Strandapósturinn - 01.06.2003, Page 100

Hjálmar hefur verið í sambandi við Friðþjóf Jóhannesson á
Patreksfirði og fengið hann til að gera rekstraráætlun um síldar-
verksmiðju á Hólmavík. Helstu liðir hennar voru: 120 tonna af-
köst á sólarhring og 70 vinnsludagar á ári. Aætlunin er undirrit-
uð á Hótel Borg 8/2 1938 og er bréfið stílað til HF Steingrímur
Hólmavík. Þessa dagana hefur starf Hjálmars snúist um það að
sækja um innflutningsleyfi fyrir tækjum, útvega lán og hlutafé
fjáðra manna, sem áttu síldveiðiskip. Árangur má lesa út úr
nokkrum afritum bréfa og svörum við þeim og öðrum svörum
við bréfum, sem hafa ekki varðveist:
19/2 '38 Gjaldeyris- og innflutningsnefnd leyfir innflutning
kr. 300.000 gegn samþykki Ríkissjóðs. Umsókninni um leyfið
(14/2.) Fylgdi eftirfarandi listi um fjármögnun:
1. Þýskt lán v/véla og efnis
2. Safnað á Hólmavík
3. Friðþjófur Jóhannesson, Patreksfirði
4. Frá 3 vélbátum ca 50 smálestir
5. Frá 3 skipum ca 250 smálestir
6. Lofun forsætisráðherra um lán
Ca Kr. 280.000
Kr. 27.125
Kr. 5.000
Kr. 3.000
Kr. 30.000
Kr. 60.000
Kr. 405.125
21/2'38. Atvinnu- og samgöngumálaráðuneytið leyfir 1000
mála verksmiðju að tilskildri sönnun fyrir 18. mars á að nægt fé
verði fyrir hendi til að byggja. I framhaldi af þessu þykir Hjálm-
ari tími til kominn að afla sér umboðs til aðgerða og 24/2 '38
gengur hluthafafundur í Síldarbræðsluverksmiðjufyrirtækinu
hér á Hólmavík frá slíku umboði til umboðsmanna hluthafa,
sem staddir eru í Reykjavík. Karl G. Magnússon skýrir frá því, að
nokkur vissa sé fengin fýrir talsverðum hráefnum, þar sem út-
gerðarmenn með 3 skip stór gerðust hluthafar með talsvert mik-
lu hlutafjárframlagi eða allt að um 30 til 35 þúsund krónum.
Málið virðist í höfn. Heimamenn eru sannfærðir um að svo sé.
Það staðfestir eftirfarandi skeyti, sem Jónatan sendir Hjálmari
suður:
Sex til sjö smiðir biðja um vinnul
98