Strandapósturinn - 01.06.2003, Qupperneq 18

Guðlaugur Gíslason
frá Steinstúni:
Bringingin á
Norðurfirði
og strand-
ferðirnar
Bringingin
Nokkur orð til að byrja með
Það var íyrir nokkrum árum að í tal barst að nauðsylegt væri
að festa á blað lýsingu á þeim vinnubrögðum sem voru viðhöfð
við „bringinguna“ á Norðurfirði og þeim aðstæðum sem voru
þar þegar siglingar hófust þangað á síðasta áratug nítjandu ald-
ar og fram undir miðja síðustu öld. Að sjálfsögðu man ég ekki
þessa sögu frá byrjun og nú er enginn til frásagnar frá þeim
tíma. Hins vegar tel ég mig muna vel eftir vinnubrögðunum,
sem hér er fjallað um aftur til síðari hluta fjórða áratugar tuttug-
ustu aldarinnar. Væntanlega hafa vinnubrögðin í upphafi ekki
verið mjög frábrugðin því sem tíðkaðist á þeim tíma.
Eg er fæddur og uppalinn á Steinstúni, sem er næsti bær við
Tangann, og byrjaði snemma að sniglast í kringum þessa starf-
semi og að sjálfsögðu var margt um þetta rætt á mínu æskuheim-
ili. Líkt og aðrir unglingar var ég ekki ýkja gamall þegar ég fór
að vinna í bringingu og stunda aðra vinnu á Tanganum eftir því
sem tilefni gafst til og aðstæður leyfðu. Líklega var ég 8-10 ára
16