Strandapósturinn - 01.06.2003, Síða 87

■tfaimui
Svinghjólið. Ásgeir Gunnar Jónsson við hjólið í Hrísey 1996.
Sögunin var notuð í tvö ár og gríðarlega mikið sagað. Þegar
áðurnefndum mannvirkjum var lokið, hóf Ólafur byggingu síld-
arbræðslu. Þetta var 400 fermetra hús sem reist var á steyptum
undirstöðum en að öðru leyti úr timbri og bárujárnsklætt.
Einnig lét hann byggja 3000 mála síldarþró við bræðsluna. Hún
var þannig gerð að steyptir voru niður staurar um 10 feta háir
með fets millibili og klætt innan á þá með plönkum. Þetta var
allmikið mannvirki sem mikill viður fór í. Þegar þessum fram-
kvæmdum var lokið, lét Ólafur taka upp sögunarverkið og seldi
norður til Hríseyjar í Eyjafirði. Nokkru síðar hóf Ólafur sölu á
unnum viði og setti til þess upp aðra minni sögun inni í Ólafs-
verksmiðjunni. Henni stjórnaði Guðjón Magnússon smiður á
Kjörvogi. Sú sögun var drifin af fimmtíu hestafla Tugsham-glóð-
arhausvél sem jafnframt dreif öll tæki verksmiðjunnar. Megin
hluta þess viðar sem unninn var á Eyri keypti Ólafur af bændum
á reka. Hann hafði bát í viðarferðum, Eyju fjögra lesta trillu, sem
Eiríkur Eiríksson á Eyri stjórnaði. Auk þess komu bændur sjálfir
85