Heilsuvernd - 01.09.1953, Blaðsíða 28

HEILSUVERND
Safnhaugagerð Haagborgar.
Fyrir 20 árum var í ráði að setja upp sorpbrennslustöð í
Haag í Hollandi. Úr því varð þó ekki, því að nokkrir áhuga-
samir menn stofnuðu hlutafélag í því skyni að nota sorp
borgarinnar til safnhaugagerðar. Náði félagið samningum
við borgarstjórnina á þeim grundvelli, að greiðsla fyrir
brottflutning sorpsins yrði ekki meiri en kostnaðurinn við
brennslu þess hefði orðið.
Yfir safnhaugasvæðinu hafa verið byggðar fjórar braut-
ir fyrir járnbrautarvagna, 6 m frá jörðu og 470 m langar,
og eru 16 m á milli þeirra. Sorpvögnunum er ekið eftir
þessum loftbrautum, 16 vögnum í senn, og tekur ekki nema
30 sekúndur að tæma þá gegnum op í botni þeirra. Sorpið
er síðan jafnað með sérstökum vélskóflum og vatni spraut-
að yfir iþá úr vatnsleiðslum, sem liggja meðfram járnbraut-
inni. Vatninu, sem rennur frá safnhaugunum, er safnað í
þró, og síðan er það notað aftur, til þess að engin áburðar-
efni úr safnhaugunum fari til spillis. Auk þess er í því
mergð gerla, sem flýta fyrir efnabreytingum í haugnum. Á
einum sólarhring er hitinn í haugnum kominn upp í 70 stig
á Celsíus eða vel það. Af þessu leiðir, að sorpið sótthreins-
ast þegar í byrjun, og rottur og önnur kvikindi fá skjótan
dauðdaga. Næsta dag er steypt úr sorpvögnum • ofan á
hauginn og þannig haldið áfram, unz haugurinn nær upp
undir brautina.
Efnabreytingarnar í haugnum taka 4 til 8 mánuði, og fer
það eftir árstíma. Á þessu tímabili hefir honum verið bylt
einu sinni. Þá er haugnum, sem er nú svo að segja lyktar-
laus, hlaðið á vagna, sem flytja hann inn í verksmiðjubygg-
ingu. Þar er hann settur á sigti, sem er á stöðugri hreyfingu,
verðmætir hlutir, málmar o. þ. h. skilið frá, grófustu hlutar
malaðir og allur nýtilegur áburður þannig fínmulinn flutt-
ur á færiböndum út á flutningabifreiðir eða skip.