Strandapósturinn - 01.06.1985, Síða 115

Haust eitt réru þeir allir til fiskjar á sama báti. í tilefni af því orti
Guðjón:
„Ragnar heldur reikninginn
reynir Þóröur stjórnvölinn.
Húsbóndinn með hárautt skinn
hefur í standi útveginn. “
Guðmundur var maður rauðhærður. Þriðji tengdasonurinn var
Haraldur Guðjónsson, en hans er ekki getið í vísunni.
Næsta vísa er ort í fiskvinnsluhúsi á Hólmavík.
Guðjóni þótti oft gestkvæmt þar af ungum mönnum.
„Ungir menn oft inn hér gá,
allt með sitt til reiðu.
Mcena þeir allir mittið á
Mörtu, Ásu ogHeiðu."
Eftir að Guðjón flutti til Hólmavíkur hafði hann smíðaskúr rétt
við húsið. Þar smíðaði hann aðallega amboð fyrir bændur og not-
aði þá þann tíma er ekki var annað verk að fá. Dag einn kom í
skúrinn til hans Sigvaldi Kristjánsson frá Ósi. Barst þá talið að
manni einum, sem átti heima á Hellu á Selströnd. Varð þá til þessi
vísa:
„Hellustaðar og Hóla Gvendur
hingað kominn í bæinn er.
Get ég hann sé af guði sendur
gálausa menn að siða hér.
Hann er upþalinn held ég best
af hreppstjórum tveimur og einum prest. “
Strákar voru á „kenndiríi" eitt kvöld og fram á nótt á Hólmavík.
Daginn eftir kom þessi vísa á kreik:
113