Heilsuvernd - 01.04.1958, Side 34

26
HEILSUVERND
menn hafa fengið skyrbjúg, þótt nægilegt hefðu af henni.
Eitthvað hefir þar vantað.
Það er einmitt þetta, sem ég vil vekja athygli ykkar á.
Er ekki mikið af vanlíðan manna og dýra nú gerfirækt-
uninni að kenna? Ber ekki að hvetja bændur alla til þess
að drýgja sem mest og nota út í æsar sinn húsdýraáburð?
Hitt er staðreynd, að sumir telja það ekki ómaksins vert,
að bera hann á, og eiga hálffull hús af taði, sem aldrei
er mokað út.
Þá er líka heillavænlegra að nota síldarmjöl til fóður-
bætis og drýginda, en útlent fóðurkorn, sem drifið er upp
með gerfiáburði. Síldin og fiskarnir lifa ekki á gerfisulli
í sjónum. Þessvegna má treysta á síldar- og fiskimjöl til
fóðurs.
Ég hefi jafnan keypt og gefið gripum síldarmjöl, siðan
farið var að framleiða það hér. Hefir mér reynst það ágæt-
lega. Þó má ekki gefa kúm mikið af því, meðan þær hafa
ekki fengið kálf.
Að lokum vil ég segja þér hvernig ég og við hér nær-
umst daglega, sem höfum þessa ágætu hreysti, sem ég
er að gorta af. Við höfum næga og góða mjólk, skyr og
smjör, svo er borðað kjöt daglega með jarðeplum og fisk
ur einstöku sinnum. Ég drekk lítið kaffi en mikið brenni-
vín. Konan aftur mikið og sterkt kaffi, en er stálhraust
samt. Kjötið er gott, ég lóga æfinlega vænum kindum, sem
eru ekki fóðraðar eingöngu á gerfiræktaðri töðu og korni.
Ég hefi þá reglu að bera húsdýraáburð á hálft túnið ár-
lega, svo það fái hinn dýrmæta skammt annað hvort ár.
Líka kosta ég kapps um að koma húsdýráburði ofan í all-
ar nýræktir, áður en í þær er sáð grasfræi, og gerðar að
frambúðartúni.
Nú er víst bezt að hætta þessu raupi Ég get auðvitað
rökstutt þessa kenningu mina um ívöntun tilbúna áburð-
arins mikið betur. Get tilfært mörg dæmi. Ég vil nú samt
fyrst heyra hljóðið í þér gagnvart þessu. Ég hefi þjarkað
um þetta.endalaust við búfræðingana. Þeir segja, að efna-