Rit Mógilsár - 2019, Blaðsíða 66

66 | F a g r á ð s t e f n a 2 0 1 9

trjátegund, sem e.t.v. gætu gefið vísbendingar um hvað vert væri að skoða nánar í
framtíðinni (5. og 6. mynd).

Þar sem endurtekningar eru fáar verða niðurstöðurnar að skoðast sem vísbendingar.
Sýnishornaraðirnar benda þó enn frekar til að moltan henti birkinu vel. Þarna kemur
líka í ljós að önnur gerð af moltu sem eingöngu er úr garðaúrgangi, hér kölluð safn-
haugamolta, gefst frábærlega fyrir báðar trjátegundir.
Fáein áburðarkorn undir plönturnar gáfu mjög góða raun og sumarið eftir gróður-
setningu voru a.m.k. birkiplönturnar sem fengu þessa meðferð sérlega jafnar og
fallegar. Eftir 4 vaxtarsumur í sandinum voru áburðaráhrifin þó farin að dvína verulega
og trén í þessari meðferð farin að dragast aftur úr.
Meðal meðferða var sáning af hvítsmára og lúpínu í þeim tilgangi að taka við því
hlutverki að afla köfnunarefnis þegar áburðarmeðferðirnar færu að gefa eftir. Frekar
illa gekk að fá hvítsmárann og lúpínuna til að spíra og vaxa þegar fræið var sett í
bakkann með plöntunum fyrir gróðursetningu. Betri árangur fékkst við að dreifa
fræinu í moltuna kringum plöntuna, sérstaklega hvað varðar hvítsmárann (um 50%
árangur).
6. mynd. Meðalhæð lerkis eftir ýmsum sýnishorna-meðferðum 2018 (4 vaxtarsumur).