Strandapósturinn - 01.10.2007, Qupperneq 82

En það varð að fylgjast með girðingunni allt sumarið og var
áskilið að farið væri með henni daglega. Til þess að uppfylla þetta
skilyrði höfðum við tjaldið góða staðsett norðan við Tagl. Röltum
með girðingunni seinni part dags og gistum í tjaldinu og fórum
svo snemma dags til baka. Það gat verið gaman að rölta með girð-
ingunni. Féð vandist því fljótt að það komst ekki lengra enn að
þessari gaddavírslínu er skar landið sundur. Þó voru alltaf ein-
hverjar er fannst grasið græna hinum megin, sérstaklega freistaði
Breiðidalurinn þeirra, iðjagræn og oftast voru þetta sömu roll-
urnar, kannski tvílembur. Þegar maður gekk framá þær lágu þær
ogjórtruðu með lömbin sín tvö, sakleysið upp málað og spurðu
mann með augunum, hvað maður væri að vilja? Þeim dytti sko
ekki í hug að fara að stelast í grasið hinum megin við girðinguna,
hér hefðu þær það gott og hvort ég sæi ekki hvað lömbin hennar
væru falleg. Hver fellur ekki fyrir slíkum rökum. Maður labbaði í
hvarf, leit við og viti menn sú gamla var staðin á fætur og stefndi
á græna grasið hinum megin við girðinguna. Og þegar maður
snéri við til að stugga við henni var hún sakleysið upp málað, sem
fyrr, og lét eins og hún hafi ætlað eitthvað allt annað. Svo tölum
við um sauðheimsku. Oft gat verið dýrðlega fallegt útsýni af Tagl-
inu og hæðunum ofan Reykjarfjarðardals, sérstaklega á morgn-
ana og kvöldin þá gat fjörðurinn verið spegilsléttur svo ekki sást
gára. Stundum á kvöldin laumaðist þokan inn og fyllti fjörðinn
fjalla milli og maður horfði ofan á skýjabólstrana er mynduðu
hinar ótrúlegustu töframyndir og umhverfis mann ríkti þögnin
sem var algjör, nema þessi sérstaki öræfaniður sem er ósund-
urgreinanlegt hljóð er berast til manns úr öllum áttum. Þá var
gaman að vera til og horfa á þessa dýrð, sem við megum aldrei
spilla. Við eigum ekki þetta land, framtíðin á það og hún er ekki
okkar.
Pílagrímsferð!
Um miðjan júní 2006 fórum við hjónin norður í Djúpavík og
gistum hjá þeim hjónum Hrefnu Magnúsdóttir og Skúla Alexand-
erssyni, við góðan kost. Eg notaði tækifærið að skoða gamlar slóð-
ir eins og gamla girðingarstæðið en girðingin mun hafa verið tek-
80