Fréttablaðið - 28.08.2021, Qupperneq 30

Útgefandi: Torg ehf Veffang: frettabladid.isÁbyrgðarmaður: Björn Víglundsson Sölumaður auglýsinga: Ruth Bergsdóttir, ruth@frettabladid.is, s. 550 5653.
„Stemningin á samkomum Hjálp-
ræðishersins ber keim af léttleika,
gleði og alþjóðlegu andrúmslofti.
Þetta er heimilislegur andi og við
tölum alltaf um kirkjufjölskyld-
una okkar; það er fjölskylda sem
maður velur sér. Hér þekkjast allir,
án þess að þetta sé lokuð grúbba,
og þvert á móti eru allir hjartan-
lega velkomnir. Ef þú kemur á
samkomu hjá Hernum verður
talað við þig. Það er öllum heilsað
og á eftir er kaffi og spjall.“
Þetta segir Hjördís Kristins-
dóttir, svæðisforingi og f lokks-
leiðtogi hjá Hjálpræðishernum í
Reykjavík.
Samkomur Hersins eru í Her-
kastalanum á sunnudögum
klukkan 11 og þá er líka sunnu-
dagaskóli fyrir börnin.
„Aðsóknin hefur aukist mikið á
undanförnum árum og til okkar
kemur alls konar fólk. Hér áður
var það mikið til eldra fólk og þeir
sem áttu erfitt, en nú kemur fjöl-
skyldufólk og á öllum aldri og af
nokkrum þjóðernum, en aðallega
eru það Íslendingar og fólk frá
Suður-Ameríku,“ upplýsir Hjördís.
Ástæða þess að margir gesta
Hersins koma nú frá Suður-Amer-
íku er að undanfarin tvö ár hefur
margt f lóttafólk frá heims álfunni
komið til Íslands.
„Það er fólk með kristinn bak-
grunn og sem vill ekki vera út af
fyrir sig með sína trú heldur hluti
af íslensku samfélagi og kirkju-
fjölskyldunni okkar. Nýverið
bættist við starfsmannahópinn
spænskumælandi prestur, Jamie
Tablante, sem vinnur hjá okkur í
söfnuðinum. Við vorum upphaf-
lega með aðskildar samkomur, á
íslensku og spænsku, en í sumar
ákváðum við að sameina þær. Því
eru samkomurnar okkar mjög
fjölmenningarlegar og í sunnu-
dagaskólanum starfar fólk sem
talar íslensku, ensku og spænsku
við börnin,“ greinir Hjördís frá.
Á samkomum Hersins eru ekki
sungnir hefðbundnir sálmar
undir orgelleik heldur spilar
undir söngnum hljómsveit með
trommu, bassa og gítar.
„Það er pínu öðruvísi og ekki
endilega alltaf mesta fagfólkið
sem spilar undir heldur leyfum við
gleðinni að taka þátt. Stundum
syngjum við falskt og það er líka í
góðu lagi, því það er samveran sem
gildir. Við syngjum kristileg lög
á íslensku, spænsku og ensku og
það lifnar svo sannarlega yfir öllu
þegar suður-ameríski takturinn
bætist við. Fólk stendur upp og
dillar sér, sem það gerði reyndar
líka áður, en þessi suðræna sveifla
er fjörug og skemmtileg viðbót,“
segir Hjördís kát.
Herinn nýtur velvildar
Hjálpræðisherinn starfar eins
og venjuleg kirkja og tekur þátt
í öllum stórum viðburðum í lífi
fólks með kirkjulegum athöfnum,
svo sem við barnablessanir, ferm-
ingar, brúðkaup og jarðarfarir.
„Fermingar hafa verið hjá
Hernum síðan 2008. Í byrjun
árs fara fermingarbörnin okkar
í fermingarferð til Noregs og
kynnast þar starfsemi Hjálpræðis-
hersins, því norska hreyfingin er
stærri og þar kynnast þau breiðara
starfi en því sem við sinnum hér.
Fermingarfræðslan er hefðbundin
kristileg fræðsla en við tölum
líka við unglingana um forvarnir
gegn vímuefnum því margir sem
koma til okkar hafa lent í þeim
klóm, einnig um náin samskipti
kynjanna, að bera virðingu fyrir
sjálfum sér og öðrum, og við
kynnum hjálparstarfsemi Hersins
fyrir þeim,“ útskýrir Hjördís.
