Rit Mógilsár - 2019, Blaðsíða 7

R i t M ó g i l s á r | 7

Landnotkun og loftslagsmál – stefnumörkun stjórnvalda
Björn Helgi Barkarson
umhverfis- og auðlindaráðuneytið
bjorn.helgi.barkarson@uar.is
Útdráttur
Ríkisstjórn Íslands hefur lagt fram fyrstu útgáfu aðgerðaáætlun í loftslags-
málum þar sem mörkuð er stefna í samræmi við markmið Parísarsamningsins
til 2030 og markmið ríkisstjórnarinnar um kolefnishlutleysi landsins árið 2040.
Stór hluti aðgerðaáætlunar byggist á því að landnotkun og breytingar á henni
séu í þágu loftslagsmála og hefur umhverfis- og auðlindaráðuneytið sett fram
áherslur stjórnvalda varðandi undirbúning, framkvæmd og mat á árangri að-
gerða á því sviði:
1. Dregið verði úr losun frá landi eins og kostur er og aðgerðum forgangsraðað í sam-
ræmi við það
2. Grunnupplýsingar um losun og bindingu séu til staðar svo unnt sé að leggja mat á
árangur verkefna með hliðsjón af kröfum Loftslagssamningsins og reglna Evrópu-
sambandsins
3. Aukið verði við þekkingu og skilning á eðli losunar og bindingar gróðurhúsaloftteg-
unda vegna landnotkunar með rannsóknum, þróun og fræðslu
4. Aðgerðir sem ráðist er í feli í sér ávinning í loftslagsmálum og uppfylli kröfur um
varanleika aðgerða
5. Aðgerðir séu í samræmi við viðmið sem sett hafa verið samkvæmt lögum og alþjóð-
legum skuldbindingum Íslands
6. Loftslagsaðgerðir og forgangsröðun þeirra styðji við stefnumótun stjórnvalda, m.a.
um landnotkun
7. Aðgerðir verði unnar í samstarfi við félagasamtök, einkaaðila, sveitarfélög, stofnanir
og aðra hagaðila
Skógræktinni og Landgræðslunni hefur verið falið að vinna aðgerðaáætlun um
kolefnisbindingu í gróðri og jarðvegi og samdrátt í losun gróðurhúsaloftteg-
unda frá landi í samræmi við þessar áherslur og leita eftir samstarfi við sem
flesta um að hrinda henni í framkvæmd.