Morgunblaðið - 05.03.2021, Side 28

VIÐTAL
Helgi Snær Sigurðsson
helgisnaer@mbl.is
Fjölskyldusöngleikurinn Benedikt
búálfur verður frumsýndur á
morgun, laugardag, í Samkomu-
húsinu á Akureyri, uppfærsla
Leikfélags Ak-
ureyrar í sam-
vinnu við
Sinfóníu-
hljómsveit Norð-
urlands á hinu
vinsæla verki
Ólafs Gunnars
Guðlaugssonar
sem Þorvaldur
Bjarni Þorvalds-
son samdi tón-
listina við. Verk-
ið var fyrst sýnt árið 2002 og lék
Björgvin Franz Gíslason þá Bene-
dikt en nú er það Árni Beinteinn
Árnason sem leikur álfinn en
Björgvin er í öðru hlutverki í sýn-
ingunni.
Segir í söngleiknum af vinunum
Benedikt búálfi og Dídí manna-
barni og ferðalagi þeirra um Álf-
heima. Tóta tannálfi hefur verið
rænt og Álfheimar allir eru í
hættu. Benedikt og Dídí snúa bök-
um saman, reyna hvað þau geta að
bjarga Álfheimum og lenda í því
ævintýri í ýmsum uppákomum og
alls konar furðuverum. Auk Árna
og Björgvins leika í verkinu Val-
gerður Guðnadóttir, Kristinn Óli/
Króli, Þórdís Björk Þorfinnsdóttir,
Hjalti Rúnar Jónsson og Birna
Pétursdóttir en leikstjóri er Vala
Fannell.
Eldskírn með Lottu
Árni er nýlentur þegar blaða-
maður hittir hann yfir kaffibolla á
Bláu könnunni, hinu ágæta kaffi-
húsi á Akureyri, og á leiðinni á æf-
ingu. Árni flakkar þessa dagana
milli höfuðborgarinnar og Akur-
eyrar en hann fer einnig með hlut-
verk í annarri sýningu fyrir norð-
an, gamanverkinu Fullorðin sem
nú er sýnt í Hofi og hefur hlotið
góðar viðtökur.
Það er nóg að gera hjá Árna en
leiklistarbakteríuna fékk hann á
barnsaldri þegar hann lék í sýn-
ingum í Borgar- og Þjóðleikhúsinu,
auk þess að leika í sjónvarpsþátt-
um, útvarpsleikritum, kvikmynd-
um og koma auk þess fram í sjón-
varpi. „Þá kviknaði áhuginn á
kvikmyndagerð og ég prófaði að
gera stuttmyndir,“ segir Árni sem
útskrifaðist úr leiklistarnámi vorið
2018 og gekk þá til liðs við leikhóp-
inn Lottu og lék með hópnum í
heilt ár, undir berum himni að
sumri og innanhúss að vetri til.
„Þau eru svo metnaðarfull með
risastóran markhóp og það var al-
veg geggjuð reynsla,“ segir Árni
um tíma sinn með leikhópnum.
Sýningar hafi verið nær daglega
og keyrslan því mikil.
Rokk og berklar
Fyrsta verkefni Árna fyrir norð-
an var rokksöngleikurinn Vorið
vaknar sem þurfti að hætta sýn-
ingum á fyrr en til stóð út af Cov-
id-19-faraldrinum. Þá lék hann
einnig í Tæringu fyrr í vetur, verki
sem var sett upp í Hælinu, setri
um sögu berklanna á Kristnesi í
Eyjafjarðarsveit. Var það innblásið
af sögu berklasjúklinga sem þar
dvöldu á síðustu öld. Og nú er það
sýning fyrir alla fjölskylduna svo
Árni er kominn aftur í gírinn að ná
til yngstu áhorfendanna.
„Ég hef verið að safna skeggi
síðustu daga því nú má ég ekki
vera með skegg í marga mánuði,“
segir hann kíminn um hlutverk bú-
álfsins sem sendur er til mann-
heima að ná í unga stúlku, Dídí.
„Þegar tannálfurinn er horfinn
fara álfarnir að breytast í dökkálfa
og þetta gengur allt út á þennan
björgunarleiðangur, að finna tann-
álfinn,“ segir Árni til frekari út-
skýringar á söguþræðinum.
En hvernig persóna er búálf-
urinn Benedikt? „Hann er svona
sterkur og heilsteyptur karakter
sem er ástæðan fyrir því að hann
er lykilleikmaður í verkinu. Það
eru skrautlegir karakterar allt í
kring en hann er kletturinn, ofsa-
lega fjörugur, glaður og traustur.
Álfakonungshjónin velja hann til
að fara í þennan björgunarleið-
angur,“ svarar Árni.
Engar ýkjur
– Nú er oft talað um að börn séu
erfiðasti hópurinn að leika fyrir,
þau eru ekkert að þykjast hafa
gaman af því sem fram fer á svið-
inu og láta skoðanir sínar umbúða-
laust í ljós. Hvernig leggst það í
þig?
