Strandapósturinn - 01.10.2007, Síða 141

leiknum áfram, en oftast verður einhver þeirra fyrir skoti, og fyrr-
um útiliðsmenn eru komnir „inn“ og forða sér í Borg eða á Litla-
mark. Það (að forða sér) verða þeir að gera tafarlaust, því að á
næsta andartaki og þeir hafa unnið sig inn, geta hinir unnið sig
inn aftur með því að ná boltanum og skjóta andstæðing, sem er
að væflast á hættusvæðinu, eftir að hann er orðinn inniliðsmaður.
Svo getur viljað til við þessar kringumstæður, að allir hafi forðað
sér á Litlamark og eftir sem áður sé Borgin högglaus. Er þá ekki
um annað að ræða en reyna að brjótast í Borg.
Spennan í leiknum er mikið komin undir því, að hlaupavega-
lengdin - frá Borg að Litlamarki - sé hæfileg miðað við venjuleg-
ustu högglengd, svo að sem tvísýnast sé að hlaupið hafist af í tæka
tíð. Okkur reyndust 35 metrar vel, eins og annars staðar er minnst
á. Með því móti verða og mestar líkur á að högglaust verði í Borg.
Þessu fylgir oft að hlaupa verður í vafasömum eða vonlitlum fær-
um. Sumir gerðu það nú stundum af stráksskap einum eða æv-
intýramennsku, þó að nauðsyn bæri ekki til, það hét að svínasl og
þeir sem það leyfðu sér, voru dáðir sem hetjur ef það heppnaðist,
annars kallaðir helvískir svínihundar.
UPPGJÖF
Þegar leikmaður slær er tvennt til, að hann „gefi upp“ boltann
sjálfur með annarri hendinni en slái með hinni. Hitt er þó miklu
oftar að hafður sé sérstakur uppgjafari. Hann er úr útiliðinu og
vinnur með því að öðru en því sem snertir sjálfa uppgjöfina. Þó
að uppgjafari sé í leiknum getur leikmaður hafnað honum og
gefið upp fýrir sig sjálfur. Hlutverk uppgjafarans er vandasamt.
Hann þarf að gefa vel upp og vera óhlutdrægur þar sem hann er
að nokkru leyti beggja þjónn. Mjög gripviss þarf hann að vera, þar
sem boltanum er kastað til hans utan af vellinum eftir hvert högg.
Mikið veltur á góðri samvinnu hans og annarra í útiliðinu við að
komast í skotfæri við andstæðing sem hleypur. Auk þess þarf hann
að stjórna gangi leiksins á vissan hátt, þó að enginn sé hann dóm-
ari. Það embætti er ekki til í slagbolta. Engin lögbrot eru til í slag-
bolta og því engar refsingar. Hann er alger heiðursmannaleikur,
þó að öllu hressiiegar hafi iíklega ekki verið rifist og skammast í
139
L