Hjálpræðisherinn byggir á mót-
mælendatrú eins og þjóðkirkjan og
er lítill kenningamunur á kristnum
gildum þjóðkirkjunnar og Hersins
sem er hluti af hinni almennu
kristnu kirkju hér á landi.
„Við verðum þess áskynja að
Herinn nýtur velvildar í sam-
félaginu og að fólki þyki vænt um
Herinn. Þeir sem þekkja Hjálp-
ræðisherinn frá gamalli tíð þótti
hann skrýtinn, þegar Norðmenn
stóðu á götum úti í herbúningum
og söfnuðu peningum, en það er
orðið mjög langt síðan það var og
í dag eru allir foringjar hér á landi
Íslendingar. Það er ekki prinsipp-
mál en við viljum sýna fólki sem
hefur af okkur aðra ímynd að í
Hjálpræðishernum er venjulegt
fólk sem vill láta gott af sér leiða
og á sér sameiginlegan kristilegan
bakgrunn. Það er trúin sem hvetur
okkur til verka,“ segir Hjördís.
Eftir samkomur hjá Hernum
fara gestir heim með fagurt vega-
nesti.
„Við hvetjum fólk til að nota
hendur sínar og fætur til að vera
ljós í heiminum. Ekki bara í orðum
heldur líka að láta verk sín vera
vitnisburð um það sem er gildi
okkar í lífinu og láta það ljós lýsa
í öllu okkar daglega lífi. Að trúin
endurspeglist í verkum okkar,“
segir Hjördís.
Þessa dagana eru kát skólabörn
áberandi í Herkastalanum, sem
Herinn skaut skjólshúsi yfir á
meðan gert er við Fossvogsskóla.
„Börnin eru nágrannar okkar og
okkar innlegg í þessa leiðinlegu
stöðu var að rétta fram hjálpar-
hönd. Mér finnst ótrúlega gaman
að lesa komment ánægðra foreldra
á Facebook, um að börnin tali um
að borða á fyrsta f lokks veitinga-
húsi í kastalanum og sum eru
agndofa innan um hermenn og
foringja og heilsa þeim að her-
mannasið, sem er mjög skemmti-
legt. Við erum ekki með neina
fræðslu um Herinn við skóla-
börnin, en það skapast kannski
umræður heima fyrir og þá geta
þau spurt kennarana út í hvað
Hjálpræðisherinn stendur fyrir.“ n
Allt um Hjálpræðisherinn á
herinn.is.
Hjördís segir suðrænan salsatakt nú lífga enn meira upp á skemmtilegar
samkomur Hersins. FRÉTTABLAÐIÐ/ÓTTAR
Við viljum sýna
fólki að í Hjálp-
ræðishernum er venju-
legt fólk sem vill láta gott
af sér leiða og á sér
sameiginlegan kristi-
legan bakgrunn. Það er
trúin sem endurspeglast
í verkum okkar.
Hjördís Kristinsdóttir
Í starfi sínu sem flokksleið-
togi tekst Ingvi Kristinn
Skjaldarson á við fjölbreytt
verkefni á hverjum degi.
Hann segir hjarta sitt alltaf
hafa slegið með fólki sem
minna má sín.
Ingvi Kristinn Skjaldarson er
flokksleiðtogi í Reykjavík og hefur
meðal annars umsjón með opnu
húsi Hjálpræðishersins þar sem
boðið er upp á heitan og nær-
ingarríkan mat virka daga milli
klukkan 12.15 og 14. Jaðarsettir og
efnaminni fá matinn endurgjalds-
laust en aðrir greiða 1.500 krónur
fyrir matinn að sögn Ingva. „Við
höfum boðið upp á heitan mat í
mörg ár. Ég stóð meðal annars fyrir
súpueldhúsi í gamla kastalanum
og þegar honum var lokað vorum
við tvo daga í viku í Mjóddinni.
Með opnun nýja kastalans bjóðum
við upp á heitan mat fimm daga
vikunnar.“
Matseðillinn er fjölbreyttur og
ættu flestir matargesta að finna
eitthvað við sitt hæfi. „Þetta er yfir-
leitt dæmigerður heimilismatur,
til dæmis góð súpa með heima-
bökuðu brauði, grillað kjöt, salt-
fiskur, hamborgari og svo reynum
við að bjóða upp á fisk tvisvar í
viku. Yfirleitt geta gestir valið milli
kjöt- eða fiskréttar og svo er líka
grænmetisréttur í boði. Kjötsúpan
okkar er til dæmis sérstaklega
vinsæl meðal erlendra matargesta
sem margir eru hrifnir af íslenska
lambakjötinu.“
Jákvætt og gott umhverfi
Það er alls konar fólk sem sækir
opin hús í hádeginu að sögn Ingva.
