Börn og menning - 2018, Blaðsíða 20
Með fjölbreytnina
á bak við eyrað
Elín Elísabet Einarsdóttir
Á barna- og unglingabók-
menntahátíðinni Mýrinni sem
haldin var fyrir stuttu fór fram
málstofan Að týnast og finnast
í myndum: Myndveröld nú-
tímabarna. Þar ræddu mynd-
höfundarnir Anna Höglund,
Benjamin Chaud, Daniel
Mizielinski, Högni Sigþórsson,
Jenny Lucander og Rán Flyg-
enring stuttlega um það hvort
börn sjái myndefni sem hent-
ar þeim best og sem örvar þau og þroskar, heim sem
býður upp á ferðalög um ókunnar ævintýralendur og
uppgötvun eigin sjálfsmyndar. Málstofustjóri var Ragn-
heiður Gestsdóttir.
Einmanaleiki
Hin finnska Jenny Lucander talaði um mikilvægi þess
að geta tjáð sig nákvæmlega á þann hátt sem maður vill;
að ef maður geti ekki sagt frá því hver maður er finni
maður fyrir einmanaleika og ótta við að vera misskilinn.
Á sama hátt er auðvelt að upplifa sig einan í heimin-
um ef maður sér ekki sögur sem svipar til manns eig-
in. Teikningin er leið Jennyar til þess að stunda þessa
mikilvægu tjáningu og í leiðinni getur hún haft áhrif
út á við. Hún upplifir sig eins og kvikmyndaleikstjóra.
Öll smáatriðin í útliti og gerð sögupersónanna í sér-
hverri barnabók eru í hennar höndum. Þannig leggur
hún sitt af mörkum til þess að
breyta heiminum, enda er besta
leiðin til þess í gegnum yngstu
kynslóðina.
Frakkinn Benjamin Chaud
sagði að börn væru sjálfselsk,
það er að segja að þau vilji sjá
eitthvað sem þau kannast við í
barnabókum. Væntanlega má
heimfæra slíka sjálfselsku upp á
fullorðna sem gleðjast til dæm-
is yfir að sjá íslenskt landslag í
bakgrunni í Game of Thrones og James Bond. Við þráum
líklega öll að sjá okkar raunveruleika í víðara samhengi,
að samsama okkur með restinni af heiminum, að heyra
okkar sögu sagða. Ekki síst vegna þess að við erum agn-
arsmá þjóð og erum ekki endilega vön því.
Það virðist vera sammannlegt að geta tengt sjálfan
sig við það efni sem maður upplifir, hvort sem það er
bíómynd, skáldsaga eða barnabók. Barn sem elst upp
í íslenskri sveit er líklegra til að tengja við Helgi skoð-
ar heiminn en Grimms-ævintýri, þótt ekki væri nema
vegna þess að hraunið og fjöllin eru kunnuglegri en
evrópsku skógarnir.
Barnabækur eru listaverk
Í stuttum umræðum sem sköpuðust í lok málstofunnar
var rætt um gæði barnabóka. Fram kom að hlutfallslega
lítið er til af gæðaefni sem er gert á Íslandi og endur-
Við þráum líklega öll að
sjá okkar raunveruleika
í víðara samhengi,
að samsama okkur með
restinni af heiminum,
að heyra okkar sögu
sagða.