Strandapósturinn - 01.10.2007, Page 148

rúnar hét Jón Ingvar og var fæddur 4. nóvember 1900. Við hann
munu eflaust margir kannast. Hann var jafnan kallaður Nonni
Mangason og bjó lengi á Hjalla í Litlu-Avík og síðast á Gjögri og
andaðist þar 19. nóvember 1970. Hann var lengi landpóstur frá
Gjögri að Norðurfirði. Ekki varð samband þeirra Magnúsar og
Guðrúnar lengra í þetta sinn. Þá gerðist það að einhveijir gár-
ungar tóku sig til og bentu Magnúsi á að það næði ekki nokkurri
átt að barn hans og Guðrúnar væri ekki hjónabandsbarn. Magnús
sá að þetta væri rétt. Hann fór þá á stúfana og hóf bónorð við
vinnukonu á Gjögri sem Ingveldur hét og var Sigurðardóttir og
var frá Reykjanesi. Hún mun hafa verið nokkuð eldri en hann.
Hún tók bónorðinu vel og giftu þau sig upp úr því. Þar með taldi
Magnús að sonur sinn væri orðinn hjónabandsbarn. Ingveldur
lést 1908, 62 ára að aldri. Þá var Magnús orðinn konulaus og undi
því ekki vel. Guðrún, barnsmóðir hans, var þá vinnukona á Kjör-
vogi. Magnús lagði þá leið sína þangað og hóf bónorð við Guð-
rúnu. En hann tók það fram að það væri ekki fyrir að honum
byðust ekki nægar bikkjurnar að hann veldi hana; það gerði sem
sé barnið. Guðrún tók bónorðinu vel en vildi samt fyrst bera það
undir húsmóður sína. En hún mun hafa lagt blessun sína yfir
ráðahaginn. Magnús og Guðrún tóku því saman og voru það þar
til yfir lauk.
Ingveldur sú sem Magnús giftist og bjó með eins og áður er
sagt frá hafði mátt reyna ýmislegt um dagana sem má með mikl-
um ólíkindum teljast. En til þess að verða mér úti um frekari vitn-
eskju um þá atburði tókst mér með góðra manna hjálp að verða
mér úti um vænan bunka af réttarskjölum.
Glœpurinn og réttarhaldið
Upphafið að þeim hremmingum sem Ingveldur Sigurðardóttir
varð fyrir var að henni mun hafa orðið það á að hnupla nokkrum
kaffibaunum og kandísmolum. Eigandi að þessari munaðarvöru,
Pétur Guðmundsson húsmaður á Gjögri, kærði þetta athæfi um-
svifalaust til sýslumanns Strandasýslu sem þá sat að Bæ í Hrúta-
firði. Sýslumaður var Sigurður E. Sverrisson. 5. júní 1895 er sýslu-
maður mættur í Árnes og setur þar réttarhald út af munnlegri
146