Heilbrigðisskýrslur - 01.12.1994, Side 83

framkvæmd á dag- eða göngudeildum eru framkvæmd með innlögn á litlu
sjúkrahúsunum (Annus Medicus 1994).
6-4.1 Lyfjakostnaður
Frá 1. ágúst 1992 greiða sjúklingar 25% af verði hvers lyfs upp að kr. 3000. Elli- og
órorkulífeyrisþegar greiða 10% upp að kr. 700. Á sama tíma tóku gildi frekari
^reytingar sem allar miða að því að draga úr útgjöldum ríkissjóðs vegna lyfjakostnaðar.
Sérstaklega er þess vænst að nýjar reglur, sem skylda lækna til að geta þess á
lyfseðlinum hvort breyta megi lyfjaávísun í ódýrasta samheitalyf hverju sinni komi til
með að skila árangri (Einar Magnússon, Heilbrigðis- og tryggingamálaráðuneytið,
Lyfjamáladeild).
Kostnaður sjúkratrygginga vegna lyfja á árinu 1992 var 2.753 miljarðar króna en
samkvæmt spá frá 1990 var gert ráð fyrir að kostnaðurinn færi í 3.300 miljarða króna.
(Eggert Sigfúson og Einar Magnússon, 1997, bls. 7).
Deilur hafa staðið um nýtt frumvarp til lyfjalaga, en ný lög gengu í gildi 1. júlí 1994,
bar sem allir lyfjafræðingar geta í raun fengið leyfi til að setja á stofn og reka apótek.
Samkvæmt lögunum ganga einnig í gildi nýjar reglur með frjálsa verðmyndun á
handkaupalyfjum meðan verð lyfseðilsskyldra lyfja verður ákveðið af hinu opinbera.
^egna mótstöðu apótekara við auknu frelsi í lyfjasölu var gildistöku að hluta frestað til
1 ■ nóvember 1995 og hugsanlegt er að sú frestun verði framlengd.
6.5. Kvartanir og kærur
Samkvæmt lögum um heilbrigðisþjónustu ber landlækni að sinna kvörtunum og
kærum sem varða samskipti almennings og heilbrigðisþjónustunnar. Fjöldi kvartana
Sem berast Landlæknisembættinu hefur margfaldast á undanfömum árum. Árið 1993
voru skráðar 220 kvartanir en 256 árið 1994. Algengust eru meint mistakamál og síðan
samskiptaörðugleikar.
Aukning mála síðastliðnn áratug á sér vafalaust margar skýringar. í fyrsta lagi má
Vera að skráning sé orðin nákvæmari en áður. í öðm lagi að fólk er orðið meðvitaðra um
rett sinn og lítur ekki lækna og aðra heilbrigðisstarfsmenn sem óskeikula. Meiri kröfur
eru gerðar til þess að heilbrigðisstarfsmenn standi skil á gjörðum sínum. í þriðja lagi má
nefna að heilbrigðisþjónustan er orðin flóknari og tæknivæddari en áður og fleiri
starfsmenn kom að máli hvers sjúklings. Hætta eykst á því að eitthvað fari úrskeiðis í
samspili allra þessara aðila.
79