Rit Mógilsár - 2019, Blaðsíða 6

6 | F a g r á ð s t e f n a 2 0 1 9

Kolefnispólitíkin: Lífríki á landi og mannfólkið
Halldór Þorgeirsson
formaður Loftslagsráðs
halldor.thorgeirsson@gmail.com

Útdráttur
Mannkynið hefur þegar gripið inn í kolefnishringrás jarðarinnar með svo
afgerandi hætti að meiri háttar breytingar eru að verða á orkubúskap jarðar-
innar og jarðkerfinu öllu. Eina færa leiðin til að hemja þá röskun á veðra-
kerfunum sem komin er af stað er að koma aftur á hnattrænu jafnvægi milli
losunar og bindingar gróðurhúsalofttegunda.
Parísarsamkomulagið hefur það markmið að slíku jafnvægi í kolefnisbúskap
jarðarinnar verði náð upp úr miðri öldinni. Sviðsmyndir Milliríkjanefndar S.þ.
um loftslagsbreytingar (IPCC), sem samræmast því markmiði að halda hnatt-
rænni hlýnun á öldinni við 1,5 °C, gera allar ráð fyrir gífurlegri aukningu í bind-
ingu á næstu áratugum.
Lífríkið og vistkerfi á landi gengna því lykilhlutverki í kolefnispólitíkinni og
velferð mannkyns þar sem mannfólkið er hluti af vistkerfinu og háð því á
margvíslegan hátt.
Farið verður yfir hnattræna samhengið til að setja bætta umgengni um landið
og aðgerðir til að endurheimta vistkerfi jarðvegs, votlendis, skóglendis og
annars þurrlendis hér á landi í samhengi. Þetta verður tengt við alþjóðlegar
skuldbindingar bæði vegna uppgjörs 2030 og vegferðina að kolefnishlutleysi
2040.
Einnig verður vikið að álitamálum í mótun á alþjóðlegum uppgjörsreglum
bæði fyrir ríki og aðgerðir til að jafna út losun.