Fréttablaðið - 20.02.2021, Page 16

Þegar liggur fyrir
hvernig mótahaldi
verður háttað sumarið 2022
getum við haldið áfram að
ræða við aðila á markaði.
Orri Hlöðversson, formaður ÍTF
ÍSLENSKI BOLTINN Orri Hlöðversson
tók við sem formaður Íslensks topp-
fótbolta á aðalfundi samtakanna í
vikunni. Orri, sem er formaður
knattspyrnudeildar Breiðabliks,
kveðst fullur tilhlökkunar að takast
á við þau verkefni sem fram undan
eru. Samtökin gæta hagsmuna
þeirra félaga sem leika í efstu deild.
Aðspurður segir Orri tvö mál vera
efst á baugi þessa stundina. Það séu
mótafyrirkomulag í efstu deild
karla og sjónvarpsrétturinn.
„Fyrir komandi ársþing liggja til-
lögur um framtíðarmótafyrirkomu-
lag í efstu deild karla. Það eru allir
þeir sem ég hef talað við sammála
um það að þurfi að fjölga leikjum en
svo eru mismunandi skoðanir á því
hvaða leið sé vænlegust. Að mínu
mati er skynsamlegt að fækka þeim
kostum og skýra stöðuna betur. Það
er allavega gott að skynja samstöð-
una sem er um að fjölga leikjum og
færa okkur nær þeim þjóðum sem
við berum okkur saman við,“ segir
Orri í samtali við Fréttablaðið.
„Þegar það liggur fyrir hvernig
mótahaldi verður háttað sumarið
2022 getum svo við haldið áfram
þeirri vinnu að ræða við aðila á
markaði um sölu á sjónvarpsrétt-
inum. Samningur um sýningarrétt-
inn rennur út í haust, eftir tímabilið
og vinna við að kanna hvaða kostir
eru í boði er komin í fínan farveg.
Nú er svo bara að koma þeim
viðræðum áfram og þegar ákveðið
hefur verið hvernig mótið verður
erum við komnir með fastara land
undir fætur í viðræðunum. Það eru
miklir hagsmunir í húfi fyrir félögin
sem eru í samtökunum,“ segir for-
maðurinn enn fremur.
„Samtökin eru að slíta barns-
skónum og nú þarf að móta fram-
tíðarmódel þeirra. Eins og staðan
er núna er einn launaður starfs-
maður, sem er framkvæmdastjór-
inn, en formennska er sjálf boða-
liðastarf. Það er ekkert sem ég set
fyrir mig en það væri þess vert að
skoða það hvort heillavænlegt væri
að færa fleiri verkefni á herðar ÍTF.
Því þyrfti hins vegar að sjálfsögðu
að fylgja fjármagn og mannafli. Eins
og staðan er núna stendur fjármagn
frá KSÍ og aðildargjald félaganna
undir rekstri samtakanna. Þessi
blanda er að mínu mati best og svo
er spurning hversu stóra sneið af
kökunni KSÍ og félögin taka að sér.
Það er eitthvað sem þarf að ræða og
komast að samkomulagi um. Sam-
starfið við KSÍ hefur verið gott og
ég á ekki von á breytingu á því.“ – hó
Vill færri breytingartillögur á mótinu
KÖRFUBOLTI Íslenska karlalandslið-
ið í körfubolta lýkur í dag keppni á
fyrsta stigi í undankeppni fyrir HM
sem haldið verður árið 2023.
Andstæðingur íslenska liðsins í
lokaumferðinni verður Lúxemborg
en fyrir þennan leik hefur Ísland nú
þegar tryggt sér sæti í næsta stigi
undankeppninnar. Það gerði liðið
með því að leggja Slóvakíu að velli
á nokkuð sannfærandi hátt á mið-
vikudaginn var.
Þar lék Jón Axel Guðmundsson
við hvurn sinn fingur auk þess sem
Tryggvi Snær Hlinason var einkar
öflugur á báðum endum vallarins.
Ísland og Lúxemborg mættust í fyrri
leik sínum í forkeppninni í lok nóv-
ember síðastliðnum. Þá fór íslenska
liðið með sigur af hólmi. – hó 
Mæta án pressu
í lokaumferðina
Jón Axel hefur leikið afar vel i for-
keppninni. FRÉTTABLAÐIÐ/ERNIR
ÍSLENSKI BOLTINN Fjögur lið sem
tóku ekki þátt í deildarkeppni í
meistaraf lokki kvenna í knatt-
spyrnu á síðasta keppnistímabili
munu leika í 2. deildinni í sumar. 
Mótanefnd knattspyrnusambands
Íslands hefur birt drög að leikja-
dagskrá 2. deildarinnar fyrir tíma-
bilið. Alls eru 33 lið skráð til leiks
í Íslandsmótið þetta árið. Það er
fjölgun um fjögur lið á milli ára.
Liðin fjögur sem bætast við eru
Einherji Vopnafirði sem tók síðast
þátt í deildarkeppni kvennamegin
árið 2018, KH sem var með lið árið
2016, SR sem hefur ekki áður haft á
að skipa kvennaliði og KM sem er
nýtt lið.
