Strandapósturinn - 01.06.2003, Side 102

hvern nema 6 yfir Hrútafjörð. Fyrsta daginn 15. mars náði hann
aðeins yfir Kollafjörð og varð að gista. Næsta dag komst hann
yfir alla hina og þrælaðist í Fornahvamm á 3ja degi og gisti þar.
Síðan er Borgarnes nefnt og ferð þaðan með Laxfossi til Reykja-
víkur. Þetta ferðasögubrot er lesið út úr hárnákvæmum ferða-
kostnaðarreikningi Hjálmars. Lítill vafi er á því að erindi Hjálm-
ars suður að þessu sinni hefur verið að gera úrslitatilraun til að
stappa stálinu í helstu hluthafana. Engar upplýsingar um ferð-
ina eru fyrir hendi. Eg vitna í frásögn Þorkels Hjaltasonar um
heimkomu Hjálmars hér á eftir.
Endalok
Vitað er að verksmiðjuævintýrinu lauk með fundi á Hólmavík.
Eg man sjálfur eftir fundinum, þó að ég sæti hann ekki, þorði
ekki að sýna mig (12 ára) öllu því stórmenni sem þar var saman
komið. Mikil spenna var í lofti. Hólmvíkingar vissu að þetta var
lokatilraun til að bjarga málinu og voru á nálum, en ekki var öll-
um ljóst, hverju bjarga þurfti. Sjálfur sat ég heima með öndina
í hálsinum og varð fýrir gríðarlegum vonbrigðum með úrslitin!
Eg hef ekki séð fundargerðina og veit ekki dagsetninguna, en
sennilega var hún í 3 viku mars. Þorkell Hjaltason sagði mér
undan og ofan af atburðum á þessa leið:
Hjálmar Halldórsson starfaði í verksmiðjunefndinni. Hann fór suð-
ur að rœða við peningamenn og sildarjöfra og var mánuð í burtu. Einn
góðan veðurdag kemur hann norður og er með 5—6 stórlaxa með sér.
Þeir fara út um allar trissur mælandi og reiknandi. Svo er boðað til
fundar. Menn búast við, að framkvœmdir séu í þann veginn að hefjast
og gamli skólinn Jyllist út úr dyrum. En á fundinum var hætt við allt
saman. Ein röksemdin var sú, að verksmiðjubygging geti ekki borgað sig
vegna fjarlœgðar frá síldarmiðum.
Rúmt ár líður og 22/4. 1939 berst Verkalýðsfélagi Hólmavík-
ur rukkun og tilkynning um að krafið sé um 2% af lofuðu tillagi
eða hlutafé í síldarverksmiðju hér s.l. ár. Er þetta kostnaður er
varð út af tilraunum um stofnun verksmiðjunnar.
100