Fréttablaðið - 28.08.2021, Page 41

Samskiptastjóri
Embætti ríkislögreglustjóra leitar að öflugum samskiptastjóra til starfa.
Ef þú hefur brennandi áhuga á notkun samfélagsmiðla og miðlun upplýsinga
og vilt starfa í síkviku umhverfi og vera partur af öflugu teymi sérfræðinga
þá viljum við þig í okkar lið. Um er að ræða tímabundna stöðu til eins árs
með möguleika á framlengingu til allt að eins árs.
Samskiptastjóri mun heyra undir þjónustusvið embættisins. Meginhlutverk samskiptastjóra verður að byggja upp, móta og sinna upplýsingamiðlun vegna starfsemi
embættis ríkislögreglustjóra, þróa notkun á stafrænum miðlum og sjá um skipulag viðburða og funda á vegum embættisins. Leitað er að einstaklingi sem hefur vilja og
færni til að styðja við megináherslur embættisins, sem eru þjónusta, forysta, mannauður, nýsköpun og samstarf.
Frekari upplýsingar um starfið
Embætti ríkislögreglustjóra er ríkisstofnun sem heyrir undir dómsmálaráðuneytið. Ríkislögreglustjóri hefur með höndum samhæfingu og samræmingu í störfum
lögreglu og annast ákveðna miðlæga þjónustu við lögregluembættin. Ríkislögreglustjóri hefur einnig með höndum sérstök verkefni samkvæmt lögreglulögum nr.
90/1996 og í samræmi við nánari ákvörðun ráðherra. Embætti ríkislögreglustjóra er lifandi vinnustaður þar sem starfa tæplega 200 starfsmenn sem sinna fjöl-
breyttum verkefnum. Lögð er áhersla á opin og jákvæð samskipti, markvissa starfsþróun og framfylgir embættið stefnu um samræmingu fjölskyldulífs og vinnu.
Umsóknarfrestur er til og með 13. september 2021
Umsókn skal skilað á netfangið starf@rls.is og þarf að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem
nýtist til að sinna starfinu í samræmi við þær hæfniskröfur sem fram koma í auglýsingu.
Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um. Embætti ríkislögreglustjóra hefur hlotið
jafnlaunavottun. Öllum umsóknum verður svarað að loknum ráðningum. Umsóknir geta gilt í 6 mánuði frá lokum umsóknarfrests.
Laun eru samkvæmt kjarasamningi fjármálaráðuneytis og hlutaðeigandi stéttarfélags. Vakin er athygli á því að samkvæmt 28. gr. a. lögreglulaga nr. 90/1996 má engan
skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér
háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og
málaskrám lögreglu. Einnig þurfa umsækjendur að uppfylla kröfur til að fá öryggisvottun á grundvelli reglugerðar nr. 959/2012.
Nánari upplýsingar veita
Ágústa H. Gústafsdóttir mannauðsstjóri, agustah@logreglan.is og Rannveig Þórisdóttir sviðsstjóri þjónustusviðs, rannveig@logreglan.is sími 444 2500.
Umsóknum skal skila rafrænt á starf@rls.is.
Almennt starfssvið samskiptastjóra
• Ber ábyrgð á upplýsingamiðlun embættisins til fjölmiðla, almennings og
annarra lögregluembætta.
• Ber ábyrgð á að móta samskiptastefnu embættisins og hefur eftirfylgni með
henni.
• Er yfirstjórn og öðru starfsfólki til ráðgjafar um miðlun upplýsinga.
• Þjónusta og samstarf við önnur lögregluembætti um samskipta- og
upplýsingamál.
• Samskipti við ráðuneyti, stofnanir og önnur lögregluembætti vegna
samskipta- og upplýsingamála.
• Skipulagning viðburða, funda, ráðstefna og málþinga á vegum embættisins.
• Kemur fram fyrir hönd embættisins þegar við á.
• Ber ábyrgð á og tekur þátt í erlendu samstarfi á vegum alþjóðastofnana sem
falla undir upplýsingamiðlun.
• Ber ábyrgð á þróun og rekstri innri- og ytri vefja lögreglu í samráði við önnur
lögregluembætti.
• Sinnir upplýsingamiðlun á innri- og ytri vefi lögreglu í samráði við önnur
lögregluembætti.
Menntunar og hæfniskröfur
• Háskólamenntun sem nýtist í starfi, s.s. nám á sviði markaðsfræði,
upplýsingafræði, fjölmiðlafræði eða annað sambærilegt skilyrði.
• Farsæl reynsla á sviði samskipta- og upplýsingamála.
• Þekking á stafrænum miðlum skilyrði.
• Brennandi áhugi á notkun samfélagsmiðla og miðlun upplýsinga.
• Framúrskarandi samskipta- og skipulagshæfileikar skilyrði.
• Frumkvæði, þjónustulund og jákvætt viðhorf.
• Mjög gott vald á íslensku í ræðu og riti er skilyrði.
• Mjög gott vald á ensku í ræðu og riti er kostur.
• Þekking og reynsla af miðlun upplýsinga með ólíku formi kostur.
• Reynsla af störfum á fjölmiðlum kostur.
RÁÐNINGARRÁÐGJÖF RANNSÓKNIR
Intellecta ehf. Síðumúla 5 108 Reykjavík 511 1225 intellecta.is
Intellecta er sjálfstætt þekkingarfyrirtæki stofnað árið 2000. Við vinnum með stjórnendum
við að auka árangur, bæta rekstur og efla stjórnun. Ráðgjafar Intellecta hafa sterkan faglegan
bakgrunn og víðtæka alþjóðlega reynslu. Þennan grunn notum við í samvinnu við viðskiptavini
til að móta hugmyndir sem skipta máli og í innleiðingu lausna sem skila árangri.
ATVINNUBLAÐIÐ 11LAUGARDAGUR 28. ágúst 2021