Strandapósturinn - 01.06.2003, Qupperneq 11

Ferðafélagar í sumarferð.
ið, Árnesingafélagið, Átthagafélag Strandamanna og Svarfdæl-
ingafélagið en Skagfirðingafélagið mætti ekki. Stjórnandi, höf-
undur spurninga og dómari var Helgi Seljan f.v. alþingismaður.
Sigurvegari í spurningakeppni átthagafélaganna árið 2002
varð Breiðfirðingafélagið. Allir keppendur fengu Sögukort, út-
gefandi Mál og menning. Sigurliðið fékk auk bókarinnar gist-
ingu á vegum ferðaþjónustu bænda. Fyrir okkar hönd kepptu
þeir Guðmundur Björnsson frá Melum, Haukur Jóhannsson frá
Reykjarfirði og Friðrik Jensen frá Djúpuvík, allir úr Árnes-
hreppi. Mæting á spurningakeppnina var frekar dræm.
Vorball var haldið í Breiðfirðingabúð 12. apríl. Var það vel
sótt og mikið fjör fram á nótt. Upplyfting sá um að allir skemm-
tu sér sem best. Kaffidagurinn ar auðvitað á sínum stað þann
12. maí og er ekki að spyrja að, alltaf jafn vel sóttur og okkur
fært mikið meðlæti með kaffinu. Það er afskaplega gaman hvað
fólk tekur mikinn þátt í þessu með okkur og gerðir daginn eins
glæsilegan og raun ber vitni. Án ykkar aðstoðar Strandamenn,
væri þetta ekki hægt. Þakka ykkur kærlega fyrir hjálpina. Aðal-
fundurinn var haldinn 15. maí. Starfsemi kórsins var með svip-
9