„Við lögðum upp með að allir gætu
mætt, einnig vinnandi fólk sem
greiðir hóflegt gjald fyrir máltíðina.
Þannig getur matargestur sem
borgar fyrir matinn setið við hlið
annars sem fær hana ókeypis. Við
vildum búa til eðlilegar aðstæður
fyrir þá minni máttar og skapa
jákvætt og gott umhverfi. Hér er til
dæmis þjónað til borðs og starfsfólk
ber virðingu fyrir öllum gestum
okkar. Hér geta því allir borið höf-
uðið hátt enda skiptir okkur öllu
máli að fólk haldi reisn sinni hér og
fái að halda virðingu sinni.“
Hjálpa alls konar fólki
Ingvi hefur starfað hjá Hjálp-
ræðishernum í átta ár og kann
vel við starfið. „Ég er f lokksleið-
togi og sinni að mörgu leyti sömu
störfum og prestur innan þjóð-
kirkjunnar. Þannig gifti ég fólk og
jarða aðra, sé um blessanir og um
ýmiss konar félagslegt starf, það
er, þennan samfélagslega hluta
hersins. Hjarta mitt hefur alltaf
slegið með fólki sem minna má
sín. Við erum nefnilega ekki bara
að aðstoða fólkið á götunni heldur
líka til dæmis fólk sem vantar
aðstöðu til að þrífa sig, þvo þvott
og f leira.“
Fjölbreytt verkefni
Það er því óhætt að segja að verk-
efnin séu bæði stór og smá. „Við
leitum líka uppi mál sem brenna á
samfélaginu á hverjum tíma fyrir
sig og förum í þau á þann hátt sem
við getum. Stundum líður mér
eins og við gætum gert betur en
herinn hefur svo sem takmarkað
afl en eitthvað getum við þó gert.
Svo má nefna að Hjálpræðisherinn
byrjar oft á ýmsum gagnlegum
verkefnum sem aðrir aðilar taka
yfir. Þá snúum við okkur að öðrum
verkefnum sem þarfnast krafta
okkar og enginn er að sinna. Þann-
ig vinnur herinn víða um heim.“ n
Hér geta því allir borið höfuðið hátt
„Með opnun nýja kastalans bjóðum við upp á heitan mat fimm daga
vikunnar,“ segir Ingvi Kristinn, flokksleiðtogi Hjálpræðishersins í Reykjavík.
FRÉTTABLAÐIÐ/ANTON BRINK
Er þakklátur fyrir þjónustuna
Margir fastagesta mæta á opnu húsin í hádeginu hjá Hjálpræðis-
hernum. Utan þess að þiggja hádegismat fara sumir í sturtu, aðrir
þvo þvott eða spjalla við aðra fastagesti. Einn fastagesta, sem ekki
vildi koma fram undir nafni, segist afskaplega þakklátur fyrir þá
þjónustu sem herinn býður upp á. „Hún var algjör vendipunktur fyrir
mig. Hingað er sannarlega gott að koma og það gefur mér smá öryggi
að hafa fastan stað hér yfir daginn.“
Hann lenti á götunni eftir að hafa dvalið um tíma á hóteli í Kópa-
vogi. „Þar dvaldi ég um tíma með hluta af dótinu mínu meðan annað
var í geymslu. Þar var engin þvottavél þannig að ég byrjaði að koma
hingað í desember á síðasta ári með óhreinan þvott. Síðan hef ég
vanið komur mínar hingað í hádeginu, fer hér í sturtu, les blöðin og
svo dottar maður stundum hér.“
Í dag gistir hann í gistiskýlinu en þar hefur hann lent í ýmsum ævin-
týrum. „Allur þvotturinn hvarf til dæmis eftir að ég kom úr meðferð.
Þar er ekki góð hreinlætisaðstaða, enginn spegill ef ég vil raka mig og
kranar eru bilaðir. Hér hjá Hjálpræðishernum er hreinlætið hins vegar
svo mikið að það er nánast hægt að borða af gólfinu. Hingað er gott
að koma, aðstaðan er frábær og starfsfólkið tekur vel á móti öllum.“
2 28. ágúst 2021 LAUGARDAGURHJÁLPR ÆÐISHERINN