Heilsuvernd - 01.09.1953, Blaðsíða 11

HEILSUVERN.D
71
Samt sem áður er það svo, að aðalreglan er sú, að lang-
lífi er miklu æskilegra en skammlífi, og mun ég leitast við
að rökstyðja það í þessu erindi, þó að efninu verði að sjálf-
sögðu lítil og ófullkomin skil gerð í stuttum fyrirlestri. En
rökum þeim, er að þessu hniga, má aðallega skipta í tvennt,
skynsemisrök og dulfræðileg rök, sem þó eru í raun og
veru einnig skynsemisrök. Það segir sig nú sjálft, að lang-
lífur maður hefur að öðru jöfnu aflað sér meiri lífsreynslu
en hinn, sem skammlífari er, hefir þessvegna átt þess kost
að læra meira af lífinu og einnig að láta meira gott af
sér leiða. Hann hefir skilað stærra dagsverki. Og jafnvel
þó að hann sé ef til vill ekki jafn miklum gáfum gæddur
og skammlífi maðurinn, getur þó líf hans orðið miklu far-
sælla og blessunarríkara og hlutur hans að flestu leyti
betri.
Því miður fer því fjarri hér á Vesturlöndum, að það sé
í sjálfu sér talið takmark, er keppa beri að, að ná hárri elli,
enda oft viðkvæði, eins og getið var í upphafi þessa máls,
að mennirnir eigi miklu fremur að kosta kapps um „að lifa
stutt og lifa vel“, eins og það er orðað. Að vísu má segja,
að þeir, er slikt mæla, séu litlir alvörumenn og beri ekki
að taka mikið mark á fleipri þeirra. En jafnvel meðal þeirra,
er alvörumenn geta talizt og fullkomlega ábyrgir orða sinna
og gjörða, ber allt of lítið á því, að nægilegum skilningi sé
til að dreifa á því, hve eftirsóknarvert það sé að lifa —
bæði vél og lengi. Þetta er í sjálfu sér því einkenniiegra,
þegar um kristna menn er að ræða, sem það er ótvíræð-
ara, að í trúarbók þeirra, Biblíunni, er því haldið fram
mjög eindregið, að hár aldur sé æskilegur. Einhvers staðar
í Gamla Testamentinu mun því vera haldið fram, að hinn
eðlilegi aldur mannsins sé að jafnaði 70 ár — en 80 ár,
þegar vel og viturlega sé lifað. Og eins og kunnugt er,
segir frá því í hinni helgu bók, að sumir hinna fyrstu
manna á jörðunni, svo sem t. d. Metúsalem, hafi náð óvenju-
lega háum aldri, 300 árum eða meira, og virðist ekki um að
villast, að hinn hái aldur þessara manna sé settur í sam-