Börn og menning - 2018, Blaðsíða 19

19Barnabókaflóðið
upplestra og leikja. Stimpill með nýjum leiðbeiningum
leynist á tunnu sem lónar í flóðinu. Börnin fá að veiða
fiska og skrifa flöskuskeyti sem þau senda út í heim.
Þau geta jafnvel fundið myndskreytta fjársjóðskistu á
eyðieyju. Kistan er full af íslenskum barnabókum sem
þýddar hafa verið yfir á mismunandi tungumál. Hún er
fengin að láni frá Rauða krossinum. Íslandsdeild IBBY
gaf Rauða krossinum nýverið átta slíkar kistur með
þýddum bókum fyrir börn innflytjenda. Er það von
sýningarstjóra að bókunum í fjársjóðskistunni fjölgi á
sýningartímanum og að bókakostur kistunnar veki gesti
til umhugsunar um hvernig bjóða megi börn sem flytja
til Íslands velkomin.
Sögugerð og hugarflug
Ferðalangar Barnabókaflóðsins rekast á síðasta stimp-
ilinn hjá hröfnum Óðins í sjötta rýminu. Þar birtist
líka höfuð Miðgarðsormsins. Mynd úr bókaseríunni
Goðheimar eftir Peter Madsen gín yfir vinnuborði. Þar
geta börnin unað sér við að teikna kort af sögusviði
sínu og skrifa eigin sögu. Inn af sögusmiðjunni leynist
myrkvaður hellir með iðandi stjörnuhimni. Í myrkrinu
er tilvalið að leggjast út af og láta sig dreyma. Að hugar-
fluginu loknu fá börnin að teikna ímynduð stjörnu-
merki á stjörnukort sem Sævar Helgi Bragason leggur
til. Síðasta verkefni Barnabókaflóðsins er bráðskemmti-
leg bókmenntagetraun. Þegar þátttakendur hafa svarað
nokkrum laufléttum spurningum láta þeir getrauna-
blaðið í sérmerktan rauðan póstkassa. Dregið verður úr
pottinum mánaðarlega og að sjálfsögðu eru splunku-
nýjar barnabækur í verðlaun. Það eru allir hjartanlega
velkomnir á Barnabókaflóðið. Aðgangur er sem fyrr
segir ókeypis og opnunartíma sýningarinnar má finna á
heimasíðu Norræna hússins: http://nordichouse.is.
Ljósmyndir Kristín Ragna Gunnarsdóttir.
Höfundur er teiknari, rithöfundur og listrænn
stjórnandi Barnabókaflóðsins.