Strandapósturinn - 01.06.2003, Síða 88

með óunninn við að Eyri og seldu Ólafi meðal annarra Eiríkur
Guðmundsson á Dröngum og Pétur Guðmundsson í Ófeigsfirði.
Viðarvinnsla fór að mestu fram vor og haust, það er fyrir og
eftir síldarvertíðir. Þessi sögun skapaði talsverða vinnu á Eyri og
rekabændur komu viðnum í verð. Unnu timbri var auðvelt að
koma á markað með strandferðaskipum frá Ingólfsfirði. Þessi
vinnsla var í gangi til ársins 1942. Þá seldi Ólafur verksmiðjuna
með öllum tækjum, og þar með sögunarvélina, Gísla Jónssyni
sem flutti búnaðinn á Bíldudal. Eftir það varð nokkra ára hlé á
vélsögun rekaviðar á Eyri.
Það var síldin, silfur hafsins, sem hafði kallað menn til þessara
framkvæmda. Þessi dyntótti fiskur sem óð upp undir landi eitt
sumarið en sást svo kannski ekki árið eftir, síldin sem gerði
menn ýmist milljónera eða öreiga.
Es. I ágúst 1996 var Asgeir Gunnar Jónsson staddur í Hrísey
og sá þar stórt svinghjól í húsagarði 2,24 m í þvermál. I samtali
við Sigurgeir Júlíusson í Hrísey kom í ljós að það er svinghjólið
af Kampel-vélinni. Hreinn Pálsson í Hrísey keypti fyrra sögunar-
verkið af Ólafi. Hann starfrækti það í tvö til þrjú ár. Þá varð það
slys að Björn Ólafsson sem vann við sögunina sagaði illa í hönd
á sér og þar með lagðist sögunin niður. Viður til sögunar í Hrís-
ey var víða sóttur m.a. norður að Dröngum á Ströndum.