Strandapósturinn - 01.06.2003, Page 30

Lendingabœtur og hafnargerð
Þó gerðar væru allar mögulegar úrbætur á lendingunni á
Tanganum er ljóst að erfiðleikarnir á að byggja sæmilega
bryggju á staðnum hefir lengi fram eftir 20. öldinni valdið veru-
legum erfiðleikum við afgreiðslu skipanna. Fyrsta bryggjan var
þannig gerð að smíðaðir voru búkkar sem voru breiðastir neðst
og mjókkuðu svo upp. Búkkarnir voru fylltir af grjóti og á þá
negldir breiðir plankar sem gengið var eftir. Þessi búkkabryggja
náði ekki langt fram og hallaðist eftir fjörunni og fór því á kaf
þegar féll að og því meira sem meira féll að. Að þessari bryggju
hefir eflaust verið mikil bót og var hún notuð þar til ráðist var í
rammgerðari hafnarmannvirki.
Það leiðir af eðli málsins að snemma myndaðist almennur
áhugi á að bæta aðstöðu við afgreiðslu skipanna og var það eitt
helsta baráttumál Kaupfélagsins um áratuga skeið. Lengi vel fjár-
magnaði Kaupfélag Strandamanna hafnarframkvæmdirnar á
Tanganum að fullu og sá um alla framkvæmd þeirra mála. A
þriðja og fjórða áratugnum var starfandi innan félagsins sjóður
sem nefndur var „lendingabótasjóður“, sem standa átti undir
kostnaði við lendingabætur eins og nafnið bendir til. I hann
kom þó aldrei svo mikið fé að hann stæði undir þeim fram-
kvæmdum sem gerðar voru, enda gilti það e.t.v. einu því féð sem
í hann rann kom beint frá tekjuafgangi Kaupfélagsins.
Arið 1941 eða 1942 var smíðuð fyrsta varanlega bryggjan á
staðnum. Þetta var trébryggja líklega 10-15 metra löng. Að
bryggjunni var mikil bót þó stutt væri; bátarnir flutu að henni
þó nokkuð væri fallið út og Vogurinn var áfram notaður til við-
bótar á fjörunni eins og verið hafði.
Bryggjan var smíðuð úr tré og fyllt af grjóti. Henni var valinn
staður upp af vikinu sem varð í flúrurnar og áður er nefnt. Þar
var uppskipunarbryggjan síðan þar til hafskipabryggjan var
byggð á Thorshústanganum. Bryggjusmiðir voru þeir Gunnar
Njálsson á Njálsstöðum, Gísli Guðlaugsson á Steinstúni og Guð-
mundur Guðjónsson á Gjögri (síðar til heimilis á Kjörvogi). Vel
má vera að fleiri hafi komið þar við sögu. Gunnar og Gísli sáu
um timbursmíðina en Guðmundur var í smiðju og sló fram stóra
28