Strandapósturinn - 01.06.2003, Page 20

Norðurfjörður og Trékyllisvík. Kaupfélagshúsin á Tanganum fjærst t.v.
hús Guðjóns Jónssonar á Stekknum á miðri mynd t.v. Njálsstaðir neðst
t.h. Myndin tekin um 1940.
Upphafið
Fyrir og um aldamótin 1900 komst verulegur skriður á að
stofnað væri til verslunar á félagslegum grunni í Arneshreppi.
Fyrst með stofnun deildar í Verslunarfélagi Dala- og Stranda-
manna og síðar í Verslunarfélagi Steingrímsi]arðar. Arið 1906
var Verslunarfélag Norðnrfjarðar, forveri Kaupfélags Stranda-
manna stofnað. Verður sú saga ekki rakin frekar hér.
Siglingar með vörur til og frá höfnum í Arneshreppi hafa í
gegnum tíðina að sjálfsögðu þróast í samræmi við verslun, byggð
og umsvif í hreppnum. Meðan verslunarstaðurinn var á Kúvík-
um við Reykjarfjörð sigldu skipin þangað. Þegar verslun hófst á
Norðurfirði hófust siglingar þangað og svo eftir það.
Að líkindum hefir Norðurfjörður verið valinn sem verslunar-
staður þegar hugað var að framtíðarstað fyrir verslun á nýjum
grunni, ef svo má segja, af þeirri ástæðu að siglingaleiðin inn á
fjörðinn er hrein og greiðfær. Fjörðurinn sjálfur er líka hreinn
af skerjum og grynningum, nægilega djúpur og góður haldbotn,
og því ágætt skipalægi. Hann lá líka nokkuð miðsvæðis miðað
við það svæði sem versluninni var fyrst og fremst ætlað að þjóna.
Á Ingólfsfjörð var, á þeim tíma, vandrötuð siglingaleið vegna
skerja utan fjarðarins, þó hann sé hreinn þegar inn er komið,
aðdýpi mikið og ákjósanlegar aðstæður til hafnargerðar. Þeirra
tíðar menn hafa líka þekkt það af reynslunni að í haflsárum fór
18