Strandapósturinn - 01.06.1985, Síða 83

Jón Einarsson:
Vesturheims-
ferð
frá Islandi í júnímánuði 1888
skráð af Jóni Einarssyni frá
Valdasteinsstöðum í Hrútafirði
Eftir ósk ýmsra landa minna áður en ég fór að heiman á síðast-
liðnu vori, sem og tilmælum margra þeirra er með mér voru í
ferðinni, vil ég hér með leyfa mér að fara nokkrum orðum um
framgöngu manna þeirra, er mest voru viðriðnir útflutninginn
fyrir hönd „Allanlínunnar" og meðferð á farþegum yfir höfuð.
Það mun því liggja næst fyrir að minnast á útflutningsstjórann hr.
Sigfús Eymundsson í Reykjavík og get ég ekki annað sagt en að
mér féll að öllu leyti vel við hann fyrir eigin reynd, enda varð ég
ekki annars var en að allir mættu bera honum þennan sama vitn-
isburð. En vera má að honum hafi verið innan handar að sjá út-
flytjendum fyrir betra skipi til Skotlands en því, er við fórum með
(Copeland), sem að flestu leyti var óhæft til mannflutninga, bæði
vegna þess hvað það var lítið, sem og fleira er til óþæginda mið-
aði. Er það illa að ekki skuli skeytt um af þeim, er ráðið geta, að fá
mönnum far með skipum, sem talin verða sjófær, heldur grípa
hverja vöruflutningakollu, sem hægast er að ná í það og það sinn-
ið, því að áreiðanlega er heilbrigði ungra og aldinna í ferðinni
mest undir því komið að skipið sé nógu rúm-mikið (loftgott) og
ekki kvikt á báru.
81