta upp gangi Rúss lands
og Kína á sviði al þjóða mála, en
ný lega undir ritaði Evrópu sam-
bandið fjár festingasamninga við
kín versk stjórn völd. Vilja leið togar
þess styrkja sam skiptin við Kína,
einkum er varðar við skipti. – Þp
Banda ríkin standi vörð um lýð ræðið
Sam skipti Banda ríkjanna við banda menn í Evrópu versnuðu mjög í stjórnar tíð
for vera Bidens, en nú leitast hann eftir því að lag færa þau. FRÉTTA BLAÐIÐ/EPAEPA
MJANMAR Tvítug kona, sem skotin
var í höfuðið af lögreglu í mótmæl-
um gegn valdaráni hershöfðingja í
Mjanmar, lést af sárum sínum í gær.
Talið er að hún sé fyrsta manneskja
sem fellur í mótmælum gegn valda-
ráninu 1. febrúar.
Fjölmenn mótmæli hafa farið
fram víða um landið en lögreglan
og herinn hafa beitt hörku til að
freista þess að brjóta þau á bak
aftur. – þp
Mótmælandi látinn í Mjanmar
Mya Thwate Thwate Khaing var
skotin af lögreglu 9. febrúar í
höfuðborg Mjanmar, Nay Pyi Taw.
2 0 . F E B R Ú A R 2 0 2 1 L A U G A R D A G U R10 F R É T T I R ∙ F R É T T A B L A Ð I Ð