Strandapósturinn - 01.06.2003, Page 160

á Hólsseli svaraði hann stutt og laggott: „Þið fáið eitthvað“.
Steingrímur vissi hvað hann sagði því að rausnarlega var á borð
borið, og rúm fengu allir og voru þó gestir fyrir. Síðar um kvöld-
ið komu bílstjórarnir aftur frá Grímsstöðum til að fá gistingu.
Þarna höfðum við góða nótt og fræddumst um margt viðvíkj-
andi þessu einstæða byggðarlagi þó hér verði ekki fært í letur.
Morguninn eftir, hinn 20. júní, var lagt af stað frá Hólsseli
klukkan 8:45 og ekið áleiðis til Grímsstaða. Þar er margbýli og
byggingar myndarlegar. En lítill tími gafst til að litast um því að
þaðan var haldið klukkan hálf tíu yfir Möðrudalsöræfi að
Möðrudal.
Engin viðdvöl var höfð þar, nema fararstjórinn heilsaði upp á
húsbóndann. Ekki urðum við neitt vör við reimleika Halldórs
Stefánssonar eða Möðrudals-Möngu enda ekki að vonum, svona
sólríkan vordaginn og í slíku fjölmenni. Hitt vakti okkur meiri
furðu að sjá hve landið var gróðursnautt, þar sem hér var að
frnna stærstu fjárbúin og feitasta féð á landinu. A allri þessari
löngu leið um öræfin og niður undir brúnir Jökuldals hélst
sama auðnin, nema lítils háttar kyrkingslegur gróður kringum
bæinn í Möðrudal og eyðibýlið Rangalón sem liggur hæst allra
býla á landinu.
AJökuldal eru líka stór fjárbú og myndarleg býli. Ferðfólkinu
verður starsýnt á ána sem veltur þarna fram eins og leðja, næst-
um svört á litinn og harla óárennileg. En við rennum niður með
henni uns við komurn að brúnni sem gerir okkur kleift að halda
áfram ferð okkar. A hæðunum milli Jökulsár og Lagarfljóts kom
stjórn Búnaðarsambands Austurlands á móti okkur og var nú
haldið fram í Fljótsdal að Valþjófsstað og setið þar kaffiboð hjá
Búnaðarfélagi Fljótsdæla. Þar fóru fram ræðuhöld og söngur
sem sóknarpresturinn sþórnaði. Guðmundur Ingi flutti kvæði
um staðinn og héraðið sem hann kom í ljóð meðan setið var
undir borðum. Náttúrufegurð er mikil í Fljótsdal og einkenni-
legt fjallið yfir Valþjófsstað. Virtist þar mikill gróður á reglulega
löguðum klettastöllum. Var nú ekið á leið til Egilsstaða um hina
löngu og myndarlegu Lagarfljótsbrú og gist þar. Húsið stendur
skammt frá Leginum. Mikil trjá- og blómarækt blasir við augum
og falleg heimreið milli trjágarðanna. A Egilsstöðum er fagurt,
158