„Það leggst vel í mig. Ég hef
reynslu í þessari tegund leikhúss
og börn verða líka svo einlægt
heilluð af einhverju, hrífast með
þegar vel tekst til. Það verður von-
andi raunin og við berum alveg
jafnmikla virðingu fyrir börnum
sem áhorfendum og fullorðnu
fólki, við göngum ekki út frá því að
við séum að gera barnaleikrit,
reynum að hafa tilfinningarnar
sannar á sviðinu. Við erum ekki að
ýkja hlutina, stækka eða afbaka að
óþörfu, við erum ekki að tala niður
til krakkanna því á endanum koma
fjölskyldur saman að sjá þetta og
við viljum vera með verk og söng-
leik sem allir geta notið.“
– Er einhver boðskapur í verk-
inu, einhver lífsspeki?
„Já, bæði höfum við grínast með
að þetta sé eins og Karíus og
Baktus í dulbúningi, að allir eigi
að bursta tennurnar en kjarninn í
verkinu er að maður þurfi að sigr-
ast á eigin ótta til að takast á við
lífið. Á endanum snýst þetta svo
auðvitað um baráttu góðs og ills,
myrkurs og ljóss. Það eru mörg
góð þemu sem verkið vísar í, þemu
sem maður sér í mörgum öðrum
sögum sem blandast inn í þetta,“
segir Árni. Boðskapur sem eigi
alltaf við.
Björgvin Franz leikur álfakóng-
inn að þessu sinni og Árni er
spurður að því hvort Björgvin hafi
eitthvað verið að skipta sér af
túlkun hans á Benedikt. „Nei, ekki
nema í gríni,“ segir Árni sposkur
og bætir við að það komi sér
einkar vel að hafa þennan jákvæða
reynslubolta í sýningunni sem beri
með sér góða orku.
Fiðringur, ekki skrekkur
Verkið er söngleikur og því mik-
ið dansað og sungið. Lee Proud er
danshöfundur sýningarinnar og
Árni segist einmitt vera á leiðinni
á dansæfingu með Proud. Hann er
spurður að því hvort þetta sé ekki
mikið álag fyrir heilabúið, að læra
dans og söngva ofan á allan text-
ann og hreyfingarnar. Nei, æfing-
in skapar meistarann, svarar Árni
og allt að smella síðustu metr-
unum. Aðalmálið sé að læra ekki
allt í einu, aðgreina hina ólíku
hluta leiks, dans og söngs.
En hvað með sviðsskrekk? Er
Árni einn þeirra sem kasta upp áð-
ur en tjöldin eru dregin frá á
frumsýningardegi? Nei, alls ekki,
segir hann. „Mér finnst þetta svo
gaman og hefur þótt það síðan ég
var lítill strákur, að standa á sviði.
Það fer auðvitað um mig fiðringur
áður en tjaldið er dregið frá en ég
hef sem betur fer ekki þurft að
eiga við ofsalegt stress,“ segir
Árni.
Gefandi og fjölbreytt
Árni segir starf leikarans um-
fram allt gefandi og gaman að
vera í ólíkum verkefnum á borð við
Tæringu, Fullorðin og Benedikt
búálf. Í haust mun hann svo leika í
Skugga-Sveini sem Leikfélag
Akureyrar setur upp í samstarfi
við Þjóðleikhúsið. Verkið er eftir
þjóðskáldið Matthías Jochumsson
og með hlutverk Skugga-Sveins
fer Ólafía Hrönn Jónsdóttir og
Marta Nordal leikstýrir. Árni mun
fara með hlutverk Haraldar.
Af öðrum verkefnum Árna má
svo nefna talsetningar á barnaefni
og upplestur hljóðbóka. „Ég er
eiginlega alltaf beðinn að lesa
barna- og unglingabækurnar og í
talsetningum er ég alltaf að leika
stráklinga,“ segir Árni sposkur og
bætir við að hann sé þó umfram
allt þakklátur fyrir að hafa nóg á
sinni könnu.
Álfur Árni Beinteinn í gervi Benedikts búálfs á kynningarmynd. Verkið verður frumsýnt á morgun á Akureyri.
Sannar tilfinningar
 Árni Beinteinn Árnason leikur Benedikt búálf  „Hann er kletturinn, ofsalega fjörugur, glaður og
traustur,“ segir Árni um álfinn sem fær það verkefni að finna Tóta tannálf sem hefur verið rænt
Á́rni Beinteinn
Árnason
Fullorðinn Árni Beinteinn sem gamall maður í sýningunni Fullorðin.
28 MENNING
MORGUNBLAÐIÐ FÖSTUDAGUR 5. MARS 2021
Hæ sæti
– hvað vilt þú borða!
Bragðgott,
hollt
og næringar
ríkt
Smáralind, Kringlunni, Spönginni, Reykjanesbæ og Akranesi – dyrabaer.is
ÚTSÖLUSTAÐIR:
Byko, Selfossi | Garðheimar | Heimkaup |Dýrabær