Strandapósturinn - 01.06.2003, Qupperneq 163

heimferðarhugurinn hafði gripið ferðafólkið og var haldið nið-
ur með Jökulsá á Fjöllum, framhjá Asbyrgi um Kelduhverfi og
Reykjaheiði að Húsavík. Þar gisti sumt af ferðafólkinu en flestir
héldu áfram alla Ieið til Akureyrar.
Daginn eftir hittist ferðafólkið aftur á Akureyri og snæddi
miðdegisverð á Hótel KEA í boði bæjarstjórnar Akureyrar. Marg-
ar ræður voru fluttar undir borðum af hálfu beggja aðila eins og
jafnan áður í öllum þeim boðum er við sátum. Sumum þótti of
mikill tími fara til þessara hefðbundnu ræðuhalda, en mér
fannst þau skemmtileg og gefa ferðalaginu aukið gildi og svo
mun flestum hafa fundist.
A Akureyri tvístraðist hópurinn. Urðu þar t.d. eftir allir þátt-
takendur úr norðurhluta Strandasýslu og þar á meðal sá er fært
hefur þessa ferðasögu í letur. Fórum við hjónin heirn með
strandferðaskipi til Hólmavíkur og verður ekki greint nánar frá
ferðalokum.
Ályktunarorð
Þessi fyrsta bændaferð Vestfirðinga reyndist bæði skemmtileg
og Iærdómsrík. Hún hafði því heppnast eins og best var á kosið,
það var einróma álit okkar allra. Mér finnst við hafa vaxið af
kynnum við búendur og byggðalög á Norður- og Austurlandi
þótt stutt væru. Og við eigum ljósmyndir af talsvert mörgum
þátttakendum, því ávallt voru myndavélarnar á Iofti þegar færi
gafst. Gaman er að sjá myndina af bændahöfðingjanum Birni á
Rangá þar sem hann er brosleitur að skenkja skilnaðarskál okk-
ar Vestfirðinganna. En þess utan eigum við rnyndir í hugskoti
okkar, bæði af mönnum og landslagi og munu sumar geymast
lengi. Og þegar við lítum yfir ferðina og rifjum upp hið hlýja við-
mót gestgjafa okkar, sem við mættum hvarvetna, finnst okkur við
eiga þarna vini sem við eigum gott upp að unna og höfum
sterka samkennd með. Við gleðjumst yfir velgengni þeirra og
viljum hag þeirra sem bestan í hvívetna.
A skilnaðarstundinni var okkur efst í huga þakklæti til allra
þeirra sem stofnuðu til þessarar ferðar með stórhug og bjartsýni
161