Strandapósturinn - 01.10.2007, Qupperneq 149

kæru Péturs Guðmundssonar sem er mættur fyrir réttinn og gef-
ur svolátandi skýrslu:
...að hann sé 58 ára og hann haldi til í verbúð á veiðistöðinni
Gjögri. Hafi hann í síðastliðnum janúarmánuði farið að bæn-
um Kjörvogi og hafi hann þá lokað búð þeirri er hann lifir í og
haft með sér lykilinn. Þegar hann kom heim aftur að kvöldi
þess sama dags hitti hann mann sem einnig á heimili á Gjögri,
húsmanninn Hjálmar Guðmundsson, og skýrði maður þessi
honum frá í óspurðum fréttum að hann hefði þá um daginn
gengið fram hjá dyrum búðar þeirrar er hinn mætti býr í og
séð að hurðin á henni stóð opin í hálfa gátt og að lyklar stóðu
í skránni. Hinn mætti fór síðan í búð sína og athugaði muni
sína þar. Þóttist hann þá viss um að þaðan hefði horfið á með-
an hann var fjarverandi umræddan dag eitthvað lítið af kaffi
og sykri en treysti sér með engu móti að ákveða hversu rnikið
hafi verið. Að kvöldi hins næsta dags beiddist hinn mætti þess
af húskonu íngveldi Sigurðardóttur er heimili á í einni ver-
búðinni á Gjögri að hún léði sér lykil til að komast í búð sína
með því hann bar fýrir að hann hefði misst sinn eigin lykil
enda hafði hinn mætti íngveldi sérstaklega grunaða um að
hafa farið í búð hans. Sýndi það sig þá að einn af lyklum íng-
veldar gekk að búð hins mætta. Næsta dag þar á eftir fékk hinn
mætti léða alla lykla hjá þeim sem hafa aðsetur sitt á Gjögri og
bar hann þá við læsinguna á búð sína, en enginn þeirra gat
gengið að henni nema aðeins lykill í vörslu Ingveldar.
Þá kom fyrir réttinn Hjálmar Guðmundsson. Hann segir eins
og fram kom hjá Pétri að hann hafi tekið eftir að hurðin á búð
Péturs stóð opin í hálfa gátt og lyklar stóðu í skránni. Hann sagð-
ist hafa vitað að Pétur hafi farið að bænum Kjörvogi og taldi þegar
hann sá búðina opna að Pétur væri kominn heim og ekki athugað
það frekar. En þegar hann svo hitti Pétur seinna um daginn hafi
hann fært þetta í tal við Pétur hvers hann hafði orðið vísari. Þá
hafi Pétur sagt sér það að hann hafi læst búðinni þegar hann fór
að heiman og haft lykilinn með sér. Þá sagðist Hjálmar hafa verið
viðstaddur þegar Pétur prófaði aðra lykla að skránni við sinn.
147