Fyrirkomulagi 2. deildarinnar
hefur verið breytt en leikin verður
einföld umferð og þar eftir spiluð
fjögurra liða úrslitakeppni. – hó
Fjögur ný lið
skráð til leiks
KRAFTLYFTINGAR Akureyringurinn
Sóley Margrét Jónsdóttir, sem kepp-
ir fyrir hönd Breiðabliks, náði að
fylgja eftir góðum árangri undan-
farinna ára þegar hún setti fimm
ný Íslandsmet, sex unglingamet og
tvö Norðurlandamet á Reykjavíkur-
leikunum í síðasta mánuði. Þetta
var aðeins annað mót Sóleyjar að
undanförnu en kórónaveirufarald-
urinn hefur sett strik í reikninginn í
kraftlyftingum og hefur komið í veg
fyrir hefðbundið mótafyrirkomulag
í greininni líkt og öðrum greinum.
„Þetta var annað mótið sem ég
gat tekið þátt í á löngum tíma en í
hefðbundnu árferði hefðu þetta lík-
legast verið um tíu mót. Ég átti að
vera búin að fara að minnsta kosti
þrisvar utan að keppa, en í staðinn
hef ég bara einbeitt mér að æfingum
og bætingum. Núna stendur yfir
rólegt tímabil en svo fer allt á fullt
fyrir EM í bekkpressu í Rússlandi
í sumar, ef mótið fær að fara fram.
Það eru mörg mót á dagskránni og
flest þeirra í útlöndum en það á eftir
að koma í ljós hvort þau fái að fara
fram.“
Á dagskránni hjá Sóleyju á þessu
ári stendur til að taka þátt í áður-
nefndu EM í bekkpressu ásamt
heimsmeistaramóti U23 í Rúmeníu
og heimsmeistaramóti fullorðinna
í Noregi undir lok ársins. Það er því
afar spennandi ár fram undan hjá
kraftlyftingakonunni ef faraldur-
inn fer að lægja.
Aðspurð hvort að árangurinn á
Reykjavíkurleikunum hafi farið
fram úr væntingum, var hin metn-
aðarfulla Sóley ekki á því, enda voru
keppnisaðstæður í Sporthúsinu
þann daginn ekki upp á það besta.
„Í aðdraganda mótsins var helsta
markmiðið hjá mér að bæta hné-
beygjumetið sem tókst. Mér tókst
að bæta fyrra metið um 42 kíló.
Þetta mót gekk samt ekkert allt eins
og í sögu, það var fullkalt inni sem
gerði manni erfitt fyrir, “ segir Sóley,
sem lenti í óheppilegu atviki á loka-
degi mótsins.
„Ég lenti í því óheppilega atviki að
brjóta tvær tær í upphitun fyrir rétt-
stöðulyftuna sem var síðasta grein
mótsins. Það setti ákveðið strik í
reikninginn,“ segir hún hlæjandi.
„Ég reyndi að gleyma sársaukanum
og fór ekkert úr skónum þar til
mótið var yfirstaðið. Með því tókst
mér að klára mótið,“ segir Sóley,
sem bætti Íslandsmet í réttstöðu-
lyftu í f lokki U23 þrátt fyrir brotin.
Stutt er síðan Sóley var kosin
kraftlyftingakona ársins 2020 en
hún keppir bæði í unglinga- og full-
orðinsf lokki. Hún varð Evrópu-
meistari þrjú ár í röð frá 2017  til
2019 í f lokki U18 og heimsmeistari
í sama f lokki árið 2019 og er því
óhætt að segja að framtíðin sé björt
hjá þessari öf lugu kraftlyftinga-
konu. Hún tók undir að það væri
viðurkenning en á sama tíma hvatn-
ing að fá nafnbótina Kraftlyftinga-
kona ársins undanfarin tvö ár.
„Algjörlega. Það var mikil hvatn-
ing að vera kosin Kraftlyftingakona
ársins og hvetur mann áfram.“
Sóley, sem vinnur sem sjúkraliði
í heimahjúkrun hjá Reykjavíkur-
borg, ákvað á síðasta ári að flytja til
Reykjavíkur og keppir þessa dagana
fyrir hönd Breiðabliks. Aðspurð
sagðist hún vera ánægð með að hafa
tekið þetta skref.
„Ég er mjög ánægð með þessa
ákvörðun. Aðstæðurnar eru frá-
bærar, gott umhverfi og góður
félagsskapur. Fyrir vikið er þetta
mjög hvetjandi. Eina eftirsjáin er að
fjölskyldan varð eftir fyrir norðan
og það er smá söknuður eftir þeim.“
kristinnpall@frettabladid.is
Bætti Íslandsmet þrátt fyrir
að hafa brotið tær í upphitun
Kraftlyftingakonan Sóley Margrét Jónsdóttir bætti fimm Íslandsmet og tvö Norðurlandamet á Reykja-
víkurleikunum, þrátt fyrir að tábrotna fyrir lokagreinina. Þessi nítján ára aflraunakona hefur undanfar-
in tvö ár verið kosin kraftlyftingakona ársins og hefur verið í sérflokki í sínum aldursflokki á heimsvísu.
Sóley Margrét er þrefaldur Evrópumeistari og heimsmeistari í unglingaflokki. MYND/JENS ANDRI FYLKISSON
EXTRA GOTT VERÐ
Í TILEFNI KONUDAGSINS
Gerðu vel við
konuna í þínu lífi!
AKUREYRI · BARÓNSSTÍG · REYKJANESBÆ
Rósavöndur
7 stk. í vendi
999KR.
Ég lenti í því
óheppilega atviki
að brjóta tvær tær í upp-
hitun fyrir réttstöðulyftuna.
Sóley Margrét Jónsdóttir
2 0 . F E B R Ú A R 2 0 2 1 L A U G A R D A G U R16 S P O R T ∙ F R É T T A B L A Ð I Ð
SPORT