Strandapósturinn - 01.10.2007, Side 17

21. maí. Fleira var á dagskrá kórsins því samhliða var verið að æfa
fyrir fyrirhugaða söngferð til Kanada 12. júní. A vortónleikunum
var boðið upp á þá nýjung að í stað þess að fá einsöngvara til að
syngja með kórnum þá var Kirkjukór Kópavogs boðið til þátttöku.
Segja má að boðið hafi legið nokkuð beint við þar sem þrír fé-
lagar í Kór Atthagafélags Strandamanna eru jafnframt félagar í
Kirkjukór Kópavogs. Báðir kórarnir ætluðu saman til Kanada og
því var samstarf þeirra nokkuð náið á þessum tímapunkti. Það má
geta þess að vortónleikarnir tókust vel, nýbreytnin með tvo kóra
féll í góðan jarðveg og var metin af tónleikagestum sem skemmti-
leg tilbreyting. Að loknum vortónleikum og kaffidegi Stranda-
manna 8. maí er yfirleitt að renna upp sá tími er kórfélagar fara
að huga að sumarleyfi frá kórstarfi. I þetta sinn var sú hugsun ekki
tímabær þar sem fyrirhuguð Kanadaferð nálgaðist óðfluga og því
héldu æfingar áfram.
Ekki er hægt að fjalla um Kanadaferðina án þess að geta með
nokkrum orðurn forsögu hennar. Vorið 2004 var Vestur-íslend-
ingurinn Jóhanna Wilson Skaftason í heimsókn á Islandi og kom
þá á vortónleika kórsins í Seljakirkju. Sumarið eftir kom hún aft-
ur til landsins og þá ásamt Erlu Helgason Wankling, sem er for-
maður íslendingafélagsins í Winnipeg. I lyölfarið óskuðu þær
eftir því að kórinn kæmi til Kanada og tæki þátt í útihátíðarhöld-
um í Winnipeg á þjóðhátíðardaginn 17. júní. Urn sérstaka hátíð
var að ræða þar sem tilefnið var 90 ára afmæli félags Jóns Sigurðs-
sonar. Beiðnin hljóðaði upp á að syngja við hátíðarhöldin um
daginn sem og við hátíðarkvöldverð sem haldinn var á einu virðu-
legasta hóteli í Winnipeg, Hotel Fort Garry. Til gamans má geta
þess hér að móðir Jóhönnu Wilson, Guðrún Skaftason, var stofn-
andi félagsjóns Sigurðssonar 90 árum fyrr, en sjálf er Jóhanna 86
ára. Ferð sem þessi krefst töluverðs undirbúnings og skipulags-
vinnu þar sem margir leggja hönd á plóginn. Samstarfsaðilar
kórsins voru meðal annars Erla Guðmundsdóttir starfsmaður
ferðaskrifstofunnar Isafoldar og annar fararstjóri hópsins. Að-
alfararstjóri var Kent Lárus Björnsson sem ættaður er frá Gimli en
hefur verið búsettur á íslandi undanfarin ár. Einnig var í sam-
starfi Ægir Fr. Sigurgeirsson prestur í Kópavogskirkju. Samstarf
við alla aðila var með miklum ágætum og greinilegt að öllum var
15