Strandapósturinn - 01.06.2003, Side 130

lána muni til sýningar. Munir héldu áfram að berast sýningunni
allt sumarið.
Ekki má gleyma myndunum, en rúmlega 100 myndir voru
uppi á sýningunni og lífguðu mjög upp á hana. Ljósmyndir bár-
ust allt sumarið, en lauslega áætlað hafa Sauðfjársetrinu borist
um 800-1000 myndir. Stefnt er að því að skipta út nokkrum
myndum og munum árlega og endurnýja þannig sýninguna.
Söfnun muna og mynda er þó fjarri því að vera lokið, söfnun-
in á að vera nokkurs konar eilífðarverkefni. Þeir sem hafa í fór-
um sínum gamlar myndir eða muni sem tengjast efni sýningar-
innar á einn eða annan hátt eru því hvattir til að hafa samband
í síma 451-3180 (Sögusmiðjan).
Geymsla og skrifstofa á Hólmavík
Sauðfjársetrið gerði á haustdögum heiðursmannasamkomu-
lag við Hólmadrang um kaup á húsnæðinu að Skeiði 3, sem
hafði áður veriðnotað sem netaverkstæði. Húsnæðið hentar
mjög vel undir safnstarfið, þar er góð upphituð geymslu- og
verkstæðisaðstaða og auk þess sem þar eru ágætar skrifstofur.
Kaup á húsnæðinu kemur til með að efla alla starfsemi Sauð-
fjársetursins og auðvelda safnastarf og húsnæðið nýttist vel und-
ir jólamarkaðinn sem var uppi í rúmlega mánuð. Þá hefur Sauð-
fjársetrið boðið Ráðunautaþjónustu Húnaþings og Stranda skrif-
stofuaðstöðu fýrir starfsemi ráðunautar á Hólmavík. Gengið
verður frá þeim málum á árinu 2003.
Menningarstofnun sem skiptir máli
Skemmtanir og viðburðir sem Sauðfjársetur á Ströndum stóð
fýrir árið 2002 voru allir vel heppnaðir og í raun kom í ljós á
fýrsta starfsári setursins að hlutverk þess verður ekki síst fólgið í
að efla menningar- og mannlíf á Ströndum. Mikið var lagt upp
úr því að hafa skemmtanir og uppákomur eins oft og hægt var
og sú stefna borgaði sig, því aðsókn að viðburðunum var prýði-
128