Strandapósturinn - 01.06.2003, Page 129

höndum félagsmanna í Leikfélagi Hólmavíkur og Sauðfjársetr-
inu - en einhverra hluta vegna vill svo til að þar er um sama fólk-
ið að ræða að mestu leyti. Það var mikil lyftistöng fyrir Sauðfjár-
setrið að Guðni Agústsson landbúnaðarráðherra mætti á svæðið
og var ræðumaður kvöldsins. Þótti ræðan snilldargóð og hið
sama rnátti segja um leikatriðin. Hljómsveitin BG frá Isafirði lék
síðan fyrir dansi fram á rauða nótt.
Jólamarkaður
Lokaverkefni Sauðfjársetursins á árinu 2002 var jólamarkaður
sem var haldinn á Hólmavík í samstarfi við Strandagaldur og
Strandakúnst. Hugmyndin kom frá Ester Sigfúsdóttur og Hrafn-
hildi Guðbjörnsdóttur og höfðu þær að mestu umsjón með búð-
inni. Markaðurinn var opnaður 23. nóvember og var opinn á
hverjum degi til jóla. Reynt var að hafa uppákomur um hverja
helgi, t.d. komu jólasveinar í heimsókn og létu öllum illum lát-
um, barnakór söng og sönghópurinn Stjáni og stelpurnar
skemmtu fólki með söng og spili. Markaðurinn var ágætlega
sóttur og framtakið mætist vel fyrir.
Söfnun muna og mynda
A árinu 2002 bárust Sauðfjársetrinu fjölmargir munir til sýn-
ingar, bæði að láni og gefins. Setrið fékk líka lánaða muni til sýn-
ingar frá samstarfsaðila sínum, Byggðasafni Húnvetninga og
Strandamanna á Reykjum í Hrútafirði. Gott samstarf var við for-
stöðumann Byggðasafnsins um varðveislu og uppsetningu á
mununum. Það er ljóst að samstarf milli þessara aðila er kjörið
tækifæri fýrir báða til að efla safnastarf, miðlun og markaðssetn-
ingu.
Einnig barst setrinu mikið af munum frá einstaklingum.
Starfsmenn sýningarinnar fóru í mikla söfnunarferð rétt fýrir
opnun hennar og kom þá í ljós að fólk á Ströndum lumaði á
ýmsum gersemum í fórum sínum og voru viljugir til að gefa og
127