Morgunblaðið - 25.06.2021, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 25. JÚNÍ 2021
KRÍT
Nýr áfangastaður í sumar
Beint flug til Krítar
verð frá 106.900kr.
www.sumarferdir.is | info@sumarferdir.is | 514 1400
Innifalið: Flug, valin gisting, innritaður farangur,
handfarangur og morgunverður
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Karítas Ríkharðsdóttir
karitas@mbl.is
Það var glampandi sól, varla ský á himni og
um sextán gráður þegar blaðamann og ljós-
myndara bar að garði á Seyðisfirði í gær,
rétt rúmum sex mánuðum eftir að þrjár aur-
skriður féllu í syðri hlíðum fjarðarins og allt
breyttist.
Nýtt hættumat vegna ofanflóða hafði ný-
lega verið staðfest þegar hörmungarnar
dundu á bænum.
„Þetta var bara eitthvað sem enginn átti
von á og var í rauninni mjög einstakt,“ segir
Aðalheiður Bergþórsdóttir, fyrrverandi sveit-
arstjóri á Seyðisfirði og núverandi fulltrúi
sveitarstjóra. Hún útskýrir að í nýlegu
hættumati hafi einungis verið reiknað með
mikilli hættu innar í firðinum þar sem fyrri
tvær aurskriðurnar féllu.
Stærsta aurskriðan féll 18. desember,
nokkuð utarlega í firðinum sunnanverðum.
Sjálf er hún búsett á svæðinu þar sem stóra
skriðan féll og horfði á húsið sitt hverfa í
myrkrið og rykið sem þyrlaðist upp við aur-
skriðuna. Síðar kom í ljós að aurskriðan hafði
beygt af leið og blessunarlega ekki lent á
húsi Aðalheiðar, þar sem synir hennar voru.
Sárin farin að gróa
Allt í kringum hús Aðalheiðar má sjá
svæði sem hefur verið hreinsað, grafið og
heflað. Læknum sem rennur undan fossinum
í hlíðinni hefur verið veitt í nýjan farveg og
grjóti raðað meðfram. Varnargarðar hafa
verið myndaðir til bráðabirgða úr aurnum
sem féll og í hann sáð. Gras er tekið að
spretta úr jarðvegssárinu og segja má að
sárin séu bókstaflega farin að gróa á Seyð-
isfirði.
Aðalheiður segir almenna ánægju ríkja
með hreinsunarstarf í bænum enda hafi það
verið tekið föstum tökum. Sveitarfélagið fer
með verkstjórn á hreinsunarstarfi sem er að
miku leyti greitt af Ofanflóðasjóði og Nátt-
úruhamfaratryggingum.
Hún segir svæðið ekki síst merki um nýtt
upphaf. „Ég er bjartsýn. Mér finnst þetta
spennandi,“ segir Aðalheiður.
Hús færð á torfuna
Sérstök verkefnastjórn hefur unnið í at-
vinnumálum á Seyðisfirði eftir hamfarirnar
sem og sérstök ráðgjafanefnd um færslu átta
húsa, sem hægt er að flytja af hættusvæðinu
inn í bæinn í kringum lónið.
„Ég held að þetta muni styrkja þessa torfu
í kringum lónið. Fram komnar hugmyndir eru
mjög spennandi,“ segir Aðalheiður. Hún bæt-
ir því við að flutningur húsa sé kostnaðarsöm
aðgerð og verið sé að meta þann kostnað.
Samstarfsnefnd ráðuneytanna vegna Seyð-
isfjarðar var stödd á svæðinu á þriðjudag að
skoða aðstæður.
„Ég trúi því að allir aðilar og þingmenn
sem komið hafa að heimsækja okkur séu
bjartsýnir á að geta lagt eitthvað af mörkum,
því að þetta eru menningarverðmæti.“
Rannsaka þurfi sífrerann
Spurð hvort hægt verði að byggja svæðið
sem hefur verið hreinsað eftir aurskriðurnar
segir Aðalheiður að enn sé verið að rannsaka
aðstæður. Sérfræðingar á vegum Veðurstofu
Íslands meti hvernig ofanflóðavarnir hafi tek-
ist til. Búið sé að setja upp mikinn fjölda
mæla upp í hlíðina og áætlanir uppi um betra
dren. „Eins þarf að setja upp mæla í sífrer-
ann, það er ekki búið að rannsaka hann nógu
vel,“ segir Aðalheiður og bendir á snæviþak-
inn tind efst í hlíðinni. Enn eigi síðan eftir að
hækka og styrkja varnargarða sem settir
voru upp til bráðabirgða á svæðinu.
Nýr kafli að hefjast á Seyðisfirði
- Hreinsun langt kom-
in á hamfarasvæðinu
eftir aurskriðurnar
Morgunblaðið/Eggert
Allt fram streymir Hlíðin ber enn vitni um kraftana sem voru að verki. Læknum hefur verið veitt í nýjan farveg og grjóti raðað með straumnum.
Bjartsýn Aðalheiður horfir fram á veginn.
Höskuldur Daði Magnússon
hdm@mbl.is
„Þetta er eitt helsta útivistarsvæði
okkar Hafnfirðinga. Það skiptir
okkur máli að vatnið sé fallegt en
ekki eitt drullusvað,“ segir Rósa
Guðbjartsdóttir, bæjarstjóri í
Hafnarfirði.
Starfsmenn Hafnarfjarðarbæjar
unnu í gær að því að dæla vatni úr
nærliggjandi brunahana í Hvaleyr-
arvatn. Yfirborð vatnsins hefur
lækkað mikið síðustu vikur eftir
þurrkatíð í vor og því var tekin
ákvörðun um að bregðast við til að
bæta ásýnd svæðisins.
„Vatnið er mjög grunnt og uppi-
staðan í því er grunnvatn á svæð-
inu. Ef það rignir ekki þá lækkar
yfirborðið. Vatnsstaðan sveiflast
jafnan til en það hefur sjaldan verið
jafn lítið í Hvaleyrarvatni og núna,“
segir Rósa. Hún segir að þetta sé
ekki í fyrsta sinn sem vatni hafi
verið dælt út í Hvaleyrarvatn en
komin séu mörg ár síðan það var
gert síðast.
Samkvæmt upplýsingum frá
Hafnarfjarðarbæ er Hvaleyrarvatn
1-2 metrar á dýpt um mitt vatnið.
Það er í dalkvos sem er umvafin
grágrýtishryggjum á þrjá vegu.
Vatnshlíð er við norðvestanvert
vatnið, Beitarhúsaháls og Húshöfði
að norðaustanverðu en Kjóadals-
háls og Selhöfði að austan og sunn-
an. Fyrir vestan vatnið er Sel-
hraun, sem er hluti Hellnahrauns-
ins eldra. Hraunið rann fyrir um
tvö þúsund árum og kom frá gígum
við Stóra-Bolla við Grindarskörð.
Þegar hraunið lokaði dalnum
myndaðist Hvaleyrarvatn í þessari
kvos þegar grunn- og regnvatn
safnaðist þar fyrir. Litlir vorlækir
eru úr nálægum hlíðunum en þar
er ekkert afrennsli.
Dæla vatni í Hvaleyrarvatn
- Vatnsstaðan
óvenjulág - Bæta
ásýnd svæðisins
Morgunblaðið/Arnþór Birkisson
Rennsli Starfsmenn Hafnarfjarðarbæjar bjuggu sig undir að dæla vatni í
Hvaleyrarvatn í gær. Vatnsstaðan hefur sjaldan verið jafn lág og nú.