Rit Mógilsár - 2019, Blaðsíða 47

R i t M ó g i l s á r | 47

Í framtíðarsýn Kolviðar kemur m.a. fram að Kolviður vill vera fyrsti valkostur sam-
félagsábyrgra fyrirtækja og stofnana sem samstarfsaðili við að kolefnisjafna óhjá-
kvæmilega losun þeirra á viðskipta- og samkeppnislegum forsendum.
Kolviður vill vinna með fagaðilum og kosta að hluta rannsóknir á möguleikum til
kolefnisbindingar jafnframt því að stunda rannsóknir á gróðursetningar- og land-
bótaverkefnum sjóðsins. Stefnt er að því að sérstakur rannsóknarsjóður verði stofn-
aður. Kolviður hefur samið við Íslenska skógarúttekt á Mógilsá og annast hún mæl-
ingar á kolefnisbindingu í Kolviðarskógum. Fyrsta verkefnið þar sem unnið verður að
rannsóknum með fagaðilum er Tilraunaverkefni vegna Loftslagsskógar á Mosfellsheiði
sem unnið verður í samvinnu við Rannsóknarstofnun Skógræktarinnar á Mógilsá,
Mosfellsbæ, Skógræktarfélag Mosfellsbæjar og Skógræktarfélag Reykjavíkur.
Það eru ekki áform um að Kolviður ráði yfir verktakastarfsemi, fremur að stuðla að því
að til verði áreiðanlegir aðilar sem geti annast gróðursetningu og umsjón
ræktunarsvæða með ábyrgum hætti. Í upphafi starfsemi Kolviðar var samið við
Skógræktarfélag Rangæinga og sá félagið um gróðursetningu á Geitasandi en það
land er leigt af Landgræðslu ríkisins. Á Úlfljótsvatni hefur verið samið við Skógræktar-
félag Íslands, sem jafnframt er landeigandi, um gróðursetningu þar sl. tvö ár og mun
félagið annast gróðursetningu næstu tvö árin. Við leigu á landi verður áfram miðað
við að ekki sé greidd leiga en að landeigandi eignist þá ræktun og landbætur sem
unnið hefur verið að þegar fullri bindingu er náð. Hafa ber í huga að þeir sem eru að
kolefnisjafna losun sína vilja gjarnan að gróðursetningin fari fram í heimabyggð þeirra
eða þannig að fyrirtækið eigi möguleika á að fara með starfsmönnum og skoða
svæðið og njóta þar útivistar. Nú er það svo að fram að þessu hafa það aðallega verið
fyrirtæki á suðvesturhorninu sem hafa verið að kolefnisjafna starfsemi sína og
gróðursetningin því beinst að Suðurlandinu, fyrst á Geitasandi, nú á Úlfljótsvatni og
horft er til Skálholts í framhaldinu.
Kolviður hefur gert samninga við um 50 fyrirtæki um kolefnisbindingu og með sam-
starfi við Klappir grænar lausnir hf. er líklegt að þeim fjölgi allnokkuð. Klappir grænar
lausnir eru með hugbúnað sem safnar upplýsingum um kolefnislosandi starfsemi
fyrirtækja, m.a. frá brennslu jarðeldsneytis í flutningum og akstri, vegna flugferða
starfsmanna, orkunotkunar og úrgangs. Þetta er gert í rauntíma með tengingum við
birgja fyrirtækjanna og reiknivélar þeirra. Klappir taka saman heildarlosun ársfjórð-
ungslega, en fyrirtækin ákveða hve mikinn hluta losunarinnar þau vilja kolefnisjafna
með Kolviði, Klappir innheimta bindigjaldið og skila til Kolviðar. Tvö fyrirtæki bjóða
starfsmönnum sínum að kolefnisjafna ferðir sínar til og frá vinnu og önnur tvö eru á
leiðinni. Við hjá Kolviði söknum þess að opinberar stofnanir sýni kolefnisjöfnun starf-
semi sinnar sama áhuga og fyrirtækin.
Í sumar er fyrirséð að planta þurfi 150 þúsund plöntum í um 60 hektara og á næsta ári
gerum við ráð fyrir að planta um 200 þúsund plöntum og þannig mun þetta
væntanlega vaxa enn um sinn.
Hafi skógræktarfélög land til umráða þar sem hægt er að þinglýsa kvöð um friðun
næstu 60 árin þá vill Kolviður gjarnan vita af því og ef skógræktarfélögin hafa getu til
að taka að sér gróðursetningu, áburðargjöf og umhirðu gegn greiðslu þá viljum við
sömuleiðis gjarnan komast í samband við þau. Það væri einnig áhugavert að fá
skógræktarfélögin með í að hvetja bæjarfélagið, fyrirtæki og einstaklinga í sinni
heimabyggð til að kolefnisjafna starfsemi sína. Kolviður getur aðstoðað við samn-